mánadagur 2. mai 2016síða 21

21 Mánadagur 6. januar 2014 · Nr. 2 Sosialurin Mánadagur 2. mai 2016 · Nr. 50 Hugskot og viðmerkingar – send sms til 225000 STUTTSØGD TÍÐINDI DYSTAST Í ALTJÓÐA KAPPINGUM Føroysku U17-landsliðini í fótbólti dystast í Lettlandi, A-landsliðini í flogbólti eru úttikin, Jóhan á Plógv Hansen skeyt fleiri mál í EHF Cup og mong onnur tíðindi – her eru tey stuttsøgdu. Pætur Albinus FÓTBÓLTUR Heini Vatnsdal var við í byrjunaruppstillingini, tá ið Fremad Amager fríggjadagin vann umráðandi 2-0-sigur á útivølli ímóti Hvidovre. Sigurin merkir, at Fremad Amager nú einans er eitt stig aftanfyri oddaliðið Frem í uppflytingarbólkinum um at vinna sær uppflyting í næstbestu deildina. Viljormur Davidsen arbeið­ ir fram­vegis við at koma seg eftir drúgvan skaða­steðg. Seinnapartin í dag spælir hann við eykaliðnum hjá Vejle, sum fer á vitjan hjá Lyngby í Reserveholdsturneringen. Besta liðið hjá Vejle spældi ikki hetta vikuskiftið. Teir skuldu hitta FC Vestsjælland, sum er farið á húsagang. Annan dystin á rað var ikki pláss fyri Gilla Rólantssyni í AaB-hópinum, sum í gjár fekk vitjan av Brøndby. Lukas Spalvis, Nicolaj Thomsen og eitt sjálv­mál syrgdu fyri einum tryggjum 3-0-sigri til AaB, sum í løtuni er á bronsu­ plássinum. Seks dystir eru eftir at spæla. FCK heldur fast í marsjin­ um fram ímóti gullinum í Superliguni. Í gjár vann FCK 5-3 ímóti FC Midtjylland í einum ótrúligum dysti, har fýra mál komu um­vegis bein­ leiðis fríspark. SønderjyskE heldur fram við at elta FCK – eftir 2-1-sigur á Hobro eru teir framvegis sjey stig aftanfyri. Jóan Símun Edmundsson verður ikki við, tá ið OB í kvøld fer á vitjan hjá Esbjerg. Orsøkin er tann, at hann undir venjingini hósdagin fekk ein skaða í knæið. Talan er tíbetur ikki um álvarsligan skaða. Hildið verður, at hann fyri fyrst einans má sita uttanfyri hetta umfarið. Felagið hjá Gunnari Nielsen og Sonna Ragnari Nattestad, FH Hafnarfjørður, fekk eina góða byrjan upp á kappingina, tá ið liðið í ársins fyrsta landskappingardysti í gjár vann 3-0 á útivølli ímóti Thrótti Reykjavík. Gunnar Nielsen spældi allan dystin. Kaj Leo í Bartalsstovu og Dinamo Bukarest skulu í kvøld spæla torføran úti­dyst, tá ið teir skulu spæla ímóti ný­kosnu meistarun­um, FC Astra Giurgiu. Dinamo Buka­rest hevur enn ein lítlan teoretiskan møgu­leika at spæla seg í Champions League-undanspælið. Tað er longu greitt, at teir í minsta lagi hava spælt seg í Europa League. Føroyska U17-landsliðið hjá dreingj­um er farið til Lettlands, har UEFA- menningar­kapping er á skránni. Føroysku dreingirnir skulu spæla ímóti Norðurírlandi, Lett­landi og Estlandi. Fyrsti dystur er í morgin ímóti Norður­írlandi. Føroysku U17-genturnar skulu luttaka í hesi somu kapping, sum eisini verð­ur spæld í Lettlandi. Mót­støðu­ londini eru eisini tey somu. Kappingin byrjar tó ikki fyrr enn um eina viku, tá ið tær føroysku genturnar skulu spæla fyrsta dystin ímóti Lettlandi. Spenningurin í sponsku La Liga stendur við, eftir at FC Barcelona, Atlético Madrid og Real Madrid ikki vilja sleppa hvørjum øðrum í odda­stríð­ num. Atlético Madrid og Real Madrid vunnu hvønn sín 1-0-sigur ímóti ávika­vist Rayo Vallecano og Real Sociedad, meðan FC Barcelona vann 2-0 ímóti Real Betis. Úrslitini hava við sær, at FC Barcelona og Atlético Madrid eru jøvn á fyrsta plássi við 85 stigum, har FC Barcelona tó hevur munin við væl betri málúrtøku. Real Madrid er í hølunum á teimum – einans eitt stig eru teir aftanfyri, nú einans tveir dystir eru eftir at spæla. Spenningurin fær neyvan verið størri í hollendsku deildini, har stórfeløgini Ajax og PSV eru púra jøvn oddalið við 81 stigum nú einans ein dystur er eftir at spæla. Avgerðin fellur næsta sunnudag, tá ið Ajax vitjar De Graafschap og PSV vitjar Zwolle. Ajax er seks mál betri í málmuni, so høvuðs­staðar­ felagið er lítil favorittur at vinna meistaraheitið, sum PSV annars vann í fjør. Eftir at Juventus síðsta mánakvøld gjørdist italskur meistari, so er størsti spenning­ur­in í Seriu A í løtuni um hvør skal vinna silvur­ið. Í tí dystinum er Napoli í løtuni tvey stig frammanfyri Roma. Roma spælir í kvøld ímóti Genoa, meðan Napoli spælir ímóti Atalanta. Við silvurin­um fylgir eisini eitt atgongu­ merki til Champions League. Victor Valdes og Standard Liege eru vorðin samd um, at leigu­sáttmálin teirra millum verður strikað­ur alt fyri eitt. 34 ára gamli spanski málverjin, sum vann steypa­ kappingina við felagnum í mars, men annars hevur mist plássið, vendir fyribils aftur til Manchester United. Sáttmáli hansara har er galdandi fram til í summar. Jordan Larsson, 18 ára gamli sonurin hjá Henrik 'Henke' Larsson, er byrjaður at gera um seg í All­ svenskan. Um viku­skiftið skeyt hann bæði málini, tá ið Helsingborg IF vann 2-1 ímóti AIK. Pápin, Henrik, er høvuðsvenjari. Michael Krohn-Delhi er vorðin álvarsliga skaddur. 32 ára gamli danski miðvallarin, sum spælir við Sevilla, breyt ein part knæskelini í Europa League-hálvfinaluni ímóti Shakhtar Donetsk. Hann varð skurðviðgjørdur leygardagin og má nú halda steðg í upp til átta mánaðir. BADMINTON EM-finalur í badminton hava verið um vikuskiftið. Hjá monnunum vann danski Viktor Axelsen í tveimum settum settum ímóti lands­ manninum, best styrkis­ metta Jan Ø. Jørgensen. Hjá kvinnunum vann Carolina Marín úr Spania 2-0 ímóti skotsku Kirsty Gilmour. FLOGBÓLTUR Føroyska kvinnulandsliðið er nú endaliga úttikið til EM/ HM-undankappingina, sum verður í Føroyum 23. til 25. mei, og har mótstøðulondini verða Írland, Liktinstein og Kýpros. Tær úttiknu eru Sofía Purkhús, Elisabeth Purkhús, Eina Kalsø, Birgit Guttesen, Urd T. Traðará, Eyð G. Magnussen, Anja S. Danielsen, Súsanna Ludvig, Anna Sára L. Skaalum, Ruth Albinsdóttir, Guðrun Joensen, Sóley M. Poulsen, Hanna A. Olsen og Femja F. Mortensen. Manslandsliðið skal eisini spæla hesa somu kapping ímóti Luksemburg og Norðurírlandi. Tann kappingin verður 12. til 16. mei í Luksemburg. Hópurin, sum varð úttikin fyri viku síðani, er hesin: Rasmus Mortensen Potts, Steffan Rosenlund Olsen, Rúni Weihe, Jón Joensen, Oskar í Haraldstovu Weihe, Thorvald Danielsen, Niels Niclasen, Uni Jacobsen, Dávið Hentze, Trygvi Hansen, Suni Juul Pedersen, Jóhan Arne Eliasson Wang, Kasper Lorenzen og Bjarki Enni. FORMIL 1 Hetta vikuskiftið kappaðust Formil 1-koyrararnir í Sochi í Russlandi, har byrjanin var rótut og kostaði Sebastian Vettel lut­tøkuna. Nico Rosberg vann fyri fjórðu ferð í ár, og hevur hann nú vunnið sjey kapp­koyring­ ar á rað. Metið er níggju á rað – tað setti Sebastian Vettel í 2013. Danski Kevin Magnussen gjørdist numamr sjey og fekk síni fyrstu stig í ár. HONDBÓLTUR Bjerringbro-Silkeborg við Jóhan á Plógv Hansen á liðnum tapti leygardagin EHF Cup-fjórðingsfinaluna sera tepurt ímóti spanska Granollers. Spanska felagið vann fyrra dystin 30-24, men við 32-26-sigri hesaferð megnaðu teir donsku at fáa samlaða javnleik. Granollers sleppur tó í hálvfinaluna eftir regluni um fleiri útivallarmál. Jóhan skeyt fimm mál. 2. mansliðið hjá føroysku útisetunum í ÍF Føroyum tryggjaðu sær leygar­dagin uppflyting í Kvalifikationsrækken. Tað gjørdu teir í einum sera tøttum og spennandi upp­ flytingardysti ímóti LSH, ið varð vunnin 33-32. SÚKKLING Seinasti teinurin av Tour de Romandie varð súkklaður í gjár, og endin gjørdist, at lítli kolumbiski klintrarin, Nairo Quintana (Movistar), streyk avstað við samlaða sigrinum við 19 sekundum frammanfyri Thibaut Pinot (FDJ). Chris Froome (Team Sky) gjørdist einans nummar 38.