hósdagur 10. mars 2016síða 6

FRÍGGJADAGUR 11. MARS 2016 SOSIALURIN 30 6 PERSÓNSSØGA HALLUR AV RANA U ndir yvirskriftini »Máttu flyta fanga til Dan­markar við skipi«, bar Kring­varp Føroya 2. februar eina søgu um ein ungan mann, ið fimm løgreglufólk máttu flyta við Norrønu til Danmarkar, har hann skuldi sita í varðhald, tí um­støð­urnar vóru ikki til at varð­ halds­fongsla mannin í Føroyum. Handan yvirskriftina goymir eina søgu um eina syrgiliga lagnu. Um ein ungling, ið ongantíð fekk røttu hjálpina, og sum hvørs nærm­ astu føla varð sleptur upp á fjall av føroyska samfelagnum. Søgan er um 23 ára gamla Bjarna Restorff Holm, sum í februar varð dømdur eitt ár í fongsul í Føroya rætti. Tað er tó bara seinasti kapittulin í søguna um eina harðar lagnu. Í einum húsum í eysturbýnum í Havn situr mamma hansara, Annika Restorff Holm, og speku­ler­ ar uppá, hvussu lagnan hevði verið, um sonurin bara fekk tí hjálp, ið hann hevði tørv á. – Alt, ið Bjarni hevur gjørt síðstu árini, hevur verið eitt neyðarróp frá hansara síðu. Hann bað enntá dóm­aran um hjálp, so hann kundi koma víðari við lívi sínum. Men í Føroyum er einki stað og eingin hjálp til mín son, sigur Annika Restorff Holm. Slapp ikki framat Søgan byrjar í 2008, tá Bjarni Restorff Holm, einans 15 ára gamal, spurdi lækna sín um ráð, tí hann hevði trupulleikar við at miðsavna seg í skúlanum. – Um hetta mundið kláraði hann seg væl í skúlanum og fekk góð próvtøl. Hann var ein vanligur, ungur og flottur drongur, men var kanska eitt sindur rokaligur. Lækn­in og hann gjørdu av, at hann skuldi fara til sálarfrøðing, sigur Annika Restorff Holm. Bíðilistin hjá ungum og børnum at sleppa framat til sálarlækna var tó so mikið langur, at fólk máttu bíða í fleiri ár. Soleiðis var eisini hjá Bjarna Restorff Holm, ið ikki slapp framat fyrr enn trý ár seinni, tá hann loksins fekk staðfest ADHD. Tá var hann tó longu kendur í skipanini. – Tað var um jólini í 2011, at Bjarni fekk tað so ringt, at hann sjálvur bankaði á dyrnar á psykiatr­isku deild. Men hóast hann var sjúkur og hevði tørv á hjálp, so varð hann skjótt sendur út aftur á gøt­una. Tá fingu vit tó hjálp frá ein­um royndum starvsfólki innan psykiatrina, og um summarið 2012 slapp hann framat hjá sálarlækna, og fekk staðfest ADHD, sigur mamman. Rúsevnir koma upp í leikin Aftaná at Bjarni Restorff Holm varð liðugur í fólkaskúlanum, fekk hann kjans við einum skipi. Í fyrstu atløgu tyktist, at hetta var júst tað, ið ungi maðurin hevði tørv á, og støðan gjørdist betri. Men tað var eisini um hetta mundið, at Bjarni Restorff Holm av fyrstan tíð fekk samband við rús­evnir. – Tá var hann longu dottin niður­ímillum í samfelagnum og fekk ikki ta hjálp, honum tørvaði. Í huganum hoyrdi hann hundrað kanalir samstundis, og tankarnir fullu ikki upp á pláss. Tað er tá, at hann fyrstu ferð kom í samband við rúsevnir. Hann hevur fortalt, at fyrstu ferð hann roykti hassj, fekk hann loksins frið í huganum. »Alt, ið Bjarni hevur gjørt síðstu árini, hevur verið eitt neyðar­róp frá hans­ara síðu. Hann bað enntá dóm­aran um hjálp, so hann kundi koma víð­ ari við sínum lívi« BJARNI VARÐ SVIKIN AV SAMFELAGNUM Sonurin situr í Vestre Fængsel Annika Restorff Holm – Hvat er tað fyri eitt samfelag, ið ikki rúmar slíkum fólkum? Hann verður viðfarin sum eitt djór í Vestre Fængsel. Allar gerðir hansara í januar hava verið eitt neyðarróp eftir hjálp. Men hann fekk ongantíð hjálpina. Í staðin fekk hann eitt ár í fongsul, sigur mamma hansara, Annika Restorff Holm Framhald á næstu síðu MYND: PRIVAT