mánadagur 2. mai 2016síða 31

31 Mánadagur 6. januar 2014 · Nr. 2 Sosialurin Mánadagur 2. mai 2016 · Nr. 50 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Neli Heldarskarð Pætur E. Jensen So var aftur hondbóltsgalla á skránni, sum almenni endabresturin í føroyska hond­bólts­kappingar­ árinum. Sum siður er, so verða eisini ársins spælarar kosnir. Somuleiðis er siður, at einki høpi er í hvør vinnur. Serliga er hetta galdandi fyri ársins spælara hjá kvinnum í ár. Fríðrún Olsen úr StíF er ein frálíkur spælari, sum eisini er á landsliðnum. Í so máta er hon ein verdur vinnari, tí huginum og spælinum bilar einki. Kritikkpunktið er meiri, at StÍF at kalla ongan leiklut hevur spælt í landskappingin hjá kvinnum í ár. Hinvegin, so er Neistin greipuvinnari og vann eitt nú FM finalurnar greitt. Hetta sæst ikki aftur á ársins listanum, har Neistin bara vann ársins málverja, sum eisini skuldi deilast við annan málverja. Nú verður sjálvandi tosað í krókunum, og tað er týdningarmikið at skilja í millum hvat er vert at luta eftir, men tá sjálvt Fríðrún Olsen sjálv er bilsin um heiðurin, so eru vit har, at heiðurin helst ikki hevur tað tign, ið hann átti. Tað eru venjarar og spælararnir, ið atkvøða. Tó verður ikki navn sett á liðskiparan, sum tað verður í fótbólti. Heldur eru tað »spælararnir«, ið atkvøða. Tá er lætt at fjala seg og atkvøða antin við hjartanum ella taktiskt. Hetta var eisini í fótbóltsheiminum, har Sosialurin hevur staðið fyri atkvøðugreiðsluni. Loysin var, at kunngera allar atkvøðurnar. Vónandi verður leisturin broyttur til komandi ár, so hondbóltsspælarar kunnu kenna seg aftur í ársins spælara. Sum skilst, so hevur Hondbóltssambandið tikið stig til at broyta hetta til komandi ár. Vónandi er tað ikki bara tos, sum vit dómaraseðlunum, ið framvegis liggja á láni! Tey skilja tað ikki ein gongd sjálv KLUMMAN Tróndur sigur sína hugsan... ■ Píkadekk enn loyvd í Tórshavn. O stig til høvuðstaðin í dag (Víkinga fjeppari) Besta sms'ið í Triða Hálvleiki hjá Rás2: Tað sá álvarsamt út tá ÍF miðvallarin, Karl Løkin, eftir góðum hálvan tíma í dystinum millum ÍF og HB sunnudagin datt niður á vøllin, eftir at hann hevði steðgað HB leikaranum, Teit Jacobsen, í einum skjótálopi. Karl Løkin lendi so mikið illa eftir at hann hevði takklað Teit Jacobsen, at høvdið tók fyrst til. Í fyrstani var mett at Karl Løkin mundi fara at koma upp aftur á vøllin, men tað var nógv meira álvarsamt enn so. Tað endaði so mikið álvarsamt, at sjúkrabilurin mátti á vøllin eftir Karl Løkin, sum síðani varð koyrdur suður á Landssjúkrahúsið í Havn. Sosialurin hevði seint sunnukvøld samband við avvarðandi hjá Karl Løkin. Karl Løkin var tá framvegis staddur á sjúkrahúsinum, har støðan var lítið batnað síðani at dysturin var liðugur. Karl Løkin var tá framvegis ikki við fult vit. Hann visti millum annað ikki tá at dysturin var spældur ímóti HB, og hvat støðan endaði í dystinum. Avvarðandi hjá Karl Løkin bæði vónaðu og væntaðu tó at støðan hjá honum kom í rættlag seinni um kvøldið. Tað eydnaðist okkum ikki at fáa fatur á nøkrum av avvarðandi hjá Karl Løkin mánamorgunin, tá blaðið fór til prent. Støðan sum elvdi til heilaskjálvtan hjá Karl Løkin hendi annars tá ein góður hálvur tími var leiktur av dystinum. Teit Jacobsen hjá HB var á veg í skjótálop, har sum Karl Løkin steðgaði honum við einari takkling. Karl Løkin fekk gult kort í støðuni, men meiðslaði seg so mikið illa at hann noyddist við sjúkrabilinum av vøllinum. ÍF leikarin, Kristoffur Jakobsen, loysti Karl Løkin av á miðvøllinum hjá ÍF. Sjálvur dysturin millum ÍF og HB endaði við 4-2 sigri til fuglfirðingar, sum nú av álvara eru við aftur í stríðnum um tey fremru plássini í deildini. KARL FEKK HEILASKJÁLVTA Sjúkrabilurin noyddist á vøllin eftir Karl Løkin í dystinum millum ÍF og HB sunnudagin, eftir at Karl Løkin lendi skeivt eftir eina takkling. Karl Løkin fekk heilaskjálvta av støðuni, og seint sunnukvøldið var støðan lítið batnað hjá ÍF miðvallaranum