mánadagur 2. mai 2016síða 6

6 Sosialurin Hugskot og viðmerkingar – send sms til 225000 Sosialurin Áki Bertholdsen Gongst sum ætlað verða 61 nýggjar lestraríbúðir til taks í Havn um hálvtannað, ella tvey ár. Tað sigur Andrass Róin, stjóri í Bústøðum. Í næstu viku verður farið undir nógv um­røddu ætlanina at gera 37 lestrar­ íbúðir í kommunuskúlanum í miðbýnum í Havn. Tað er ein ætlan, sum kostar 52 milliónir, og av teimum rindar kommunan 15 milliónir. Ætlanin er, at tær íbúðir­ nar skulu vera klárar at flyta inn í á ólavsøku næsta ár. Men samstundis eru fyri­ reikingarnar eisini komnar undir land at fara undir íbúðarbygging í Mattalág í vestur­býnum, og har verða eisini 24 lestraríbúðir. Andrass Róin sigur, at gongst heilt væl við teirri bygging­ini, verða tær íbúðir­ nar lidnar á heysti næsta ár. Sostatt verða 61 nýggjar lestrar­íbúðir til taks í Havnini seint næsta ár, og Andrass Róin heldur, at tað fer at muna væl í Havnini. Í kommunuskúlanum verður talan um íbúðir við einum rúmi upp á nakrar og tjúgu fermetrar og umframt størri íbúðir uppá slakar 60 fer­metrar, sum eisini eru hóskandi til lítlar familjur, eitt par við einum barni, ella støk foreldur, sum lesa, og til fólk við rørslutarni. Í Mattalág verður talan um størri íbúðir til støk for­ eldur, ella pør við einum barni, sum lesa. Í hesum sambandi verður hugsað um, at íbúðir­nar skulu vera til lesandi sum taka hægri út­búgving­ar og ikki til næmingar í mið­náms­ skúlum. Hinvegin eru Bústaðir í sam­ráðingun­um við myndug­leikar­nar um at yvir­ taka næmingabústaðirnar í Berjabrekku og Undir Fjalli. Ætlanin er so at gera tær ístand, so at tær verða meiri hóskiligar. 2000 limir Tað eru limirnir í Bústøðum, sum fáa framíhjá rætt til hesar íbúðirnar. Tað eru eini 2000 limir í Bústøðum, men tað er ikki gjørt upp, hvussu nógvir av teimum hava søkt um lestrarbústað. Men nú fara Bústaðir undir eina lýsingaherferð fyri at fáa tey lesandi sum eru áhugað í eini lestraríbúð, at melda seg upp í Bústaðir. – Ein fortreyt fyri at fáa lestraríbúð, er, at umsøkjarin er limur í Bústøðum, og eru lesandi. Og tey lesandi, sum longu eru limir, fáa fyrst tilboð um eina íbúð, áðrenn nýggir limir sleppa upp í part. 3000-5000 krónur í leigu Enn er óvist, hvat tað fer at kosta at leiga eina lestrar­ íbúð frá Bústøðum. – Tað fáa vit ikki at vita, fyrrenn vit vita akkurát, hvat byggingin kostar, sigur Andrass Róin. Men ein leyslig metin hjá honum sigur, at íbúðirnar í Kommunuskúlanum fara at kosta ímillum 3000 og 5000 krónur um mánaðin at leiga. Andrass Róin ásannar, at hetta er dýr húsaleiga hjá lesandi, men Bústaðir kann ikki leiga íbúðir bíligari enn tær í roynd og veru, kosta. Skulu lesandi hava bíligari íbúðir, er tað ein politiskur spurningur, um tey skulu fáa ískoyti til leiguna, ella um lestrarstuðulin skal hækka, ella um Bústaðir fær ískoyti til at byggja lestrarbústaðir. Í hesum samgonga kann við­merkjast, at hetta er ein spurning­ur, sam­gongan hevur ætlað at gera nakað við. – Hetta er ein størri, hug­ sjónarligur spurningur um, hvussu politikararnir halda, at umstøðurnar hjá lesandi skulu vera, eisini tá ið hugsað verður um, at treytirnar í Danmark eru betri enn í Føroyum. Ført hevur ofta verið frammi um, at tað er ein or­ søk til, at ung í Føroyum fara til Danmarkar at lesa, heldur enn at lesa í Føroyum Men í politikki er einki vist, fyrrenn tað er samtykt í Løgtinginum. Hinvegin er stjórin í Bústøðum ikki bangin fyri at liggja inni­ brendur við fleiri lestrar­bú­ støðum, hóast eingi politisk stig verða tikin fyri at fáa húsaleiguna niður. Hann vísir á, at leigu­prís­ ur­in á privata marknaðin­ um er eisini rættiliga høgur, so hann stúrir ikki fyri at íbúðirnar fara at stand tóm­ ar, sigur hann. aki@sosialurin.fo Grannar stúra fyri Kommunuskúlanum Áki Bertholdsen – Ætlanin er í hvussu so er ikki, at tað skal verða verri enn í dag. Á borgarafundi hós­ kvøldið um, hvat ætlanin er at brúka Kommunuskúlan til, royndu umboð fyri Tórshavnar Býráð at sissa grannarnar hjá Kommunu­ skúlanum Ætlanin er at fáa meiri lív í Kommunu­skúlan við lestrar­íbúð­um, innan­dura spæli­landi, kaffi­stovu, skap­andi verk­støðum, og øðr­um. Samstundis er nýggja Heilsu­húsið beint niðan­ fyri, og har er eisini nógv virk­semi. Men tað er týðiligt, at grannarnir stúra fyri tí aftur­vend­an­di trupul­leik­ an­um, nevni­liga parkerings­ viður­skiftun­um. Grannarnir hjá K o m m u n u ­s k ú l a n ­u m ivaðust ikki í, at virk­semið í Kommunu­skúlan­um fer at føra nógva ferðslu við sær, aftur­at tÍ ferðsluni, sum longu er í sambandi við Heilsu­húsið, sum er beint niðan­fyri skúlan. Og fleiri av teimum søgdu, at tey stúra fyri at parkerings­trupulleikarnir sum eru stórir sum er, fara at verða enn størri. Tey duga illa at ímynda sær, hvar fleiri parkerings­ pláss kunnu gerast og tey vildu hava um­boð­ini fyri bý­ ráðið at lova teimum at út­ vega fleiri parkerings­pláss í sambandi við Kommunu­ skúlan. Umboðini fyri Tórs­ havnar Býráð royndu at sissa tey. Tey skilja trupul­leikan væl, men tey kundu ikki lova, at nøkur parkerings­pláss verða alt fyri eitt. Men tey løgdu dent á, at ætlanin er, at tá ið Kommunuskúlin er tikin í nýtslu aftur, skulu parkeringsviðurskiftini í hvussu so er ikki verða verri enn tey eru nú. Ein ætlan, sum liggur í kortunum, er at gera parkerings­pláss fram við vegnum. Men Tróndur Sigurðs­ son, formaður í Byggi- og Býar­skipanar­nevndini hjá Býráðnum sigur, at parkerings­trupul­leikin er eitt mál, býráðið tekur í álvara og hann væntar at um eitt ár, eru nógv fleiri parkeringspláss í miðbýnum. aki@sosialurin.fo Skulu lesandi hava bíligari íbúðir, er tað ein politiskur spurningur YVIR 60 NÝGGJ­AR ÍBÚÐIR TIL LESANDI NÆSTA ÁR LESTRARÍBÚÐIR Mánadagur 2. mai 2016 · Nr. 50 Hugskot og viðmerkingar – send sms til 225000 Nú er klárt at fara undir at gera lestraríbúðir í Kommunuskúlanum í Havn, men Bústaðir hevur eisini aðrar ætlanir um lestraríbúðir