mánadagur 14. mars 2016síða 22

Mánadagur 14. mars 2016 · Nr. 31 22 Sosialurin Hugskot og viðmerkingar – send sms til 225000 HONDBÓLTUR FANTASTISKT U19-AVRIK WOMEN’S TROPHY 2016 Framtíðin hjá føroyskum kvinnuhondbólti í landsliðshøpi sær bjørt út, eftir at U19- kvinnurnar sera sannførandi vístu allari mótstøðu frá sær og fóru ósigraðar ígjøgnum Women’s Trophy-kappingina í Georgia. Í finaluni vóru tær klassar betri enn Georgia Hilmar Jan Hansen – Hetta var ikki upp á nakran máta ein lættkeyptur sigur, tí líka sum vit, hevði Georgia á veg í finaluna vunnið allar sínar dystir trygt, so hvørki av liðunum hevði roynt at tapt ein dyst í kappingini. Tað segði Flemming Oliver Jensen, sum hevur stjórn­að U19-kvinnunum frá síðu­linjuni, samstundis sum hann alla vikuna skemt­aði við, at hann bara var »av­ loys­ari«. Ferð eftir ferð vísti hann eisini á, at liðið ikki hevði havt møguleika at verið nóg væl samanspælt, at av­boð høvdu verið, umframt skað­ ar, so sum Katarina Høj, ið bara fekk nakrar min­uttir í fyrsta dystinum yvir í Georgia, áðrenn hon noydd­ ist at lata seg leiða út. Hóast hetta var ein finala, har Føroyar næstan vóru á tvífaldum útivølli, tí georgiska liðið jú spældi mitt í sín­um egna høvuðsstaði við túsund mælskum og larm­ andi áskoðarum, nervaði tað onga løtu føroyska spælið, ið heilt tíðliga í dystinum var, sum tað átti at vera. Gamaní, fekk georgiska liðið fylgt við ta allarfyrstu løt­una, men skjótt sást, at her var í veruleikanum klassa­munur á liðunum, og tann munurin bara øktist, longri tað leið út á dystin, og til síðsta vunnu før­oysku U19-kvinnurnar sera sann­ førandi við dupult so nógv­ um málum sum Georgia. – At kvinnurnar so valdu at hátíðar halda finalu­ kjansin við sínum besta spæli í allari kappingini, kann eg bara vera glaður fyri, tí tað vísti seg, at alt tað, sum vit høvdu avtalað áðrenn, bleiv hildið til punkt og prikk­ar, staðfesti Flemming Oliver Jensen, ið var sera væl­ nøgdur við at kunna heysta góðar fruktir av tí skroyp­ iligu fyrireikingini, ið hevði verið undan kappingini. – Nú sóu vit, at av tí at ting­ini eydnaðust hjá okk­um, bar einki til hjá georgisku spælarunum, ið blivu bangnir fyri at gera mistøk. Samstundis sóu vit frá føroyskari síðu framúr­ skar­andi gott verju­spæl og gott spæl frá málverjanum, og Georgia kom heldur ikki til serliga nógvar mál­møgu­ leikar. Føgur framtíð Frøin var stór á føroysku spæl­arunum, tá dystur var lokin og takast kundi ímóti bæði steypi og platti, um­ framt sjálvandi gull­heiðurs­ merkjum. Hetta var fimta royndin í Women’s Trophy, og endiliga lukkaðist at vinna, eftir at tað undan­ farnu ferðir er endað við finalu­plássi, men so heldur ikki meira. Nú gekk alt upp í eina hægri eind, og kappingin hevur eisini víst, at fram­tíðin hjá komandi kvinnu­lands­ liðum í hondbólti sær bjørt út, tí her er hópin av góð­um spælarum at taka av, so talan er um eitt tilfeingi, ið veru­ liga kann koma at gera vart við seg um nøkur ár. – Bara á hesum U19- lands­liðnum eru spælarar, vit við vissu fara at síggja á A-lands­liðnum heilt skjótt ella um nøkur ár, og um vit bara taka málverjarnar, so hava báðar rætt vakstrarlag, rættan kropsbygnað og rættan hugburð, og tær og aðrar kunnu altso koma langt, heldur U19-landsliðs­ venjarin. Og hóast hann kundi hugs­að sær at sæð fleiri spæl­arar á All Star-liðnum, ið varð kosið eftir finaluna, fekk hann tríggjar av sínum spæl­arum við. Annika Fríðheim Petersen, sum var kosin besti føroyski spælari eftir tveir av dystunum, var eis­ini kosin besti málverji í kapp­ing­ini, Magna Tórðar­ dóttir var kosin høgri bakk­ur og Tóra Eliasen besti verju­ spælari. Nú alt er av og úrslitið bleiv tað optimala við gull­ inum, hevur Flemming Oliver Jensen eina rósu aftrat at bera U19-kvinn­ unum: – Hetta var einki minni enn ein framúrskarandi inn­ satsur frá gentunum og vøk­ ur propaganda fyri før­oysk­ an hondbólt! hilmarjan@sosialurin.fo Føroyar - Georgia 28 - 14 (11-6) Finala, sunnudagin Føroyar - Lettland 25-18 (11-6) Hálvfinala, leygardagin Føroyar - Belgia 21-14 (9-7) Innleiðandi, hósdagin Føroyar - Armenia 45-7 (19-1) Innleiðandi, mikudagin Føroyar - Estland 26-17 (12-7) Innleiðandi, týsdagin Málskjúttar Maria Halsdóttir Weyhe . . . . . . . . . . . . . . . . . . . 30 Tóra Eliasen . . . . . . . . . . . . . . . . . . . . . . . . . . . . . 27 Guðrið Poulsen . . . . . . . . . . . . . . . . . . . . . . . . . . 22 Siw Matras Larsen . . . . . . . . . . . . . . . . . . . . . . . . 20 Kristina Poulsen . . . . . . . . . . . . . . . . . . . . . . . . . 12 Magna Tórðardóttir . . . . . . . . . . . . . . . . . . . . . . . . 9 Jórun Bech Nielsen . . . . . . . . . . . . . . . . . . . . . . . . 6 Beinta Bárðardóttir . . . . . . . . . . . . . . . . . . . . . . . . 5 Rannvá Dahl Hanusson . . . . . . . . . . . . . . . . . . . . 5 Gunnfríð Pálsdóttir Nólsoy . . . . . . . . . . . . . . . . . 5 Hanna H. Hansen . . . . . . . . . . . . . . . . . . . . . . . . . . 4 Bestu spælarar Annika Fríðheim Petersen . . . . . . . . . . . . . . . . . . 2 Maria Halsdóttir Weyhe . . . . . . . . . . . . . . . . . . . . 2 Magna Tórðardóttir . . . . . . . . . . . . . . . . . . . . . . . . 1 Aftast frá vinstru: Flemming Oliver Jensen, venjari, Margit Weihe Frímundsdóttir, Inga Dahl, liðleiðari, Gunnfríð Pálsdóttir Nólsoy, Annika Fríðheim Petersen, Magna Tórðardóttir, Jórun Bech Nielsen, Hanna H. Hansen, Guðrið Poulsen, Katrin Patursson, liðleiðari, Bára Krosslá Mortensen, fyrioterapeutur, Hallur Danielsen, ferðaleiðari. Fremst frá vinstru: Kristina Poulsen, Katarina Høj, Siw Matras Larsen, Maria Halsdóttir Weyhe, Rannvá Dahl Hanusson, Tóra Eliasen, Beinta Bárðardóttir Myndir: GeoNHF