hósdagur 28. apríl 2016síða 8

FRÍGGJADAGUR 29. APRÍL 2016 SOSIALURIN 49 8 PERSÓNSSØGA Tað hevur eisini verið eitt ynski millum nevndarlimir í TF Holding og umboðsráðslimir í Ognarfelag Tryggingartakaranna, sum eigur TF Holding, um at fremja broyt­ ing­ar í samtakinum. Nýggi formaðurin vil ikki tosa fyri alla nevndina í TF Holding, tá tey enn ikki hava havt teirra fyrsta nevndarfund saman, men sig­ur at hann sjálvur gjarna sær nakrar broytingar framdar í sam­ tak­inum. Tað fevnir eisini um eitt nú Eik Banka, sum TF Holding er einsa­mallur eigari av. – Ja, í nevndini fyri Eik Banka er tað soleiðis, at har skulu tveir nýggir limir veljast fyri Ben Arabo og Jørn Astrup Hansen, sum eru farnir úr nevndini. So har var longu greitt áðrenn, at har fóru at vera onkrar broytingar. Men fyri alt samtakið, so haldi eg at somu persónar skulu ikki ganga aftur í fleiri nevndum. Tað skal vera vatn­ tætt skott millum tey ymsu parta­ feløgini í samtakinum, bæði mill­ um móðurfelagið og dóttur­feløgini, og eisini millum øll dóttur­feløgini, greiðir Arni Brattaberg frá. Hetta fer tó ikki at merkja, at eingi umboð fara at ganga aftur í nevnd­unum yvirhøvur. – Tað skal ikki verða soleiðis, at eingin í móðurfelagnum veit hvat gongur fyri seg í dótturfeløgunum. Tað fara altíð at vera umboð úr TF Holding í nevndunum í dóttur­ feløgunum. Men tað skal ikki vera sum í dag, har somu fólkini ganga aftur fleiri ferðir, staðfestir Arni Brattaberg. Einfaldari bygnað Eitt av ynskjunum frá Arna Bratta­ berg er eisini at finna ein einfaldari bygnað til TF Samtakið. Í dag er TF Samtakið bygt upp við einum móðurfelagi og fleiri dóttur­ feløgum, bæði smærri og størri. Stóru dótturfeløgini eru uttan iva Eik Banki, Tryggingarfelagið Før­ oy­ar og TF Íløgur, sum aftur eigur í eini rúgvu av feløgum, bæði í Føroyum og uttanlands. Har­aftur­ at eru so fleiri smærri dóttur­feløg í samtakinum. Men stendur tað til Arna Brattaberg, skal hesin bygn­ að­urin, sum stavar frá tíðini tá TF Holding varð sett á stovn og var eitt munandi minni felag, gerast nógv einfaldari. – Eg kann ikki tosa fyri nevnd­ ina, men eg kundi hugsa mær ein einfaldari bygnað í samtakinum, har tað ikki vóru so nógv smá feløg við smáum funktiónum, men ístað­ in ein einfaldari bygnaður, greiðir Arni Brattaberg frá. Tað verður tó ikki nevndar­for­ mað­urin einsamallur, ið kemur at fremja nakrar broytingar í sam­ tak­inum. Fyrst skal nevndin í TF Holding hava sín nevndarfund, har allir nevndarlimirnir fáa høvi at siga sína hugsan og koma við teirra sjónarmiðum. Síðani verður møguliga farið at hyggja eftir bygnaðinum í sam­tak­ inum saman við ráðgeving uttaní­ frá. Nýggja nevndin í TF Holding hevur sín fyrsta nevndarfund tann 11. mai. ROGVI@SOSIALURIN.FO – Sigur partafelagslógin at Eik hevur rætt til skattafrádráttin, hevur leiðslan skyldu at biðja um skattafrádráttin. Sigur partafelagslógin at Eik ikki hevur rætt til skattafrádráttin, skal Eik ikki hava hann. Tað er ein spurningur um jura og ikki um moral, sigur nevndarformaðurin í TF Holding, sum einsamalt eigur Eik Banka Ein spurningur um jura ikki um moral RÓGVI NYBO N evndarformaðurin í TF Holding, Arni Bratta­berg, fult og heilt saman við nevnd og leiðslu í Eik Banka í sokallaða Skatta­mál­inum millum Eik Banka á aðrari síðuni og TAKS á hinari síðuni. Sum ført hevur verið fram í Sosial­inum farnu vikurnar, snýr skatta­málið hjá Eik Banka seg í síðsta enda um hvørt nevndin og leiðslan í Eik Banka av røttum ella av órøttum hevur roynt at drigið um­leið 90 milliónir krónur frá í sjálv­uppgávuni og harvið sloppið sær undan partafelagsskatt. Meðan nevndarformaðurin Torben Nielsen og stjórin í Eik, Súni Schwartz Jacobsen halda fast við, at Eik Banki hevur rætt til at draga hesar 90 milliónir krón­ur­nar frá og sostatt spara hesar pengarnar í parta­felags­ skatti, standur fyrrverandi stjórin og fyrrverandi nevndarlimurin Jørn Astrup Hansen fast við, at hesin Eik Banki ikki hevur rætt til henda frádráttin, av tí Fíggjarligt Støðufesti longu hevur staðfest hetta tap, áðrenn Eik Banki varð settur á stovn. Eisini fyriliggur eitt skjal í sambandi við søluna, sum staðfestir at tað í øllum før­um ongantíð varð ætlanin at henda upphæddin skuldi kunna dragast frá í skatti. Hvør hevur rætt av hesum báðum pørtum, verður so upp til TAKS at gera av. Men nevndar­for­mað­urin í TF Holding, sum einsa­ malt eigur Eik Banka, ivast onga løtu í, at tað er rætt av nevnd og leiðslu í Eik Banka at søkja frádráttin. Hann meinar bart út, at nevnd og leiðsla í Eik Banka h a v a eina beinleiðis skyldu at søkja um frádráttin, um tað er so­ leiðis at føroyska parta­felags­ skattalóggávan letur upp fyri hesum møguleika. – Fyri meg er tað óviðkomandi, um Finansiel Stabilitet sigur at tað ongantíð varð meiningin at hetta skuldi kunna dragast frá í Føroyum. Finansiel Stabilitet hev­ur onga heimild í Føroyum, og tí kunnu teir ikki gera av, hvat er rætt ella skeivt. TF Samtakið verður rikið sum eitt partafelag, og tað sama verða dótturfeløgini. Sigur tann føroyska partafelags­ skatta­lóggávan, at Eik Banki hev­ur rætt til ein skattafrádrátt á 90 milliónir krónur, so skal Eik Banki hava tann frádráttin. Sigur partafelagsskattalóggávan, at Eik Banki ikki hevur rætt til frá­ dráttin, so skal Eik Banki ikki hava hann. Tað er so einfalt sum tað, sigur Arni Brattaberg. Sambært honum er tað óvið­ kom­andi at tosa um moral í øllum hes­um, tí venda vit málinum við og siga at Eik Banki hevur rætt til skattafrádráttin, men at nevnd og leiðsla hildu tað ikki verða moralskt rætt at senda rokning­ ina víðari til landskassan, so hevði nevnd og leiðsla í Eik Banka misrøkt sínar skyldur mótvegis eigaranum, sum er TF Holding. Fult álit á leiðsluni Sambært nýggja formanninum í TF Holding, er hetta heldur ikki eitt mál, sum beinleiðis viðkemur nevndini í TF Holding. – Eg havi fult álit á, at tað sum nevndin og leiðslan í Eik Banka hava gjørt, er tað sum tey meta er best fyri bankan og samtakið. Hetta málið er millum Eik Banka og TAKS, ikki millum TF Holding og TAKS. Vit mugu bara bíða eftir at TAKS kemur við einari avgerð í mál­inum, og so vænti eg at Eik gevur eigaranum (TF Holding, red.) eina frágreiðing, sigur Arni Brattaberg, nevndarformaður í TF Holding. ROGVI@SOSIALURIN.FO Eg havi fult álit á, at tað sum nevndin og leiðslan í Eik Banka hava gjørt, er tað sum tey meta er best fyri bankan og sam­ takið« – Fyri meg er tað óviðkomandi, um Finansiel Stabilitet sigur at tað ongantíð varð meiningin at hetta skuldi kunna dragast frá í Føroyum. Finansiel Stabilitet hevur onga heimild í Føroyum, og tí kunnu teir ikki gera av, hvat er rætt ella skeivt, sigur Arni Brattaberg, nevndarformaður í TF Holding, sum eigur Eik Banka »Eg kundi hugsa mær ein einfaldari bygnað í samtakinum, har tað ikki vóru so nógv smá feløg við smáum funktiónum« Arni Brattaberg MYND: DAGFINN OLSEN