týsdagur 10. mai 2016síða 14

Mikudagur 11. mai 2016 · Nr. 54 14 Sosialurin Hugskot og viðmerkingar – send sms til 225000 Hallur av Rana Tvær skrivibøkur hjá Dr. Jakob Jakobsen við sagnum og ævin­týrum sum hann savn­aði saman tá ið hann ferð­aðist kring landið, ein tekning yvir hvussu ein stova sá út í einum før­oysk­ um presta­garði í 19. øld, nóta­ bókin hjá Svabo, ein prædika frá 1794, brot úr Nýggja Testamenti skrivað í 1817 og eitt kort yvir Føroyar frá 19. øld er millum fleiri av dýr­ grip­unum, ið allir føroyingar nú kunnu lesa ókeypis og ómaka­leyst heima við hús. Landsbókasavnið er nevn­iliga fari undir eini til­ gongd at talgilda skjøl úr hand­rita­savninum og leggja eitt úrval av teimum út á heima­síðuni handrit.fo, so­ leiðis at allir føroyingar fáa møgu­leikan at leita og lesa í stóru rúgvuni av gomlum skjøl­um og handritum. Ogn Føroya fólks Ogn Føroya fólks er eitt heit­ ið, ið vanliga verður brúkt, tá kjakið snýr seg um tilfeingi, ið svimur í føroyskum sjó­øki, og hvussu virði av tí til­feing­ inum skal býtast millum tey umleið 50.000 fólkini, ið hava búsett seg í landinum. Heitið er tó ikki ókent í Landsbókasavninum, men verð­ur har brúkt um eitt heilt annað evni, nevniliga tær mongu bøkur, skjøl, hand­rit og annað, ið eru á goymslu hjá stovninum, og verð­ur varðveitt til komandi ættar­lið at gleðast yvir. Tað er tó avmarkað hvussu nógvir føroyingar fáa gleði av tí tilfarinum, ið allir før­oy­ingar eiga, mill­ um annað tí, at tilfarið bert finn­ist í einum eintaki sum verður varðveitt á ser­lig­ari goymslu á Lands­bóka­savn­ inum. Tilfarið er gamalt og skroypuligt, og tí má at­gong­ ið til tilfarið avmark­ast. Tað royna starvsfólk á Landsbókasavninum nú at broyta. Seinastu tíðina hava Heiðrún Hödd Guðmunds­ dóttir og Sofía Olsen arbeitt við dagføra og leggja tilfar út á heimasíðuna handrit.fo, so øll fáa atgongd til tað. – Hetta er ognin hjá øllum Føroya fólki. Vit varðveita tað bara her. So tað er deiligt at kunna geva fólkinum at­ gongd til hetta tilfarið, sigur Sofía Olsen. Eftirlýsa handrit frá fólkum Eitt er at veita føroyingum inn­lit í savnstilfari, men tað er nakað heilt annað at fylla tað við tilfari. Til tað hava kvinn­ur­nar handan verk­ ætlan­ini brúk fyri hjálp, og eftir­lýsa tilfar frá fólki, ið møgu­liga hava okkurt liggj­ andi. – Vit vilja gjarna hava gomul brævasamskiftir, dag­ bøkur og annað, áðrenn fólk tveita tað burtur. Tíverri endar slíkt mangan í skrell­ inum, tí fólk halda ikki, at tað er serliga áhugavert. Men eingin okkara veit, hvat er áhuga­vert í framtíðini. Flestu halda, at teirra ger­ andis­dagur ikki er serliga hendinga­ríkur, men um 100 ár kann tað vera áhugavert at lesa um hvussu lívið var okk­ara tíð, siga Heiðrún Hödd Guðmundsdóttir og Sofía Olsen. Sjálv heimasíðan handrit. fo hevur verið virkin í eina tíð, men er fyrst nú heilt lið­ ug. Tað eru Heiðrún Hödd Guðmunds­dóttir og Sofía Olsen ið, saman við Erling Kjærbo, sum eisini arbeiðir á Lands­bóka­savn­inum, hava for­rita heima­síðuna og tal­ gilt til­farið, ið liggur úti á henni. Ynskja at uppliva gerandisdagin Tá prátið snýr seg um hand­rit, ið hava eitt slíkt mentanar­ligt virði, at tey eru verd at varðveita fyri eftir­ tíð­ina, so munnu tankarnar hjá teimum flestu leita sær til fyrsta handritið til Bábels­tornið hjá Regin í Líð (dul­nevni fyri R. Rasmussen) ella sagnauppskriftirnar hjá Dr. Jakob Jakobsen. Men sjálvt um savnið rúm­ar hesi handrit, so leggja tær báðar dent á, at tað eisini er tað, ið kann virka keðiligt og einfalt, ið hevur veruligt virði at goyma til eftirtíðina. – Vit vilja gjarna samla per­sónligt tilfar frá føroy­ TALGILDA FØROYSKAR DÝRGRIPIR – Eingin okkara veit, hvat er áhugavert í framtíðini. Flestu halda, at teirra gerandisdagur ikki er serliga hendingaríkur, men um 100 ár kann tað vera áhugavert at lesa um hvussu ting vóru í 2016. Tað siga Heiðrún Hödd Guðmundsdóttir og Sofía Olsen, ið eftirlýsa handritum, ið kunnu varpa ljós á føroyska søgu LANDSBÓKASAVNIÐ Nú ber eisini til hjá fólki at sita í Svínoy ella Lítla Dímun og leita í skjølunum. Tey nýtast ikki at koma til Havnar