hósdagur 28. apríl 2016síða 9

FRÍGGJADAGUR 29. APRÍL 2016 SOSIALURIN 49 9 BARBARA HOLM Í februar í ár valdi Taks at taka málið um skattafrádráttin hjá Eik uppaftur av nýggjum, hóast Taks kom til eina niður­støðu á sumri í 2015. Tá varð av­gjørt, at Eik kundi draga tapið á góð­ar 500 milliónir yvir 10 ár, og so­statt sleppa undan áleið 90 milliónir krónum í skatti. Men um ársskifti 2015/2016 kom stígur í ætlanina, tá ið Spekt nokt­aði at skriva undir almenna rokni­skapin uttan eina serskilta við­merking um skattafrádráttin, sum Spekt ikki tekur undir við. Samstundis hendi tað, at Jørn Astrup Hansen, nevndarlimur fyri Fíggjarligt Støðufesti, fór úr nevnd­ini áðrenn ætlað og greiddi al­menninginum frá orsøkini. Fíggjarligt Støðufesti valdi tí at skriva til Fíggjarmálaráðið og kunna um støðuna. Eftirfylgjandi valdi Taks at taka málið uppaftur av nýggjum. Hava fingið neyðugu skjølini Eyðun Mørkøre, stjóri í Taks, sigur í viðmerking við Vikuskiftis Sosialin, at málið nú nærkast endanum. Miðlar­nir hava kunngjørt skjøl, sum áður hava verið ókend fyri Taks, og tí hevur Taks vent sær aftur til Eik seinastu vikurnar, og bið­ið um fleiri upplýsingar í mál­ inum. – Vit hava fingið alt vit hava biðið um, men nú skulu vit taka støðu til, um nýggju upplýsingarnir elva til fleiri spurningar, sigur Eyðun Mørkøre. Hann ásannar, at upplýsingar eru komnir undan kavi í almenn­ ing­inum, sum hava elvt til meira sam­skifti millum skatta­myndug­ leik­arnar og Eik. Men hvør niður­ støðan er, kann Eyðun Mørkøre einki siga um enn. – Vit fara nú ígjøgnum skjølini og tær viðmerkingar vit hava fing­ ið, og síðani taka vit støðu til, um vit skulu spyrja partarnar í mál­ inum um fleiri viðmerkingar, ella um vit meta okkum hava nóg mikið av til­fari til at taka støðu, sigur Eyðun Mørkøre. Hann ásannar, at málið er um­ fat­andi, men hóast hetta ynskir Taks at avgreiða málið skjótast. – Vit kunnu heldur ikki lata hetta málið draga út, tí so nógva orku kunnu vit ikki blíva við at seta av til eitt einstakt mál, sigur Eyðun Mørkøre. Stjórin í Taks væntar, at áðr­enn mai mánaður er liðugur kem­ur Taks við einari niðurstøðu í skatta­ mál­inum hjá Eik. Skattamálið Framvegis ikki eydnast at fáa við­ merking frá Eik. Skrivliga og munn­ liga hava vit sent Eik spurningar um skatta­málið, men framvegis hev­ur ikki eydnast. Seinastu vikurnar hevur Sosial­ urin vent sær ferð eftir ferð til Eik, um at fáa viðmerking til tað, sum vit hava skrivað um skatta­málið. Vit høvdu vilja spurt Súna Schwartz Jacobsen, forstjóra í Eik, hví Eik ikki sendi skattaskrivið frá 2010 við til Taks, tá ið spyrjast skuldi hvussu skattafrádrátturin skuldi bók­førast. Samstundis høvdu vit vilja spurt, hví hugsanin hjá gran­skoð­anini ikki varð tikin til eftir­tektar ella send víðari til skatta­myndugleikarnar. Vit høvdu eisini vilja spurt, hví Eik tók rættleiðingina til miðlar­nar aftur í síðstu viku – bert ein dag eftir, at rættleiðingin varð send út. Ella um viðmerking til, at nevndar­ limir hava kent seg hóttan av Eik og TF Holding í hesari tilgongdini. Hesir og aðrir spurningar við standa framvegis ósvaraðir, hóast ótelj­andi royndir at fáa svar. NEVNDIN Í TF HOLDING SKATTAMÁLIÐ NÆRKAST ENDANUM Tað letur til, at Taks fer at koma við sínari niðurstøðu um skamma stund. – Vit hava fingið tey skjøl, vit hava biðið um, sigur Eyðun Mørkøre, stjóri í Taks TF Holding nevndin er høvuðs­ nevndin í TF Holding sam­tak­ inum og ásetur virkis­karmar­ nar fyri dótturfeløgini. Í nevndini í TF Holding P/F sita tann til eina og hvørja tíð valda nevnd í Ognarfelag Tryggingartakaranna. Har­ umframt eru trý starvs­fólka­ vald umboð. Nevndin í TF Holding setur stjórnina og setur somuleiðis út í kortið yvirskipaða virk­ semi í TF Holding samtak­ inum. Høvuðsreglan er, at 4-6 limir verða valdir í nevndina fyri eitt 2 ára skeið. Nevndar­ val er á hvørjum ári, har helvtin av nevndini stendur fyri vali. Nevndin hevur fund í minsta lagi 4 ferðir árliga, og annars, tá ið formaðurin heldur tað vera neyðugt, ella tá ið ein limur í nevndini, ein stjóri ella ein grannskoðari ynskir hetta. TF Holding nevndin setur nevnd­ir­nar í dótturfeløgunum. Nevndin í TF Holding: ■ Arni Brattaberg, formaður ■ Ingeborg Godtfred, næstforkvinna ■ Karl Birgir Isaksen (nývaldur) ■ Birgir Nielsen (nývaldur) Gunnar í Liða ■ Annika Waag (endurvald) TAKS SAVNSMYND