mánadagur 2. mai 2016síða 26

Mánadagur 2. mai 2016 · Nr. 50 26 Sosialurin Hugskot og viðmerkingar – send sms til 225000 Jóannes Hansen Tað var í Eysturoy og í Klaks­ vík, at tað gekk fyri seg í gjár, tá ið punktum varð sett fyri fyrsta triðingin av ársins lands­kapping. Hjá bygdarfelag at vinna á stóru høvuðsstaðar feløg­ unum tykist altíð at vera nakað serligt, og tað var nakað heilt serstakt, tá ið ÍF í gjár vann 4-2 á favorittunum í HB. Týskvøldið tók Jákup Mikkelsen ábyrgdina á seg sum venjari. Hósdagin vann ÍF 2-1 á Toftum, og Í gjár noydd­ist HB úr Fuglafirði við ong­um. Jákup Mikkelsen hev­ur verið í Fuglafirði síð­ ani í 2010. Í fjør var hann venj­ari fýra tey síðstu um­ før­ini. Tá ið hann fyri lítlari viku síðani tók við aftur ábyrgd­ ini, segði nevndar­for­mað­ urin, Leif André Eliasen, at FSF í fjør læt teir vita, at Jákup hevur loyvi at vera fyri­bils­venjari í 60 dagar, tí hann hevur ikki hægstu út­ búgv­ingina. Jákup er í holtur við útbúgvingina, og tað er ikki undarligt, um fugl­firð­ ingar nú fara at arbeiða fyri, at hann skal halda fram sum venjari alt hetta kapp­ingar­ árið: – Eg má siga sum er, at eg eri stoltur av spælarunum. Nú hava vit vunnið tíggju stig burtur úr fýra teimum síðstu umførunum. Eg veit ikki, hvussu nógv lið hava megnað tað. Spælararnir vístu góðan hugburð í 2-1 sigr­inum á Toftum, tá ið nógv riggaði væl, og ímóti HB løgdu teir uppaftur meiri omaná, sigur Jákup Mikkelsen. Clayton Soares var enn einaferð sera væl upplagdur. Hesaferð var Adeshina Lawal stóri maðurin á vøllinum. Hann skoraði trý mál og var har­við avgerandi: – Eg havi ongantíð sæð hann spæla so væl, sum hann gjørdi ímóti HB. Síðsta mál­ið, tá ið hann skoraði til 4-2, var framúr. Hann sneiddi tríggjar mótstøðumenn av sær í einari draging í vinstru, áðrenn hann úr spískum setti bóltin í handara síðu­ netið. Hatta var framúr, og vit gleða okkum at møta aftur til venjing, sigur ÍF venj­arin. Í síni tíð vóru teir báðir, Jákup Mikkelsen og HB venj­arin Jan C. Dam, lið­fel­ agar í Herfølge. Felags fyri teir báðar er eisini, at teir eru jarðbundnir, tá ið tað gong­ ur við og ímóti. Jan C. Dam ásannaði, at teir høvdu møtt góðum mótstøðuliði. – Undan steðginum høvdu vit fleiri góðar støð­ ur at leggja okkum greitt framum, og tá ið vit løgdu okkum framum 2-1, spældu vit sera væl. Men teir svar­ aðu aftur, og tað var av­ger­ andi, at teir hava fleiri góðar álops­spæl­arar. Vit eru góðir í fram­rættaða partinum, men av­bjóð­ingin er, at tað fara ov nógv mál ígjøgnum, og nú mugu vit hava fokus á verju­ partin, sigur Jan C. Dam: – Vit eru vónbrotnir eftir at hava tapt tvær tær sein­ astu ferðirnar, men vit eru fram­vegis við í toppinum, og vit hava gott mót. Jóannes er í hopla Kavið lá kring vøllin, og høg­ættin hevur nógvu teir síðstu dagarnar verið tráð í Klaks­vík. Men fótbóltshitin er høgur, nú KÍ av álvara bjóðar av í toppinum. Trýstið var stórt á B68 mál­ið, har Ragnar Lindholm vardi væl og onkra ferðina fekk hjálp frá stólpunum. Mest sum burtur úr ongum legði miðvallarveteranurin Kristian Anton Andreassen B68 framum við fínum lang­ skoti. KÍ fótaði sær undan steðg­inum, tá ið Jóannes Bjartalíð skoraði tvær ferðir, og eftir steðgin økti hann til 3-1, og harvið hevði hann skor­að fimm mál í tríggjar dagar – hann skoraði bæði í 2-0 sigrinum í Gøtu hósdagin. Inn­skifti Hjalgrím Elttør stað­festi 4-1 sigurin, sum ber næst­ovasta plássið við sær. – Munurin var ikki so øgiliga stórur á liðunum, men vit kundu havt skorað fleiri mál. Tað er týdningar­ mikið, at vit hava góðar mál­ skjúttar sum eitt nú Jóannes Bjartalíð, men talan var um liðavrik, og Páll Klettskarð og Súni Olsen serviseraðu hann væl. Og nú eru tit á øðrum plássi? – Vit eru eitt stig frá topp­ inum og trý frá sætta plássi. Hetta er spennandi, og vit hava framvegis fokus á at vinna okkum í euro­peisku kappingina. Vit royna at vera eyðmýkir og ar­beiða hart og nógv, sigur KÍ hjálpar­venj­ arin Agnar Frederiksen. B68 liðformaðurin, Hákun Edmundsson, staðfestir, at mistøkini kostaðu: – Vit løgdu okkum fram­ um, men teir vóru eirindar­ leysir og sektaðu, tá ið vit mistu í uppspælinum. Hóast vit eur niðast, so rokna vit fram­vegis við, at hetta fer at bera til, sigur Hákun Edmunds­son. Skrædl á Skála Í átta teimum fyrstu um­ før­unum skoraði Skála fýra mál. Í gjár vann Skála 5-1 á heima­vølli ímóti TB, ið á ongan hátt líktist liðnum, sum miku­dag­in vann 2-1 á NSÍ. Jónhard Frederiksberg var álopsspælari í nógv ár, áðrenn hann varð um­skúl­ aður til vongverja. Nú er hann aftur fremsti maður í barn­dóms­felagnum, og í gjár skor­aði hann hattrikk. TB venjarin var so illa nøgdur við verjupartin, at hann eftir hálvan tíma skifti tríggjar spælarar út. Ein av innskiftu monnunum var Rógvi Joensen. Hann noydd­ ist lítla løtu eftir steðgin skadd­ur av vøllinum, og har­ við var TB undirmannað í meiri enn hálvan tíma. – Hetta var offdagur fyri okk­um allar. Vit vóru ikki savn­aðir um avbjóðingina. Spæl­ararnir megnaðu ikki at geva seg, sum teir gjørdu miku­dagin, og tá ið Skála skoraði mest sum hvørja ferð, teir vóru í nánd av mál­ inum, so gekk tað, sum tað gjørdi. Vit eiga eitt ungt lið, og sovorðið kemur fyri. Nú mugu vit læra av hes­um og reisa okkum, sigur TB venjarin Robert F. Roelofsen, sum iðrar seg um, at tað gong­ur illa ímóti veik­aru lið­unum, meðan tað hevur gingið betri ímóti topplið­ unum. Skála málverjin Andras Gango er saman við liðfeløg­ unum ógvuliga væl nøgdur: – Fyrra hálvleik riggaði alt hjá okkum. Vit skoraðu trý mál, og vit høvdu møguleikar at skora uppaftur fleiri. At tað endiliga eydnaðist at vinna úrtøku burtur úr møgu­leik­unum gevur sjálvs­ álit, og tað vóna vit fer at síggj­ast aftur næstu vikur­ nar, sigur Andras Gango. AB bíðar framvegis Trygvi Mortensen og AB fingu einki við sær úr Runa­ vík. NSÍ vann 2-1, og tað vóru heimamenninir væl nøgdir við. Magnus H. Olsen, sum leingi hevur sitið á beink­ inum, var millum teir fyrstu ellivu, og hann takkaði fyri álitið við miðskeiðis í fyrra hálvleiki at skora við fínum skoti. Dygst undan steðginum sá NSÍ miðverjin Monrad Holm Jakobsen reytt fyri at brúka neyðbremsuna. AB hevði betri fatur á eftir steðg­in, men tá ið Klæmint A. Olsen umsetti brotsspark til mál, var takið ov stórt, og AB kom ikki nærri enn, at Rasmus Dan Sørenen við stút­ara eftir horna minkaði um munin. – Leikliga avrikið undan steðg­inum mundi vera tað lakasta higartil í ár. Vit fótaðu okkum eftir steðg­in, men tá ið teir fingu brots­ spark, varð avbjóðingin ov stór. At tapa við einum máli í Runa­vík er sín søk. Nú fyrsti trið­ing­urin er farin, iðri eg meg meiri um, at tað ikki er eydnast okkum at fáa meiri burt­ur úr ímóti B68, TB, Skála og ÍF, sigur AB venjarin Trygvi Mortensen. AB hevur fimm ferðir spælt javnt, og fýra ferðir hevur liðið tapt við einum máli. Tríggir trífaldir málskjúttar og Jákup Mikkelsen, ið hevur fingið flúgvandi byrjan sum venjari, vóru í brennideplinum, tá ið Víkingur og KÍ yvirhálaðu havnarfeløgini FÓTBÓLTUR TOPPURIN FLUTTUR ÚT Á BYGD FRÓÐI ÓLASON OLSEN AB Feilurin er tann, at vit hava minst 10 mið­vall­ arar og ongan áleyp­ara sum dugir at skjóta mál. Eingin skomm at tapa 2-1 í Runa­vík, og tó, vóru óhepnir ikki at fáa 2-3 mál. Guð viti hvaðani hatta brots­spaki kom frá. KRISTIAN JOENSEN KÍ 4-1 var ikki eitt mál ov lítið. Um málmaðurin hjá B68 ikki spældi sín lívs dyst, so vann KÍ 12-0. Um hatta liði ikki tekur seg saman, so verður leygardagsfótbóltur á Toftum komandi ár. Bjartalíð koyrir tað bara, hann er kongeligur. Koyr á KÍ SÆBJØRN LEITI ÍF Aftur í dag vístu okkara menn hvussu man vinnur ein dyst, gott spæl, vit vóru nógv betri enn HB í dag, og nú er bara 4 stig upp til fysta pláss. Koyr á ÍF ALLAN ENGHAMAR HB Aftur tveita vit leiðsluna vekk. Vit mugu læra at lukka fyri og vinna dystirnar. Kynisman manglar. Vit koyra víðari, eingin fadesa. LISSI MOURITSEN B36 Eri so stolt av okkara monnum! Stríðast og kempa til tað síðsta! Vit klára okkum forbannað væl. Tab og vind med samme sind. Einaferð og Altíð B36. Og eg veit seriøst ikki hvat víkinga fjepparin tosar um - at teir sótu á øllum - TAÐ PASSAR SO SLETTIS IKKI !!!! JAN B. ANTHONIUSSEN NSÍ Hesin dysturin skuldi bara vinnast. Tað bleiv tungt við 10 ímóti 11 ein heilan hálvleik, men vit hildu út. Burdu havt fingið meira burturúr í fyrra hálvleiki. Men tað rakk allíkavæl til 3 stig. Nú síggja vit fram til næsta dyst, har vit fáa Sjúrðah heim til Løkin! Góðir! Mynd: Sigmar Mørkøre