mánadagur 14. mars 2016síða 62

VIKA 11 • 14. MARS 2016 30 MIÐLAHÚSIÐ ÓKEYPIS LÝSINGARBLAÐ Váðasteinur við línu-og garnaloyvi Vilmund Jacobsen Á sumri í 2014 keyptu toftamenn línu-og garnaskipið Váðastein, sum Jóhan í Hoyvík læt byggja á Tórshavnar Skipasmiðju í 1977. Felagið, sum tá keypti skipið, var nýstovnaða felagið, P/F 19. mai 2014. Skipið, sum fiskar við línu í  veiðibólki 3, hevur eisini garnaloyvi til svartkalva.  Váðasteinur, sum er stívliga 39 metrar langur og 8,5 metrar breiður, fekk nýggjan motor í 2003. Motorurin er ein Deutz Diesel, 749 kW/ 1015 HK, og ferðir liggur um 10 sjómíl. Tað var P/F Váðasteinur í Havn, sum átti skipið, og útgerðarmaður var Birgir Simonsen, sonur Jóhan í Hoyvík, sála. Tað vóru fleiri lokalir íleggjarar í Nes kommunu, sum settu pening í nýggja felagið. Martin V. Heinesen gjørdist nevndarformaður, og stjóri og reiðari Niclas Davidsen. Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo Bilurin hesa vikuna er ein Rambler Rebel hjá Torkil V. Hansen, sum koyrdi á bilstøðin i Auto í Havn. Tað vóru bert tveir svartir Rambler Rebel av akkurát hesum modellinum. Annan átti Steingrím Simonsen í Vest­manna, hann hevði nummar Fø7.410 og so hesin Fø7.400 hjá Torkil Hansen. Her sæst bilurin í rutu­ koyring oman fyri Vestmanna. Rambler Rebel vórðu framleiddir av American Motors í USA, fyrst frá 1957-1960 og so aftur í 1967, tá teir avloystu teir so væl kendu Rambler Classic. Hesin Rambler Rebel er frá umleið 1970. Rambler Rebel skiftu í 1971 navn til Rambler Madador. Berg Motors umboðaði Rambler í Føroyum. SKIPASØGA BILASØGA Jóhan í Hoyvík læt Váðastein byggja á Tórshavnar Skipasmiðju í 1977 Rambler Rebel frá 1970 Fyrsta setan hjá Gordrúgvanum í ár gav 9.000 pund, og henda dagin seldu teir fyri umleið 90.000 krónur