mánadagur 14. mars 2016síða 63

VIKA 11 • 14. MARS 2016 31 MIÐLAHÚSIÐ ÓKEYPIS LÝSINGARBLAÐ Einki egg er líka H já Gómagott hava tey úr at gera nú páskirnar nærkast. Kirst­in Hammer stendur og sproyt­ar nugga inn í nøkur smá egg, tá Viku­ blaðið fær orð á hana. – Eggini rúka sum heitt breyð, so her er nógv trýst á. Vit arbeiða hart fyri at nøkta eftirspurningin á eggum, sigur hon. Fyri hálvum árum síðani fór hon at arbeiða fulla tíð við Gómagott at gera føroyskt konfekt og byrjanin hevur verið stak góð. Nú páskini standa fyri framman er tað fyrst og fremst páskar­egg, sum eru í framleiðslu. – Tað mest sermerkta við eggunum frá Gómagott er, at hvørt egg er heilt serstakt. Sjokolátan á ovaru helvt av egginum er hondsproytað, so ikki tvey egg eru eins, sigur Kirstin Hammer. Lokið á eggunum er sermerkt á tann hátt, at tað er partvís opið, so ein sær, hvat er í eggunum. Annars er alt við eggunum hond­ gjørt, bæði eggið sjálvt og tað, sum er í eggunum. – Vit nýta sjálvandi einans tær bestu rávørurnar og í tann mun, tað er møguligt, nýta vit eisini føroysk ráevni, sigur Kirstin Hammer. Eingi tilgjørd smakkievni, litevni ella haldevni eru í eggunum, ei heldur søtievni. – Eggini smakka tí av tí, sum tey eru gjørd av. Smakkar tú hindber, so er tað tí, at hindber er í sjokolátuni. Ein onnur avleiðing av hesum er, at eggini altíð eru frísk og nýgjørd, tí tey halda sær ikki so leingi, sigur hon. Eggini koma í tveimum støddum, ein stødd til vaksin og ein til børn. Inni­haldið í eggunum er ymiskt. – Tey vaksnu fáa hondgjørda kon­ fekt, við marsipan, nugga, karamel og øðrum góðum. Í eggunum til børnini er ymiskt hondgjørt góðgæti, bæði hart góðgæti og sjokoláta, sigur hon. Eggini eru at fáa í Brell, Árs-tíð­ un­um, Fípuni í Miklagarði og Kaffi­ hús-inum í Havn, hjá Flora í Klaksvík, í Orkis í Runavík og í tollfríu søluni á flogvøllinum í Vágunum. – ­So um tú skalt niður at ferðast um páskirnar, er upplagt at taka eitt egg við til tíni kæru, sigur Kirstin Hamm­er. Kirstin Hammer hevur úr at gera, nú páskirnar nærkast Ein bólkur úr Skúlanum á Fløtum við eini verkætlan um at reinsa hav­ botnin við trælsrass, vann ársins íverksetarakappingin millum fólka­ skúlanæmingar. Fríggjadagin 4. mars var ein full­ settur salur í Norðurlandahúsinum karmur um finaluna til SkúlaFM 2016. Dómsnevndin valdi verkætlanina Ocean Clean, sum tær báðar Sólvá Magna­dóttir og Sunnvá Midjord Mikk­elsen stóðu aftanfyri. Fyritøkan er eitt gjøgnumbrot innan reinsan av havbotni við trælsrass. Umframt at reinsa botnin undir og rundanum ali­brúk við at nýta trælsrass, verða trælsrassini útflutt og seld til Fjar­ eystur sum ein gloypibiti. Vinningurin til vinnandi bólkin var, umframt Gullfræið sum Edward Fuglø hevur sniðgivið, ein kekkur uppá 5.000 kr. sum Eik Banki hevur givið. Harumframt lat Føroya Tele eitt gávu- kort áljóðandi 1000,- kr til hvønn næm-ing í vinnarabólkinum. Nummar tvey í kappingini var ein bólkur frá Nám X, við eini verkætlan um at framleiða elorku og hita burtur úr øllum lívrunnum evnum til føroysk húsarhald. Sum nummar trý valdi dóms­nevnd­ in eina føroyska app, ið næmingar á Skúlatrøð høvdu ment, ið inniheldur kostráðgeving og venjingarætlanir. Finalan í Skúla FM er endabresturin fyri skúlarnar, sum hava arbeitt við íverksetan síðan skúlaárið 2015/ 2016 byrjaði. Tilsamans seks bólkar vóru við í finaluni hesuferð. Øll hugskotini vóru góð og framløgurnar vóru framúr­ skarandi. Í dómsnevndini sótu Jenny Lyder­ sen úr Mentamálaráðnum, Áki Leitis- stein Hansen úr Føroya Tele, og Magnus Emil Poulsen frá Eik Banka. Skúlin á Fløtum vann SkúlaFM 2016