hósdagur 3. mars 2016síða 44

FRÍGGJADAGUR 4. MARS 2016 SOSIALURIN 27 44 ÍTRÓTTUR TRÓNDUR ARGE H evði fótbóltsdómarin Ransin Napoleon Djurhuus lurtað betur eftir konuni, kann tað verða, at hann í dag hevði nátt sínum stóra dreymi. Ransin Napoleon Djurhuus er eftirhondini eitt kent navn í føroysku fótbólti. Í góð tjúgu ár hevur havnarmaðurin verið fótbóltsdómari og verið í dómaratoyminum í næstan 500 dystum í vaksnmannafótbólti. Ransin er sonur dóm­ara­ legenduna Nemus Napoleon Djurhuus, ið var altjóða dómari, og sum í dag er dómaraeygleiðari. Stóri dreymurin hjá Ransin N. Djurhuus er at blíva altjóða dómari. Í ár hevur Føroyar fingið tiltutað eitt altjóða dómarapláss afturat, so vit nú hava tveir altjóða dómarar. Eftir at hava verið tilnevndur sum altjóða dómari fyri FSF farnu tvey árini, er hugsandi, at dreymurin hevði blivið til veruleika, um Ransin N. Djurhuus bara lurtaði eftir konuni, Gunnvá Grey, tá hann fór á skíðferiu. Mannfólkatúrur til Italia Í februar í fjør fór 34 ára gamli dómarin saman við vinum og kenningum á skíðferiu í vældámda Canazei í Italia. Hóast Ransin N. Djurhuus er dómari, metti hann ikki vanda vera so stóran við at fara á eina skíðferiu. Konan royndi at muta ímoti. – Hon unti mær at fara avstað, men segði at eg skuldi passa uppá, greiðir Ransin N. Djurhuus frá, og ristur við høvdinum, tá minnini kom fram aftur. Fyrsti dagurin á túrinum gongur væl, og menn hugna sær, men tað gongur so sum so við at standa á skíð. Tí avgera Ransin N. Djurhuus og aðrir, at dagin eftir fara teir á skíðskúla. Tað er ongin tíð hjá skíðlærarunum fyrr enn seinnapartin, so teir fara út at royna seg, meðan teir bíða. Á einum síðuvølli, har Ransin N. Djurhuus er einsamllur, gongur alt galið. Krossbandið slitnar – Eg gjørdi nøkur síðuøvilsir oman eftir bakkanum einsamallur, tá eg brádliga fekk ov nógva ferð á. Eg royndi at steðga, men skíðifjølin á vinstra beini dettur av, meðan tann á høgra beini hongur føst, greiðir Ransin N. Djurhuus og stillar seg upp fyri at betur lýsa, hvat hendi. Meðan Ransin N. Djurhuus nærmast skreiðar oman eftir bakkanum, hálar skíðfjølin høgra bein í eina óhepna støðu, so knæið kemur skeivt fyri. – Eg visti beinanvegin, at okkurt var galið, men ikki hvussu álvarsligt tað var. Eg reisti meg, og eina løtu vónaði eg, at tað ikki var so álvarsligt, greiðir Ransin N. Djurhuus frá. Fólk koma á staðið at hjálpa honum. Dómarin verður koyrdur við sjúkraflutningi oman í býin, har ferðalagið heldur til. Hann hevur nógva pínu í knænum og fer til lækna. – Tað seinasta, eg spurdi um hjá læknanum, var, um krossbandið var farið. Tað helt hann ikki, forklárar Ransin N. Djurhuus, sum tá enn hevur eina vón um, at skaðin ikki er so álvarsligur. – Eg tosaði eisini við onkrar í ferðalagnum, sum hava royndir við skaðum. Teir mettu eisini, at um eg kundi ganga so frætt, sum eg kundi tá, so mundi krossbandið ikki vera slitið, sigur Ransin N. Djurhuus. Óvissa í fleiri mánaðir Í tíðini eftir túrin venur Ransin N. Djurhuus sum vanligt. Hann hevur verið hjá lækna og fysioterapeuti, og knæið sær út til at blíva betri. Tað er ikki fyrr enn í juni mánaði í fjør, at endaliga staðfestingin kemur – krossbandið er slitið. – Eg var á Tórsvølli sum venjari hjá soninum og hansara javnaldrum, tá eg skuldi venda mær taka ein bólt. Tá fór knæið undan mær. Um tað ikki vóru børn til staðar, so hevði eg grátið, so ilt eg fekk, sigur Ransin N. Djurhuus. Nú er ongin ivi. Ransin N. Djurhuus skal skurðviðgerast og verður sendur til Danmarkar til skurðviðgerð. Í dag er vónin, at hann er klárur aftur í summar. – Í besta føri, so klári eg at døma onkran dyst í juni fyri summarsteðgin, men í ringasta føri, verður tað ikki fyrr enn á ólavsøku ella har á leið, sigur Ransin N. Djurhuus. Tá hevur hann ikki dømt í næstan hálvtannað ár. Gevur ikki upp Í fleiri ár hevur Fótbóltssambandið roynt at fingið ein altjóða dómara afturat. Petur Reinert hevur seinnu árini verið okkara altjóða umboð. Næstur honum hevur verið Ransin N. Djurhuus, sum hevur verið uppstillaður tríggjar ferðir. Tí kom tað eyka illa við, at hann fór á skíðferiu, júst tá FSF við Lassin Isaksen, dómaraleiðara, á odda, tryggjaði Føroyum enn eitt umboð. – Tað lá í kortunum, at tað skuldi blíva eg, Eg eri uppstillaður tríggjar ferðir. Lassin Isaksen hevur leingi arbeitt við at fáa eitt pláss afturat. Tí hava vit altíð innstillað tveir ella tríggjar dómarar hvørja ferð, sigur Ransin N. Djurhuus. Bæði í 2013 og í 2014 varð hann uppstillaður saman við Peturi Reinert, sum tá er valdur framum. Tað er Ransin N. Djurhuus ikki argur um. – Tað havi eg ongar trupulleikar av. Petur Reinert er ein dugnaligur og royndur dómari, sum passar væl til profilin, ið altjóða dómarar skulu hava, sigur Ransin N. Djurhuus. Altjóða plássið fellur fyribils til Alex Troleis, sum hevur dømt síðani 2007. – Eg ætli mær at blíva FIFA dómari, tað er mín stóri dreymur. Tað er einki persónligt móti Alex Troleis ella nøkrum øðrum, men eg ætli mær at røkka dreyminum. Tað er framvegis mítt mál, sigur Ransin N. Djurhuus. Gevast er ikki ein møgueliki Fyri Ransin N. Djurhuus hevur tað ongantíð verið ein møguleiki, at gevast sum dómari. Tað liggur honum ov nær, sjálvt um tað onkuntíð hava verið nakrar myrkar løtur. – Eg havi ongantíð umhugsað at gevast sum dómari. Eg havi Ransin N. Djurhuus FÓTBÓLTUR Tað skuldi verða ein hugnaligur og stuttligur mannfólkatúrur til Italia, men skíferðin gjørdist ein marra fyri fótbóltsdómaran Ransin Napoleon Djurhuus. Álvarsligur knæskaði hevur forðað honum í náa málinum um at gerast altjóða dómari EG FARI ALDR Á SKÍÐFERIU Eg skal lurta betri eftir konuni. Umframt tað, so fari eg aldrin at standa á skíð aftur. Eg fari heldur at leggja meg undir eina parasol sunnanfyri«