hósdagur 5. mai 2016síða 8

FRÍGGJADAGUR 6. MAI 2016 SOSIALURIN 52 8 PERSÓNSSØGA – Tað var tí, at so nógv fluttu av landinum. Tað var eisini tí eg fór. Eg kundi bara ikki ímynda mær at liva sum samkyndur í Føroyum, greið­ir Meinhard St.John frá. Hann ger greitt hvønn týdning tað hevur fyri eitt menniskja, at ikki verða góðtikið fyri tann man er. – Tú kanst ómøguligt fungera, um samfelagið er ímóti tínum livi­ hátti, sigur Meinhard St.John. Hann minnist tíðina sum ungur tannáringur í Føroyum, tá ið hann mátti velja millum heimlandið og seksuellu sannføringina. Og tá tú setur tað upp soleiðis, so er lít­ið at ivast í, at tú noyðist at vera sannur móti tær sjálvum, og velja sann­før­ ingina framum heim­landið. – Eg tordi ikki at koma úr skáp­ inum í Føroyum. Eg veit ikki um eg hevði torað tað tá, um eg var ver­andi heima longri. Eg ivist í tí. Men nú sær tíbetur út til, at tað er broytt til tað betra, sigur Meinhard St.John. Liam varð borin av surogatkvinnu Meinhard flutti í fyrstu atløgu til Dan­markar, og áðrenn rúm tíð var liðin, hitti hann núverandi mann sín Paul St.John. Tað var í Chicago, at Paul og Meinhard hitt­ ust fyri nú 15 árum síðani, og í ár kunnu teir hátíðarhalda 14 ár av hjúnar­lagi. Tað var í Ráðhúsinum í Keyp­mannahavn, at teir báðir vóru skrásettir sum hjúnarfelagar, og eftir­fylgjandi hildu teir vígslu í Helligånds­kirkjuni á Strøgnum í Keyp­mannahavn, og á hásumri var brúðarveitsla fyri familju og vinum. Fyrstu mongu árini av hjúnar­ lagnum hjá Meinhard og Paul var eitt fløkjumál, sum fylti nógv. Teir ynsktu sær børn, men tað er ikki bara sum at siga tað. Tað tók mong ár, men fyri seks ár­um síðani kom lítli Liam til heim­ in. Liam er biologiski son­urin hjá Paul St.John, meðan teir báð­ir fun­ gera sum foreldur at dreing­inum. Liam varð borin í heim í Kanada, meðan báðir páparnir vóru hjá. Ein sokallað surogatkvinna bar Liam og føddi hann, og eftir at pápar­nir kliptu nalvastreingin var nýføð­ ingurin leiddur heim til Paul og Meinhard. – Tað var so fantastiskt at fáa Liam eftir at hava brennandi ynskt hann í fleiri ár, greiðir Meinhard St.John frá. Teir fluttu til San Francisco við unga dreinginum og hava síðani virkað sum ein púra vanlig familja. Paul starvast sum varastjóri í stórari KT fyritøku og tí ferðast hann nógv og arbeiðsdagarnir ger­ ast langir. Meinhard er sjónleikari og hjá honum eru arbeiðstíðirnar meira fleksiblar. Tað hevur so viðført, at Meinhard er tann, sum er heima við unga Liam. Og tá ið tað gerst trupult orsaka av arbeiði, traðka foreldrini hjá Meinhardi til. – Tað er púra óspennandi. Vit liva akkurát sum allar aðrar barna­ fam­iljur, sigur Meinhard St John. Hugburðurin hevur alt at siga Fyri okkum her í Føroyum er hetta At fólk elska hvønn annan og fáa somu rætt­ indi til at elska hvønn annan, kann ongantíð vera nakað ringt« Meinhard St.John