mánadagur 14. mars 2016síða 42

VIKA 11 • 14. MARS 2016 10 ÓKEYPIS LÝSINGARBLAÐ TEMA Fuglafjørður Vilmund Jacobsen Í desember 2015 keypti Bergfrost teir seinastu tunlarnar, tunnil 4 og 2 og miðgongdina til allar fimm tunlarnar frá Fuglafjarðar kommunu. Frammanundan hevur felagið keypt tunlarnar 5, 3 og 1, og eigur Berg­frost nú allar fimm tunlarnar, sum Fugla­ fjarðar kommuna í sínari tíð bygdi. Símin Pauli Sivertsen er stjóri í Berg­frost, og hann er eisini umsiting- arleiðari hjá felagnum Framherja. – Teir tríggir fyrru tunlarnir, 5, 3 og 1, vórðu keyptir fyri 8 miljónir krónur, og nú hava vit keypt tunnil 4 og 2 um­framt miðgongina fyri 7 miljónir krónur. Stór arbeiði Stjórin vísir á, at Havsbrún hevur leigu­mál í tunli 4 og 2, men flytir vænt-andi út í juni mánaði í ár. Hesir seinastu tveir tunlarnir hava ongar frysti-instalatiónir, men eru brúktir sum goymslutunlar til vørur hjá Havs­ brún. – Tá Havsbrún flytir út, fara vit beinanvegin í holt við at rigga hesar báðar tunlarnar til frysting. Tað er eitt stórt arbeiði, sum skal gerast, og byrjað verður við at vaska. Hetta verður rættiligt stórvask. Tá tunlarnir eru vaskaðir, skulu teir skrótast, sum tað verður rópt. Hugt verður eftir loftinum fyri at tryggja, at alt er í lagi. Tá alt hetta er gjørt, verða tunlarnir turkaðir og síðan málaðir hvítir innan. Símin Pauli Sivertsen sigur, at tað er ikki fyrr enn alt hetta er gjørt, at farið verður í holt við instalatiónirnar, sum skulu verða í tunlunum og mið­ gongini. – Maskinrúmið, sum er, verður nak­ að útbygt, rør skulu leggjast, og blás­ arar og fordamparar skulu setast upp. Millum tær størstu Stjórin væntar, at øktu frystimøguleik­ arnar hjá Bergfrost verða klárir at taka í nýtslu einaferð í 2017. – Verandi goymslukapasitetur í frysti­tunlunum 1, 3 og 5 liggur um 15.000 tons, og tá tunnil 2 og 4 um­framt partur av miðgongini verða liðug at taka í nýtslu, fer goymslu- kapasi­teturin at tátta í tilsamans 25.000 tons. Símin Pauli Sivertsen væntar, at goymslukapasiteturin hjá Bergfrost, tá útbyggingin er liðug, fer at teljast millum størstu goymslur til fisk í norður­londum. – Umframt at hetta fer at geva okkum øktar og nýggjar møguleikar, fáa vit eisini rúm inni í tunlunum fyri umplattingarhøll, eins og pláss verður fyri truckunum inni í tunlinum. Í fjør fóru umleið 130.000 tons inn og út úr frystitunlunum, men Berg­frost hevur ikki havt tað pláss til frysting, sum ynskiligt hevur verið. – Av nýggjum og øktum virksemi her í Fuglafirði er serliga virksemið hjá P/F Pelagos, sum krevur stóran goymslukapasitet. Áður megnaðu vit eisini at servisera eitt nú russiskar trolarar, men hetta hevur ikki borið til við verandi frystitunlum og økta eftirspurninginum eftir frysti­kapasi­ teti. Eisini útlendingar Símin Pauli Sivertsen sigur, at nú Bergfrost fær nýggjar møguleikar við øktum frysti- og goymslukapasiteti, ætlar felagið at fáa fatur aftur á út­ lendskum skipum, sum kundu hugsað sær at lagt fiskavørur upp í Fuglafirði. – Hugskotið er, at tá russisku trol­ ar­arnir koma til lands, skal ikki verða neyðugt hjá teimum at bíða eftir farmaskipi. Tá kunnu teir leggja fiska- vørurnar upp her í Fuglafirði og fara aftur til fiskiskap. Stjórin sigur, at í sínari tíð var so stórur eftirspurningur eftir frysti­ kapasiteti, at hann – um hann vildi – saktans kundi fylt alla goymsluna við fiski hjá eitt nú russiskum trolarum. – Málið við okkara útbygging er at kunna bjóða bæði føroyskum og útlendskum virkjum og skipum goymslu­pláss, sigur Símin Pauli Sivert­sen, sum vísir á, at Bergfrost legg­ur stóran dent á at veita viðskifta­ feløg­um eina góða og álítandi tæn­ astu. Tá viðskiftafeløg skulu hava vørur út úr tunlunum hjá Bergfrost, senda tey ein teldupost og biðja um at fáa vøruna út. – Vit hava nógv viðskiftafeløg, og inni í tunlunum er vøran hjá hvørjum felag sær neyvt uppdeild, so eingin ivi er, tá vøran verður umbiðin. Soleiðis er tað heldur eingin trupulleiki hjá okkara arbeiðsfólki at finna røttu vøruna og neyvt at avgreiða bíleggingina, sigur stjórin í Bergfrost, Símin Pauli Sivert­ sen. Goymslan hjá Berg­frost verður 25.000 tons Símin Pauli Sivert­ sen, stjóri í Berg­ frost, væntar, at goymslu­kapasi­tet­ urin hjá Bergfrost, tá útbyggingin verður liðug í 2017, fer at teljast millum størstu goymslur til fisk í norður­londum Henda myndin vísir, hvussu tunlarnir hjá Bergfrost, eru sprongdir inn í benið – Vit leggja stóran dent á at veita viðskiftafeløgum eina góða og álítandi tænastu, sigur stjórin í Bergfrost, Símin Pauli Sivertsen