týsdagur 3. mai 2016síða 54

SOSIALURIN MAI 2016 22 Hilda B. Mortensen skrivar Sunnudagin er mammudagur, og tá heiðra vit mammur okkara, tí eru al­ heims mammur ikki ein av teimum størstu gávunum, vit sum børn hava móttikið? Orðið mamma man vera mest brúkta orðið í heiminum, og tað er kanska ikki so løgið. Umfevnandi armarnar, ið altíð eru til reiðar at ugga, og granskandi eyguni, ið saman við heilanum kenna sálarstøður og eru til reiðar at hjálpa og seta orð á kenlsurnar. Ikki minst eru mammur okkara ein av okkara bestu vinkonum, ið vit kunnu tosa við um ALT. Mamman er okkara moralur og hon er uppbyggingin til tann persónin vit eru. Fólk siga ofta, at eg líkist mammu míni, og tað taki eg sum eitt kompliment, tí hvør vil ikki líkjast einari góðari supermammu? Mamman er spegilin, og tí verður hon tulkað sum stjúkmamman í ævintýrinum, tá ið vit fara ígjøgnum tannáringaárini, tí tað er ov svárt at líta í spegilin, tá ið vit eru í ongamannalandi. Men vit noyðast ígjøgnum hesa viðkvomu ferð fyri at gerast heil menniskju – at fara frá barni til vaksin. Tá er tað sanniliga gott at hava gott tilknýti til mammu sína, og sálarfrøðiliga sæð hevur tað tilknýtið alstóran týdning. Tú torir eisini best at geva mammu tína skuldina fyri eitt­ hvørt, sum er hent ella at vísa vreiði tína. Orsøkin er allarhelst tann, at mammur hava eina ótømandi keldu av treyta­leysum kærleika. Mamma er mín hetja, ið bjargar mær, tá ið eg detti. Mammur læra okkum at seta mørk, læra okkum nøkur góð virðir at byggja okkara dag eftir og ikki minst uppbyggja tær okkara sjálvsvirðið og sjálvsálit – fáa okkum at kenna okkum sum nakað serstakt og týdningarmikið, tí tað eru vit. Mamman er ein stór kelda til gleði, og samstundis rúmar hon eitt brúsandi hav av kærleika og tolsemi í hjarta sínum, tá vit fremja mistøk ella snáva á okkara vegi. Mamman er fílurin, ið áhaldandi skumpar ungan upp á beinini til hann sjálvur dugir at ganga. Mamman er harðføri veggurin, sum børnini kunnu lena seg uppat. Minst til at vísa mammu tíni kærleika í dag og restina av døgunum av lívi tínum, tí mamman er fantastisk. Hon hevur allan pakkan. Hon er uppalarin, sálarfrøðingurin og heimsins besta vinkona. Mammur eru superhetjur! Sosialurin 34 18 00 Tlf. 317400 • arstidir@olivant.fo • J. C. Svabosgøta 10 • Blomur.fo Blómur til øll endamál… Føðingardagar Brúdleyp Jarðarferð Mammudag sunnudagin 8. mai er opið frá kl 7-18 Pápadag Valentin ella okkurt heilt annað Árstíðirnar Klumman