mánadagur 2. mai 2016síða 24

Mánadagur 2. mai 2016 · Nr. 50 24 Sosialurin Hugskot og viðmerkingar – send sms til 225000 Jóannes Hansen Átta umfør eru avgreidd í næstbestu deildini, og tey bæði fremstu liðini eru fram­ vegis ikki farin av vøll­inum uttan at hava vunnið úrtøku. Í gjár hittust tey í Streym­ nesi, og har var úrs­litið 1-1. 07 Vestur fór framum, tá ið tað restaðu tíggju minuttir av fyrra hálvleiki. Talan var um mis­skiljing millum Árna Grunnveit Olsen og René Tórgarð í málinum. Árni royndi at snitta bóltin aftur til mál­verjan, og bólturin end­aði í netinum. Í tíggju ár var René fastur maður millum stólparnar á besta liðnum hjá EB/ Streymu, sum tá var við til at mynda toppin í føroyskum fót­bólti. Í fyrra árið takkaði René fyri seg. Í fjør hjálpti hann til í einum dysti, og so var hann í gjár fyri fyrstu ferð við Margáir í ár og hjálpti til. Fimm minuttir eftir, at gestirnir vóru komnir fram­ um, javnaði Marni Djurhuus. 07 Vestur hevði í seinna hálvleiki fríska lotið undan, og tað vóru nógvar spentar støð­ur frammanfyri málið hjá René Tórgarð. Gestirnir raktu eina­ferð í stólpan, og tá ið dóm­arin bríkslaði fyri síðstu ferð iðraðu teir seg um, at tað ikki var eydnast teim­um at vinna fulla úr­ tøku. FC Suðuroy og Giza/Hoy­ vík, sum eru tey næstu í røð­ ini, vunnu hesaferð triva­ligar sigrar á heimavølli. FC Suðuroy hevði vitjan av teimum næstbestu hjá AB, sum fóru norður um aft­ur við 5-0 tapi, sum ber við sær, at AB nú er niðast á støðu­talv­uni. Búi Egilsson og Mamuka skoraðu tvey mál í part miku­kvøldið, og tað gjørdu aftur leygar­dagin. Í níggjunda umfari, sum verður leygardagin, fær FC Suðuroy vitjan av EB/ Streymi. Talan verður um lykla­uppgerð hjá FC Suðuroy í stremb­anini at vinna seg upp aftur í bestu deildina, sum lið­ið í fjør flutti niður úr. Giza/Hoyvík hevði vitjan av B71, sum fór suður um fjørð­in við 4-1 tapi, hóast tað eydn­aðist at halda tørn um mál­leysan javnleik í fyrra hálv­leiki. Fyrrverandi B71 spælarin í Giza/Hoyvík Mikkjal T. Hentze setti hol á tveir min­uttir eftir steðgin. Tony Rasmussen skoraði tvey mál, og innskifti Ahmed Keita, sum er skaðadarvaður, stað­festi 4-1 sigurin. Johan Hendrik Lydersen minkaði um munin fyri B71 til 2-1. Við 1-0 sigri á heima­vøll­ inum í Leirvík ímóti HB lyfti Víkingur seg upp um niður­ flytingar strikuna. Einsa­ malla málið skoraði Gunnar Vatnhamar við brotssparki mið­skeiðis í fyrra hálvleiki. Eftir fýra tap á rað eydn­ aðist tað NSÍ aftur at vinna fulla úrtøku. KÍ tapti hós­ dagin 5-0 við Margáir, og minni enn tvey samdøgur seinni tapti KÍ 4-2 við Løkin. Jóannes Hansen og Andrias á Líknar­gøtu løgdu fyrsta kor­terið heimaliðið framum 2-0. KÍ pressaði fram ímóti steðg­inum, men tað eydn­ aðist ikki at minka um mun­ in fyrr enn seks minutir eftir steðgin, tá ið Jóannes Danielsen skoraði. So var støðan 2-1, og eina løtu tevj­ aðu klaksvíkingar møgu­ leik­an at javna. Møguleikin mink­aði nógv, tá ið Jóannes Hansen miðskeiðis í seinna hálv­leiki skoraði til 3-1, men bara tveir minuttir seinni var aftur spenningur, tá ið Aksel Danielsen minkaði um mun­ in, so støðan var 3-2. Dómarin legði seks min­ uttir aftrat, og KÍ spenti álops­bogan. Tað eydnaðist ikki gestunum at skora. Í stað­in var tað Dávid á Roykheyggi, sum staðfesti 4-2 sig­urin. joannes@sosialurin.fo Giza/Hoyvík og FC Suðuroy, sum nú fær vitjan av EB/Streymi, togaðu seg leygardagin tvey stig nærri uppflytingarplássunum FÓTBÓLTUR TOPPLIÐINI TAPA IKKI 1. deild støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 EB/Streymur 8 6 2 0 28 6 +22 20 2 07 Vestur 8 6 2 0 19 5 +14 20 3 FC Suðuroy 8 5 1 2 28 13 +15 16 4 Giza/Hoyvík 8 5 0 3 18 13 +5 15 5 NSÍ II 8 4 0 4 17 22 -5 12 6 KÍ II 8 3 0 5 15 21 -6 9 7 HB II 8 2 1 5 17 22 -5 7 8 Víkingur II 8 2 1 5 6 18 -12 7 9 B71 8 1 2 5 9 23 -14 5 10 AB II 8 1 1 6 8 22 -14 4 Víkingur - HB 1-0 (1-0) 1-0: Gunnar Vatnhamar br 22. NSÍ - KÍ 4-2 (2-0) 1-0: Jóannes Hansen 7. 2-0: Andrias á Líknargøtu 18. 2-1: Jóannes Danielsen 51. 3-1: Jóannes Hansen 65. 3-2: Aksel Danielsen 67. 4-2: Dávid á Roykheyggi 96. EB/Str - 07V 1-1 (1-1) 0-1: sjálvmál 35. 1-1: Marni Djurhuus 40. Giza/H - B71 4-1 (0-0) 1-0: Mikkjal T. Hentze 47. 2-0: Tony Rasmussen 52. 2-1: Johan H. Lydersen 64. 3-1: Tony Rasmussen 80. 4-1: Ahmed Keita 82. FCS - AB 5-0 (4-0) 1-0: Búi Egilsson 4. 2-0: Búi Egilsson 6. 3-0: Valerian Iobashvili 25. 4-0: Mamuka Toronjadze 30. 5-0: Mamuka Toronjadze 78. 9. umfar, leygardagin 7. mai KÍ - Giza/Hoyvík 07 Vestur - HB AB - Víkingur B71 - NSÍ FC Suðuroy - EB/Streymur Mynd: Sofus D. Johannesen Í tíggju ár var René Tórgarð málverji hjá EB/Streymi, sum tá var millum tey fremstu. René gavst við Margáir í fyrra árið, men í gjár hjálpti hann til, tá ið málverjin, sum nú røkir ódnina millum stólparnar, var sjúkur 1. DEILD