mánadagur 14. mars 2016síða 23

23 Mánadagur 6. januar 2014 · Nr. 2 Sosialurin Mánadagur 14. mars 2016 · Nr. 31 Hugskot og viðmerkingar – send sms til 225000 HONDBÓLTUR KAPPINGIN ER VORÐIN HARÐARI Hondbóltsfelagið Kyndil er fylt 60 ár. Einaferð í tíðini var felagið einaráðandi í føroyskum manshondbólti, men kappingin er harðnað nógv síðani stórleikatíðina. Sosialurin hevur tosað við formann felagsins StÍF - H71 21-27 (12-12) StÍF: Sveinur Justinussen 7, Allan Norðberg 5, Fríði R. Djurhuus 4, Marius Joensen 1, Jógvan G. Joensen 1, Kjartan Johansen 1, Pætur Johansen 1 og Danny Brandt 1 H71: Peter Krogh 11, Rúni Vest Højgaard 5, Mark Lausen- Marcher 4, Jónas Djurhuus 3, Tróndur Arge 2, Sigmundur Dahl 1 og Hans Kári Hansen 1 VÍF - VB 37-31 (16-16) VÍF: Marianna Holm Jacobsen 12, Agnas Olsen 7, Kathe Frederiksen 6, Durita C. Jojic 4, Brynja Rógvadóttir 3, Jórunn Gudmunsen 1, Daniella Joensen 1, Randi Virgarsdóttir 1, Beinta Sveinbjørnsdóttir 1 og Lív Ingdorsdóttir 1 VB: Danijela Mistric 12, Ingrida Kuodyte 10, Gurið K. Mortensen 4, Una Nolsøe 2, Carol Symphor 2 og Rúna Jacobsen 1 Neli Heldarskarð Hin 10. mars 1956 varð grøna hondbóltsfelagið úr høvuðs­ stað­num, Kyndil, sett á stovn. Sostatt fylti felagið 60 ár farna hósdag, og hevur tað verið við til at mynda før­ oyskan hondbólt í øllum hes­ um árum.  Í teimum fyrstu ár­unum hjá grøna høvuðs­staðar­ felagnum domineraði fel­ agið fullkomiliga føroyskan manshondbólt. Kyndil vann á fyrsta sinni føroya­ meistara­heitið hjá monnum í 1958, og síðani steðgaði fel­ agið ikki aftur við at vinna meistara­heiti í bestu mans­ deildini. Frá 1958 til 1967 vann Kyndil mansdeildina hvørt ár, níggju ár á rað, og frá 1969 til 1974 varð øll mótstøða enn einaferð skúgvað til viks, tá ið kyndilsmenn vunnu seks meistaraheiti á rað. Tá ið felagið fylti 25 ár í 1981 hevði mansliðið vunnið meistaraheiti heili 19 ferðir. Eftir 1981 hevur Kyndil vunnið meistaraheiti 11 ferðir, og hava kyndilsmenn tískil vunnið meistaraheitið í før­oyskum manshondbólti 30 ferðir. Hetta merkir, at Kyndil er nógv mest vinn­ andi felagið í føroyskum mans­hond­bólti – næst í røð­ ini er VÍF, ið hevur vunn­ið meistara­heitið í mans­hond­ bólti 22 ferðir. Tískil má mans­hond­bólt­ urin metast at vera stóri, søguligi stoltleikin í Kyndli, tí at ígjøgnum árini hava kyndilskvinnur ikki havt gull­krónur um hálsin meira enn seks ferðir í lands­kapp­ ingar­høpi. Kvinnu­liðið hjá Kyndli vann á fyrsta sinni meistara­heitið í 1964, og seinast bleiv tað vunnið í 2014. Í føroyskum kvinnu­ hond­bólti er tað núverandi odda­liðið í Hvonndeildini, Neistin, sum er nógv mest vinnandi felagið í før­ oyskum kvinnuhondbólti. Neista­kvinnur hava vunnið meistara­heitið heili 40 ferðir.  Kappingin er harðnað Sosialurin hevur tosað við Una Arge, ið er formaður í Kyndli. Formaðurin vísir á, at tað stendur væl til í felag­ num, men tó er kapp­ingin ímillum feløgini harðnað so­mikið nógv, at tað er ógvu­ liga torført at liva upp til stór­leika­tíðina, ið serliga vardi frá 1956-1981. – Felagið hevur tað gott. Vit hava í øllum deild­um vunnið 43 steyp í lands­ kappingum og steypa­kapp­ ingum síðan 2010. Trý av hesum steypunum vunnu menn­inir og kvinnurnar í 2014. Vinnarasiðvenjan verð­ur sostatt hildin í hevd í Kyndli. Mansliðið vann óhoyrt nógv fyrstu árini, næstan hvørt ár. Væntast kundi, at kappingin fór at harðna, og tað gjørdi hon eis­ ini. Serliga VÍF fór at gera um seg, og nógvir vóru tví­dystir­ nir millum tey bæði feløgini í 80'unum og 90'unum. Kyndilsmenn vunnu eisini í 2004, 2006 og 2007, men tíðir­nar eru nógv broyttar, tí nógv fleiri feløg kappast nú um meistaraheitið – VÍF, Kyndil, H71, KÍF, Neistin og StÍF. Kappingin er javnari nú enn nakrantíð. Nýggjar hallir í Hoyvík og Kollafirði, og eisini hallir á Skála og í Vestmanna bøttu nógv um møguleikarnar at breiða hondbóltin út í fleiri økir, sigur Uni Arge.  Tað er ikki bara innan­ hýsis ímillum hond­bólts­ feløgini, at kappingin er hørð, tí at eisini eru aðrar ítróttar­greinir, serliga í høvuðs­staðar­økinum, sum sjálv­andi vilja hava so nógv íðk­andi sum gjørligt fyri sítt felag. Eisini er tað ein stórur trupulleiki, at hond­bólts­fel­ øgini hava so vánaligur um­ støður at virka í, um saman­ borið verður við til dømis fót­bóltsfeløgini í høvuðs­ stað­num. – Kappingin millum hond­bóltsfeløgini er hørð, og hond­bólturin er í kapping við aðrar ítróttagreinir, ikki minst í Havn, har fótbóltur, fim­leikur, flogbóltur og fræls­ur ítróttur hava sterka støðu. Avbjóðingin er at bjóða børn­um og foreldrum so góð tilboð sum gjørligt. Tað krevur góða fyriskipan, góðar venjarar og góðar hallar­umstøður. Í løtuni eru hallar­umstøðurnar í Havn út av lagi, tí alt ov fáir tímar eru til ymsu liðini, og hond­ bólts­feløgini hava ongar veru­ligar bústaðir eins og til dømis fótbóltsfeløgini. Vit vóna inniliga, at alt hetta verður nógv betri, tá høllin á Hálsi er útbygd, sigur Uni Arge víðari. Sum for­maður í hond­ bóltsfelagi í høvuðs­staðnum kennir hann alt til, hvussu torført tað kann vera at fáa putlispælið at ganga upp, tá ið hallartímar skulu býtast ímillum feløgini í ymsu ítróttar­greinunum, sum venja innandura í Tórshavn.  Kvinnurnar standa seg væl Sum áður nevnt í greinini, so er stórur munur á, hvussu ofta ávíkavist mans- og kvinnu­liðið hjá Kyndli hev­ ur vunnið meistaraheiti. Uni Arge vísir á, at føroyska kvinnu­deildin fyrr var sera dominer­að av einum ávísum liði, men tó er kappingin blivin javn­ari seinastu 25 ár­ini. Eis­ini leggur hann áherðslu á, at tað stendur væl til hjá kyndilskvinnum í løtuni. – Ein orsøk til stóra munin ímillum talið av meist­ara­ heitum hjá mans- og kvinnu­ liði Kyndils er, at Neistin nær­um altíð hevur havt eitt sera sterkt kvinnulið, og at Neistin setti seg tungt á trón­una hjá kvinnunum, eins og Kyndil setti seg á trónuna hjá monnunum. Men tann dominans­urin er als ikki so týðiligur seinastu 25 árini, har bæði Kyndil, Skála, Stjørnan, VÍF, VB og Tjaldur hava vunnið kvinnudeildina. Kvinnu­liðið hjá Kyndli hevur verið antin í steypafinalum, FM-finalum ella í báðum finalunum seinastu trý árini, so kyndilskvinnur standa seg sera væl nú. Í yngri deild­unum sær eisini gott út við fólki. Yvirhøvur hava vit góðar vónir um framtíðina við okk­ ara 200 spælandi limum og sera ídnu hjálparfólkum og stuðlum, vóru seinastu orð­ ini frá Una Arge. Mansliðið hjá Kyndli er í løtuni nummar fýra, har liðið hevur møguleika at røkka einum bronsuheiðursmerki, men tó ikki meira enn tað. Í landskappingini hjá kvinn­ um er líkt til, at júst sum í fjør, so verða tað Neistin og Kyndil, ið hittast í avgerandi FM-finalunum. Hoyvíkingar í finaluni Sum væntað verður H71 ann­að av liðunum í FM- final­unum í manshondbólti. Hetta bleiv endaliga staðfest í dag, tá ið H71 vitjaði StÍF í høllini á Skála. Fyrr í hesum kapp­ingar­ árinum hava strandingar argað H71, sum alt kapp­ ingar­árið hevur verið greitt odda­lið. Millum annað var StÍF fyrsta liðið, sum vann ímóti H71 í hesum kapp­ingar­ árinum. Hetta var í dysti í Hoyvíkshøllini í desember. Dysturin á Skála í dag var partvíst javnur. Í fyrra hálvleiki var onki, ið skilti liðini, og fóru tey til hálvleiks við støðuni 12-12. Í seinna hálv­leiki settu hoyvíkingar tó trumf á og vunnu við seks mál­um. Endaliga úrslitið gjørdist 27-21 til H71. Sigurin hjá H71 merkir, at tað er matematiskt ómøgu­ ligt hjá KÍF, sum er numm­ar trý, at innheinta hoy­vík­ing­ ar­nar. Sostatt verður H71 ann­að liðið í mansfinalunum. VÍF nærkast FM-finalunum Fríggjakvøldið varð ein dyst­ ur spældur í FTZ-deildini, og var hann ímillum Team Klaks­vík og VÍF, sum eru ávíka­vist nummar sjey og tvey í bestu mansdeildini í hond­bólti.  Onki var at siga til, at VÍF, sum hevur eitt finalupláss at spæla fyri, var stórfavorittur undan dystinum. Og tað bleiv eisini til ein greiðan sigur til útiliðið, ið vann við heili 14 málum. Endaliga úrs­ litið gjørdist 42-28 til VÍF eftir hálvleiksstøðuna 25-16. Toppskjúttar hjá VÍF vóru teir útlendsku Nicklas Selvig og Filip Jojic, ið báðir skoraðu 10 mál. Úrslitið fríggjakvøldið merkir, at VÍF hevur 28 stig fyri 20 dystir. Harvið eru vest­menn­ingarnir fimm stig aftan­fyri H71 á fremsta plássi, men samstundis eru teir seks stig frammanfyri KÍF, ið er nummar trý. Tó hev­ur VÍF spælt ein dyst meir enn KÍF. Team Klaksvík hevur fram­vegis sítt fyrsta stig til góðar.  VÍF-kvinnurnar hanga í Einasti dysturin, sum er blivin spældur í Hvonn­deild­ ini hetta vikuskiftið, var tann í Vestmanna, har VÍF og VB hittust sunnudagin. Hóast 13 stig skiltu liðini undan dystinum, so var hetta ikki til at síggja í fyrra hálv­leiki, har liðini vóru púra jøvn – hálvleiksstøðan var 16- 16. Í seinna hálvleiki var søgan tó ein onnur, tí at tá byrj­aðu vestmenningar at renna undan og vunnu at enda 37-31. Spenningurin í Hvonn­ deildini snýr seg um, hvat lið fer at spæla FM-finalur ímóti Neistanum. Munurin ímillum nummar tvey og trý, Kyndil og VÍF, er bara eitt stig. Tó hava kyndilskvinnur spælt ein dyst færri enn VÍF, og tískil má metast, at Kyndil er favorittur at fara avstað við seinna finaluplássinum. Neista­kvinnur mangla bara at vinna ein dyst afturat, so er finalu­pláss teirra endaliga tryggjað. Kappingin er javnari nú enn nakrantíð. Nýggjar hallir í Hoyvík og Kollafirði, og eisini hallir á Skála og í Vestmanna bøttu nógv um møguleikarnar at breiða hondbóltin út í fleiri økir, sigur Uni Arge Savnsmynd