hósdagur 28. apríl 2016síða 36

FRÍGGJADAGUR 29. APRÍL 2016 SOSIALURIN 49 36 Óli Jacobsen BARNAÁRINI SAMAN VIÐ CARL JOHAN BECH Vit fara nú at endurgeva eina nærum ókenda frásøgn hjá Jørgen Frantz Jacobsen um hansara barna- og ungdóms ár í Havn fyrst í 20. øld Ókend frásøgn hjá Jørgen Frantz Jacobsen: 1. partur J ørgen Frantz Jacobsen er ein av okkara kendastu rithøvundum. Tað var nú ikki tí, at hann skrivaði so nógv, men skaldsøga hansara Barbara er væl kend úti í heimi. Eisini er bókin gjørd til film, og hetta ger sjálvandi hann enn meira kendan. Hann skrivaði nógv annað, sum komið verður aftur til seinni í hesi røð. Hann bleiv 22 ára gamal sjúkur av tuberkl­um, og hann doyði einans 37 ára gamal. Hetta hevur sjálvandi ávirkað hansara møguleikar fyri at fáa meira frá hondini. Men nú er eitt higartil nærum ókent hand­rit hjá Jørgen Frantz komið undan kavi. Hetta er ein frásøgn, sum hann hevur skrivað 22 ára gamal um síni barndóms- og ungdómsár saman við systkinabarninum, tí fimm ár eldri Carl Johan Bech, seinni kend­ ur djóralækni. Ein, sum kennir hetta handrit, er danski høvundin Bjarne Nielsen Brovst, sum hev­ur skrivað bøkur og greinar um William Heine­ sen og Jørgen Frantz. Hann hevur endur­ givið onkur brot úr handritinum, men nú verður tað endurgivið í fullum líki. At hetta handrit kemur fram nú er takk­ að verið Esther Djurhuus, sum var gift við Johan Djurhuus, kendur sum skriv­stovu­ stjóri í landsstýrinum eitt mannaminni. Esther doyði fyri nøkrum árum síðani, men eftir hana liggur hetta maskinskrivaða handrit. Tað er ein avskrift av upprunaliga handritinum. Tað kann tí hugsast, at Anna Katrina, systir Jørgen Frantz, sum arbeiddi í landsstýrinum, hevur skrivað tað av, og Johan kann so hava fingið eitt fotokopi av tí. Høgni, sonur Esther, hevur funnið hetta handrit í goymsluni hjá mammuni, tí fáa okkara lesarar nú gleði av tí. Ættin hjá Jørgen Frantz Fyrst kann vera hugt at ættini hjá Jørgen Frantz og Carl Johan. Pápi Jørgen Frantz var Meinhardt, sum var giftur við Marin f. Michelsen ættað úr Elduvík. Ein systir Meinhard var Helene. Hon giftist við einum stýrimanni, Otto Bech. Pápi hansara kallaðist eisini Carl Johan, hann var loðsur. Pápi Carl Johan drukn­ aði í 1899 í eini roynd at bjarga einum skips­ felaga, tá ið skip teirra Patricia kom illa fyri í Jammer­bugten. Samb. William Heine­sen hevði hann orð fyri at vera »en nobel og elskværdig mand«. Tey bæði fingu synirnar Otto og Carl Johan. Pápi Meinhardt var Jørgen Frands Jacob­sen (1819-1917). Hann var beiggi konu M.C. Restorff, Else Jacobine. Tí kann søgan hjá teimum báðum tengjast saman, ikki minst nú tað 21. juni eru liðin 200 ár síðani M.C. Restorff var føddur. Tey høvdu annars ein beiggja, Thor, sum doyði ógiftur, 37 ára gamal. Minningargrein um gamla Restorff er ann­ars í nýggja Varðanum. Jørgen Frands var føddur í Keyp­manna- havn. Pápi hansara var havnarmaðurin Poul Andreas Jacobsen (1782-1862). Foreldrini hjá honum var bøkjarin Jákup Hansen í Havn (1755-1819) og Elsebeth Poulsdatter úr Kaldbak (1759-1854). Forfaðir til tveir heimskendar rithøvundar Poul Andreas fór ungur til Keypmannahavn, har hann arbeiddi sum skómakari. William Heinesen skrivar, at hann «skal have været en oplyst og velbegavet mand, og hans hjem var samlingssted for derboende færinger.» Poul Andreas hevði svenska konu, Helena Fagerholm (1770-1861). Hann flutti á eldri árum aftur til Føroya. Poul Andreas var verfaðir M.C. Restorff og er tískil ættarfaðir til heimskendu rithøvundarnar Jørgen Frantz Jacobsen og William Heinesen . Tað kann vera nevnt, at dóttir Jørgen Frands, Sofía Helena, giftist við elsta soni gamla Restorff, Andreas William. Tey áttu Carolinu, mammu William Heinesen. Jørgen Frantz var tískil systkinabarn mammu William. Tann gamli Jørgen Frandz, sonur Poul Andreas, gjørdist eisini skómakari í Keyp­ mannahavn. Hetta gekk væl eitt skifti. Hann hevði eitt væl umtókt verkstað í Øster­gade, har hann hevði fleiri fólk í arbeiði. Men tað vísti seg, at hann hevði so mong onnur áhugamál, at tað fór at ganga niður á bakka við skómakaravirkseminum. Hann gjørdi tískil av í 1877 at flyta til Føroya við allari familjuni. Tey búsettust fyrst í Nýggjustovu í Gongini, men bygdi so hús í Konradsbrekku, nú Gríms Kambans­ gøtu, hagar tey fluttu 1884. Hann hevði skó­ makaraverkstað uppi á loftinum, til hann gavst í 1900. Jørgen Frands var tvær ferðir giftur. Fyrst við Caroline Amalie Bjerring (1827-54). Tíggju ár eftir at hon doyði, giftist Jørgen Frands við hálvsystir hennara, Johanne Elisa­beth Raffenberg (1832-1904). Tískil gjørd­ist Jørgen Frands einkjumaður tvær ferðir. Minningarorð um Meinhardt Í hesi frásøgnini greiðir Jørgen Frantz nokk so nógv frá pápa sínum Meinhardt. Dimmal­ætting skrivaði 14/3 1917 um hann: Meinhardt Jacobsen afgik i Mandags ved Døden paa Sygehuset í Hoydal, 54 Aar gam­ mel. Han blev født i København, hvor han gik i Skole, indtil han var 15 Aar. Da flytt­ ede hans Fader, Skomagermester Jacobsen, Færøernes ældste Mand, til Thorshavn og grundede en Forretning her. Meinhardt Jacob­sen fik ansættelse i Restorffs For­ retning, hvor han virkede i 20 Aar, herfra blev han Bestyrer af Skibsted Handel, og da denne ophævedes, nedsatte han sig som selv­stændig Købmand, men nedlagde For­ ret­ningen kort efter og fik plads paa Land­ fogedkontoret. Udenfor Forretnigslivet har Meinhardt Jacobsen udført et stort og godt arbejde. Han har saaledes i mange Aar været Kasserer for Forsikringsforeningen og for­ulykkedes efterladte, været sekrtær for Thorshavns Klub og meget virksom inden­ for Thorshavns Læseselskab. Alle de regn­ skaber og skriftlige Arbejder, som stammede fra Meinhardt Jacobsens Haand, bærer Præget af Orden og Omhyggelighed. Han vilde levere det bedste. Han havde mange aandelige Interesser, sad inde med ikke ringe historisk Viden, var meget litterært interesseret, og der stak ikke saa lidt af en Skuespiller i ham. Mange omkring paa vore Øer vil længe mindes hans og hans Søstres smukke optræden paa den thorshavnskes Scene, hvor de altid Forstod noget af Værdi, noget der optog Publikums smag og Sans for noget virkeligt smukt. Meinhardt Jacobsen havde mange Venn­er i By og Bygderne; disse har ogsaa under hans Sygeleje vist ham deltagelse. Hans efterlader sig Hustru og seks Børn; den ældste af Sønnerne [Jørgen Frantz) er elev paa Sorø Gymnasium. I Morgen Kl. 12 begraves Meinhardt Jacobsen fra Thors­ havn Kirke. Pápi Meinhardt, Jørgen Frands, doyði heilt stutt aftaná, 97 ára gamal. Teir liggja lið um lið í gamla kirkjugarði í Havn. Siðsøga Carl Johan Bech á ungum árum saman við ókendari kvinnu. Kennist nakar við hana vilja vit fegin frætta Her eru teir tríggir, gamli Jørgen Frands Jacobsen, sonur hansara Meinhardt og sonur hansara, tann kendi Jørgen Frantz Her eru teir tríggir, gamli Jørgen Frands Jacobsen, sonur hansara Meinhardt og sonur hansara, tann kendi Jørgen Frantz