mánadagur 2. mai 2016síða 14

Mánadagur 2. mai 2016 · Nr. 50 14 Sosialurin Hugskot og viðmerkingar – send sms til 225000 Vilmund Jacobsen Tað var í 2005, at tiltakið á Toftum sá dagsins ljós, men frammanundan høvdu vestmenningar í nøkur ár havt bátastevnu, sum hevði fingið stóra undirtøku. Øll vita, at veðrið í Føroy­ um er soleiðis háttað, at í mai mánaði kunnu vit bæði hava summarveður - og næst­an vetrarveður hvørt um annað. So seint sum hin 7. mai í fjør legðist kavi, og eitt nú í vestmanna máttu tær stóru maskinurnar út á vegin at grava. Bátafestivalurin á Toft­ um hevur øll árini ligið fyrsta vikuskifti í mai, og ant­in einaferð ella tvær ferðir hevur verið neyðugt - fyri veður - at flyta festivalin eitt vikuskifti. Formaður í Bátafelag­ num á Toftum er Høgni W. Høgnesen. Hann er sjó­mað­ ur og verður ikki heima, tá festivalurin verður hildin leygardagin. Høgni Hansen er ein av teimum, sum hevur verið við øll árini, og hann sigur, at festivalurin í ár verður skipaður á sama hátt, sum undanfarin ár, har bát­ar­nir møtast í Skálafirði leyg­ar­ dagin á middegi. – Klokkan 13 verður siglt út eftir Skálafjørðinum og út á Toftir, har bátarnir koma í Oyrarnar klokkan 14. Tá bátarnir leggja til bryggju, fara harmonikutónar at ljóða, og longu klokkan 15 og út eftir henda seinnapart verða nógv ymisk tiltøk á festivaløkinum. Høgni Hansen vísir á, at eins og onnur ár verða hoppiborg, tom­bola og pylsuvognur á festival­øk­in­ um, og her verða eisini væl­ umtóktir festivalbúffar til keyps. – Á økinum verða eisini fleiri tónleikatiltøk, og her verða so góðar kreftir sum Martin Joensen, Signar í Homrum og Elingborg Pálsdóttir - umframt onnur áhugaverd tónleikanøvn. Hann vísir á, at á økinum verður mótasýning, kórið í Undirhúsinum fer at syngja, og at enda verður stór­ dansur við Halli Joensen og hansara tónleikarum. – Dansitiltakið plagar at rigga ógvuliga væl, og vit hava javnan havt eini 500-600 fólk í dansi hetta kvøldið, sigur Høgni Hansen. Leygardagin verður ársins fyrsta bátastevna á Toftum. Tað er Bátafelagið á Toftum, sum skipa fyri, og hetta verður tólvtu ferð, at bátafestivalur verður hildin á Toftum Ársins fyrsta bátastevna Lívið við hjartasjúku: Hjartafelagið fer at skipa fyri almennum fyrilestri við danska granskaranum, Ann-Dorthe Zwisler, um endurvenjing av hjarta­ sjúklingum. Fyrilesturin, sum er almennur og ókeypis, verður 4. mai, klokkan 19 á Hotel Hafnia. Á grannastevnu hava skúvoyingar samtykt, at hvørki ketta ella kaninur skulu vera í oynni Í síðstu viku var granna­ stevna í Skúvoy, og her varð samtykt at friða lundan í trý ár aftrat. Tað merkir, at hetta verður fjórða árið á rað, at skúvoyingar friða lundan móti veiði. At skúvoyingar vilja verja lundastovnin, sum hev­ur verið illa fyri í nógv ár, er einki nýtt. Harry Jensen, borgar­stjóri, sigur, at tað munnu vera eini 10 ár, síðan lundi seinast varð fleygaður í Skúvoy. Ein annar liður í at verja fuglastovnin í Skúvoy er, at grannastevnan eisini hevur samtykt at seta forboð móti kettum og kaninum í oynni, og hetta er eisini ein partur av Ramsar-ætlanini fyri oynna. Og skúvoyingar hava sett enn fleiri tiltøk í verk til verju móti skaðadjórum. Loyvt verður ikki at innflyta útlendskt hoyggj. Hetta er fyri at bygja upp fyri, at mús og rotta koma í oynna. Fremmandur seyður er eisini fevndur av sam­ tyktini á granna­stevnuni í Skúvoy, og her verður ikki loyvt at føra seyð í oynna - uttan so, at seyð­ urin fyrst er kannaður fyri mótstøðuføri móti rilluskriða og er mót­støðu­ førur. vilmund@sosialurin.fo Eftir sýningar í Gøtu og stuttan steðg í Løkshøll, fáa suður­ oyingar nú vitjan av skemtileikinum - “Renn fyri vívinum” - í mið­ náms­skúlanum í Hovi leygar­kvøldið 7. mai Bátafestivalur verður á Toftum leygardagin, og seinni í mánaðinum verður bátastevna í Vestmanna Sjólív og hendingar Við Løkin Týsdagin 3. mai klokkan 15 fer Arnold Eyvindsson at vitja á Bókasavninum við Løkin í Runavík. Her fer hann at hugleiða um sjólív og hendingar á leiðini. Arnhold veit um nógv at siga og hevur nógv at minnast aftur á, eitt nú frá sínum áhugaverda sjólívi. Almenna og ókeypis tiltakið á bókasavninum er partur av eini røð av hugnaligum og upplýsandi seinnapartstiltøkum, sum Dagtilhaldið í Runavíkar kommunu og Bókasavnið við Løkin samstarva um. Umframt hugleiðingar frá Arnold Eyvindssyni, verður eisini drekkamunnur, høvi til prát, og onkur felagssangur verður sungin. Arnold Eyvindsson er føddur í 1947. Hann er uppvaksin í Hvalba og fór 15 ára gamal til skips. Meira kann lesast um tiltøk hjá Bókasavninum við Løkin á www.lokin.fo Skúvoyingar vilja verja oynna Skúvoyingar hava sett fleiri tiltøk í verk til tess at verja fuglastovnin í oynni