mánadagur 9. mai 2016síða 13

13 Mánadagur 6. januar 2014 · Nr. 2 Sosialurin Mánadagur 9. mai 2016 · Nr. 53 Hugskot og viðmerkingar – send sms til 225000 STUTTSØGD TÍÐINDI HULDA FEKK GOTT ÚRSLIT Í BARCELONA Aftur hetta vikuskiftið hava føroysk ítróttarfólk kappast úti í heimi. Fimleikarar hava verið til World Cup, kvinnulandsliðið í flogbólti hevur spælt ímóti Danmark og borðtennis- kvinna hevur vunnið DM-gull. Her eru tey stuttsøgdu ítróttartíðindini Pætur Albinus FÓTBÓLTUR Bæði Hallur Hansson og Brandur Hendriks­son byrja­ ðu á vøllinum, tá ið Vend­ syssel FF sunnudagin helt fast í góðu gongdini við 1-0-sigri á útivølli ímóti Næstved. Hallur legði upp til málið, sum Patrick Bang Nielsen skeyt. René S. Joensen varð innskiftur, tá ið eitt korter var eftir. Við sigrinum heldur Vendsyssel FF fram við at elta Silkeborg í stríðnum um triðja plássið, sum gevur upp­flyting til Superliguna. Av tí at Silkeborg eisini vann um vikuskiftið, so eru fram­vegis fýra stig á muni, nú fýra dystir eru eftir at spæla. Vejle og Viljormur Davidsen eru eisini fýra stig aftanfyri Silkeborg. Kaj Leo í Bartalsstovu var skaddur og ikki við í hópinum hjá Dinamo Bukarest, sum fríggjakvøldið spældi 3-3-javnleik ímóti Viitorul Constanta. Hetta var seinasti dysturin í kappingar­ árinum, og tað er nú greitt, at Dinamo Bukarest endar nummar fýra í upp­flytingar­ spælin­um og sleppur at spæla Europa League kom­andi kappingarár. Patrick Ekeng, liðfelagin hjá Kaj Leo í Bartalsstovu í Dinamo Bukarest, sum small um og doyði í dysti fríggjakvøldið, kann vera deyður orsaka av at neyðuga hjálparútgerðin ikki var við leikvøllin. Kreppa í rumenskum fótbólti kann hava havt við sær, at medisinsk útgerð á 3750 krónur hevur verið spard burtur. Tað sigur fakfelagið hjá leikarunum har, sum nú er farið at kanna málið nærri. Heini Vatnsdal og Christian Holst byrjaðu báðir á vøllinum, tá ið Fremad Amager í gjár spældi málleysan javnleik ímóti Thisted. Eina stigið hevur við sær, at Fremad Amager hoppar upp á triðja plássið, sum gevur uppflyting. Sjey dystir eru eftir at spæla, og Nykøbing er bara eitt stig aftanfyri teir. Gunnar Nielsen vardi málið hjá FH Hafnarfirði, sum í gjár vann 2-1 á heimavølli ímóti ÍA Akranesi. FH fekk ein mann vístan av vølli tíðliga í seinna hálvleiki, men hóast hetta, so eydnaðist tað at skjóta 2-1-sigursmálið í 88. minutti. FH hevur nú seks stig fyri tveir dystir og er oddalið vegna bestan málmun. Kapprenningin um meistaraheitið í sponsku La Liga heldur fram, eftir at øll tey trý oddaliðini, FC Barcelona, Atlético Madrid og Real Madrid, hava verið í dystum um vikuskiftið. Nú er bara ein dystur eftir at spæla. FC Barcelona, sum undan dystinum í gjár var ájavnt við Atlético og eitt stig frammanfyri Real, hevði ongar trupulleikar av grannunum úr Espanyol, sum vórðu sendir til húsa við 5-0-tapi. Luis Suarez skeyt tvey, meðan Lionel Messi, Rafinha og Neymar skutu hvør sítt. Atlético Madrid snávaði púra óvæntað á útivølli ímóti aftasta liðnum, Levante, sum longu er flutt niður. Fernando Torres legði Atlético Madrid á odda 1-0 longu í 2. minutti, men Casadesus og Guiseppe Rossi syrgdu fyri, at Atlético nú ikki kann blíva meistari. Nú er tað einans Real Madrid, sum hongur í FC Barcelona. Real Madrid hevði tað annars ikki lætt ímóti Valencia heima, har høvuðsstaðarfelagið fekk ein harðvunnan 3-2-sigur. Cristiano Ronaldo skeyt tvey mál og Karim Benzema eitt. Úrslitini hava við sær, at allarseinasta umfar næsta leygardag fer at avgera meistaraheitið. FC Barcelona er eitt stig frammanfyri Real Madrid og kann harvið avgera tað úti ímóti Granada. Real Madrid skal á vitjan hjá Deportivo La Coruna. Allir dystirnir verða leygarkvøldið kl.19.00. Alvaro Arbeloa spældi helst sín seinasta dyst á Santiago Bernabeu sunnudagin. Sáttmálin hjá 33 ára gamla høgra bakkinum gongur út í summar, og einki bendir á, at sáttmálin verður longdur. Hatem Ben Arfa er í samráðingum við FC Barcelona. Tað váttar forsetin í franska felagnum Nice, har Ben Arfa hetta kappingarárið er triðbesti málskjútti í fronsku Ligue 1. Sáttmálin hjá 29 ára gamla franska landsliðsleikaranum gongur út í summar, og kann hann tískil skifta ókeypis. Luca Toni fekk eitt frálíkt farvæl við fulltíðarfótbólt, tá ið hann saman við aftasta liðnum í Seriu A, Verona, megnaði at vinna ímóti meistarunum úr Juventus, sum ikki hevði tapt ein dyst síðani oktobur í fjør. 38 ára gamli Luca Toni skeyt málið til 1-0. AC Horsens er aftur í Superliguni. Tað gjørdist greitt, tá ið Bubacar Sanneh skeyt 3-2-sigursmálið í 91. minutti ímóti Skive. AC Horsens er nú tryggjað í minsta lagi 2. plássið, og tað merkir, at teir saman við Lyngby longu eru tryggjaðir uppflyting. BORÐTENNIS Henrietta Nielsen, sum er úr Fuglafirði men búsitandi í Týsklandi, vann síðsta vikuskifti bronsu í U21- bólkinum í kappingini um danska meistaraheitið. 14 leikarar vóru við. Í tví­mans­ leiki eydnaðist tað henni at gera danskur meistari saman við Sofie Egeholt Bang. FIMLEIKUR Team Hulda hjá Havnar Fimleikafelag hevur um vikuskiftið luttikið í World Cup í estetiskum fimleiki í Barcelona. Tær fingu 15,20 stig og gjørdust nummar 15 av 23 liðum. Tvey russisk lið, Expressia og Madonna, býttu fyrsta plássið ímillum sín við 18,95 stigum í part. Meðan tær í Team Huldu og onnur lið nú fara at fyrireika seg til FM komandi vikuskifti, so fyrireikar Team Hulda seg samstundis eisini til HM-kappingina, sum verður í Brno í Kekkia um ein mánaða. FLOGBÓLTUR Føroyska kvinnulandsliðið hevði tað danska á knøunum, tá ið hesi bæði londini hittust í venjingardysti leygardagin. Í fimta og avgerandi setti var Føroyar á odda 8-5, men tapti tó 15- 12. Settúrslitini vóru 25-23, 21-25, 25-22, 24-26 og so 15-12. – Sæð í ljósinum av, at hetta var fyrsti dystur, sum liðið spælir saman, so er úrslitið í dag eitt super úrslit – tað besta nakrantíð hjá einum føroyskum flogbóltslandsliði. Vit hava super servutrýst, fantastiskan blokk og fantastiskt verjuspæl. Vit megna ikki at standa ímóti servunum hjá DK, tær hava 18 servuess. Hetta vistu vit frammanundan, tí Svøríki hevði somu trupulleikar í gjár, tá Danmark spældi í Svøríki, segði føroyski landsliðsvenjarin, Jóan Petur á Stongunum, eftir dystin. Venjingardystirnir ímóti Danmark hava verið sum liður í fyrireikingunum til ið EM/HM-undankappingina í Føroyum dagarnar 23. til 25. mei, har móstøðulondini eru Írland, Liktinstein og Kýpros. HONDBÓLTUR Tað mátti brotskastkapping til at avgera Champions League-finaluna hjá kvinnum í gjár. Tað vóru CSM Bukarest úr Rumenia og Györi úr Ungarn, sum hittust, og eftir 22-22 eftir vanliga leiktíð og 25-25 eftir longda leiktíð, var neyðugt við brotskøstum. Her var CSM Bukarest, sum á fyrsta sinni var við í Champions League, best. Tær skoraðu øll køstini, meðan Györi brendi tvey. SÚKKLING Tríggir teinar eru higar­til súkklaðir í stóru súkklu­ kappingini, Giro d'Italia. Heldur óvæntað er tað í løtuni týski sprintarin, Marcel Kittel, sum er í ljósa­ reyðu føraratroyggjuni. Í gjár mátti ein av favorittunum, Jean-Christophe Péraud, taka seg úr kappingini eftir ein heldur harðligan túr í asfaltið.