týsdagur 15. mars 2016síða 18

Mikudagur 16. mars 2016 · Nr. 32 18 Sosialurin Hugskot og viðmerkingar – send sms til 225000 NØVN Undir reystum fjøllum høgum liggur bygdin, fjálgt og trygt, frægir her í fornum døgum funnu býli gott og dygt Albeittar her liggja líðir, hamrar skrýða fjøll so reyst, drottin gav tær mikil prýði. Hósvík mær er bygdin best. Hóri (brot) Við hesi kvøðu lýsir Edvard Hermansen fjálgu og aldagomlu heimbygd sína Hósvík. Her varð hann borin í heim tann 11. mars 1935, og her andaðist hann tann 20. no­vember 2015, áttati ára gamal. Tó at Edvard í síðstuni sást við minkandi megi, komu boðini um burturferð hansara óvæntað. Foreldur Edvards vóru Bodil, f. Hansen í Toftum, og Herman Hermansen, bæði úr Hósvík. Trý vóru systkin hansara. Herman, sum andaðist í 2010, var útróðrarmaður, Jonny, sum andaðist í 2008, var leiðari á Sjúklingahotellinum í Keypmannahavn. Yngstur er Hans Jacob, sum er einastur eftir á lívi. Barnaár Edvards runnu í Hósvík, har móðir hans aldi upp systkinaflokkin og fjálgaði um hús og heim, meðan faðirin sum sjómaður helt húskinum uppi. Ikki vóru systkinini øll komin til mans, tá ið pápin fýratiníggju ára gamal fall frá, og fingu tey tí longu á ungum árum lívsins strongu kor at sanna. Edvard fór sum ungur til Havnar at starvast, har hann var virkin í ymsum fyri­ tøkum her í býnum stóran part av ung­ linga- og manndómsárum sínum, einamest niðri á Eystaru Bryggju. Vit, sum vuksu upp í Havnini tá á døg­ um, góvu okkum sum vera man far um henda bragdliga, men fyrikomandi mann og fingu stundum eitt vinarligt prát við hann. Eftir at hava búleikast í høvuðsstaðnum í okkurt um ein mansaldur fór Edvardi at leingjast norðuraftur á gamlar gøtur. Nú rennur fram fyri meg fyrsti morgun mín til verka sum lærari í Hósvík í 1985. Bussurin hjá Berinti Justinussen steðgaði á í býlinginum yviri í Toftum, har ein 49 ára gamal maður fór út úr teirri fremri hurðini á rutubussinum, meðan ein 33 ára gamal maður fór út úr teirri aftari. Talan er um okkum báðar, Edvard. Kvikur vart tú á fótum fram við húsunum hjá ættarfólkum tínum yviri í Toftum og inn í bygdina henda morgun, og tí fullu vit ikki í prát báðir. Henda morgun legði tú lunnar undir heimferð tína til Hósvíkar aftur, til bygdina, sum tær var best. Vit komu at kennast seinni. Gjørdust vinir og samverkamenn á ymsum økjum. Minnist aftur á góðar og fjálgar løtur saman við tær, Edvard. Eftir at vera fluttur norðuraftur til Hós­ víkar hevði Edvard eitt skifti sína egnu handilsfyritøku í heimbygdini, men sein­ astu mongu árini var hann knýttur at virk­ inum hjá Thomasi Dam á Hálsi í Havn. Argingarsamur var Edvard av lyndi, og tað er ikki sørt, at tú hómar ein farra av hes­um bragdi í brái og brosi hans í myndini oman­fyri. Edvard var sjálvstýrismaður og var eitt skifti virkin í nevndini í sjálv­stýris­ flokkinum. 67 ára gamal var hann í 2002 við til at skipa samgongu millum Tjóð­veldi, Fólkaflokkin, Miðflokkin og Sjálv­stýris­ flokkin á Tingi. Var í mong ár kirkjuráðsformaður og deknur í Hósvík. Somuleiðis skúlastýris­for- maður í Hósvíkar skúla og í Felagsskúlanum á Oyrarbakka. Virkin í felagslívinum í bygdini til tað síðsta. Edvard var tikin úr leikum sum røðari, og tí varð stundum heitt á hann um at røða á fundum og á stevnum. Var kendur við skaldanavninum Hóri. Afturat knøppum yrkingum og leikandi løttum táttum legði Edvard eftir seg vakrar og inniligar sangir og sálmar. Edvard var giftur Jonhild, ættað úr Leynum. Synir teirra eru Bogi og Bartal. Bogi og unnustan Gunn eiga dóttrina Fridu. Har­afturat er ein dóttir Edvards, Rúna, sum býr í Íslandi saman við manni og børnum. ____ Úr morguntámi sólin spratt, og himin gjørdist heiður. Einki órar feigur brátt er til bana... Ein er hann, sum veitir megi, lættir um tregi á sorgardegi. Velli brátt aftur fyri degi. Hóri Ærað veri minnið um Edvard Hermansen. Árni av Reyni Edvardi Hermansen til minnis Sóknast eftir upplýsingum um S/S Botniu Nýggj bók um gamla DFDS- skipið S/S Botnia er ávegis. Rithøvundurin Bjarni Åkes- son Filholm er byrjaður at skriva eina nýggja bók um ferða­mannaskipið S/S Botnia, som eisini sigldi upp á Før­oyar í byrjanini av 1950'unum. Bjarni Åkesson Filholm hevur áður skrivað fleiri bøk­ur um føroysk og donsk skip sum t.d. Tjaldur, Smiril, Norske Løve, Dronning Alexan­drine, Kronprins Frede­rik og Kronprinsesse Ingrid hjá DFDS. Nú er hann so byrjaður upp á eina bók um S/S Botnia hjá DFDS. Skipið varð bygt í 1912 sum S/S Aarhus. Í 1948 skifti skiðið navn til Botnia og fór at sigla í fastari rutu millum Keypmannahavn og Helsingfors í Finnlandi. Frá 1949 til og við 1952 vóru Føroyar við í ferðaætlanini hjá Botniu, og skipið varð væl kent her í oyggjunum. Um tað eru nakrir av lesarum okkara sum kenna til S/S Botniu og t.d. hava myndir, frásagnir ella ann­ að tilfar um skipið, so er Bjarni Åkesson Fil­holm sera áhugaður í at koma í samband við hesi fólk. Adressan er: Bjarni Åkes­son Filholm, Virke­lyst 45, 9800 Hjørring, Dan­mark. Mailadressan er: bjarnifilholm@gmail.com S/S Botnia. Mitt fyri síggjast foreldrini hjá rithøvundanum Bjarna Åkesson Filholm Bjarni Åkesson Filholm 60 ára føðingardagur Sunnudagin 24. apríl verð­ur Jacob Jacobsen 60 ár. Føð­ ingardagurin verður hildin í VB-húsinum leygardagin 23. apríl kl. 19.00. Tey, ið ynskja at hátíðarhalda dagin saman við mær, verða vinarliga biðin at boða frá á tlf. 224847 ella 276866 í seinasta lagi 15. apríl. 70 ára føðingardagur 25. mars fyllir Martin Garða­ líð, Vestmanna 70 ár. Føð­ ingar-dagurin verður hildin skírisdag, 24 mars heima í Garðatún 17, kl. 18:00. Øll eru hjartaliga vælkomin. Prógv Herman F. Christiansen hev­ ur tann 1. mars 2016 lokið prógv sum cand.mag. í søgu og heimspeki við lærda há- skúlan í Keypmannahavn.. 95 ára føðingardagur Mikudagin 23 . mars fyllir Selinda høj strendur 95 ár. Dag­urin verður hildin á Ellis­ heiminum í Runavík frá kl. 15:00 - 18:00. Øll eru hjartaliga væl­komin. Eg gleði meg at síggja tykk­um. 70 ára føðingardagur 28. mars fyllir Marianna Poul­sen, Hvalba 70 ár. Føð­ ingardagurin verð­ur hildin leygardagin 02. Apríl 2016 í Arbeiðarafelagshúsinum, Bíar­vegur 145 frá kl. 13.00 til 19.00. Øll eru hjartaliga vælkomin. Brúdleyp 19. mars, 2016, giftast Lillian Larsen, Fuglafjørður og Ørv­ ar Jacobsen, Fugla­fjørður. Vígslan verður í Fuglafjarðar kirkju kl. 12.00. Veitslan verður fyri innboðnum í Bygd­arhúsinum í Leirvík