mánadagur 11. apríl 2016síða 20

Mánadagur 11. apríl 2016 · Nr. 41 20 Sosialurin Hugskot og viðmerkingar – send sms til 225000 Neli Heldarskarð Í fjórða umfari tapti ÍF lemj­ andi ósigur áljóðandi 1-6 á úti­vølli ímóti NSÍ. Lagt var upp til, at fuglfirðingarnir skuldu reisa seg í heima­ dyst­inum ímóti KÍ í gjár, men ístaðin gekk tað enn eina­ferð av skriðuni hjá ÍF. Hesa­ferð tapti liðið 4-0, og til ber at síggja samanhang í hes­um stórtapum hjá fugl­ firð­ing­um. Í báðum førum hevur ÍF verið væl við leik­ liga í stórum pørtum av dyst­unum, men í seinasta korter­inum eru slúsurnar í verju­part­inum blivnar víð­ opnar. Tilsamans hevur ÍF latið fimm av teimum 10 mál­ unum, sum eru latin inn í teimum seinastu tveimum dyst­unum, innanfyri síðsta kor­terið ímóti ávíkavist NSÍ og KÍ. At 16 mál eru latin inn í fyrstu fimm dystunum merkir eisini, at ÍF hevur latið meira enn trý mál inn í miðal fyri hvønn dyst. Í fjør høvdu fuglfirðingar eisini trupul­leikar í verjupartinum, har ÍF lat 56 mál inn í teimum 27 lands­kappingar­dystunum. Einastu liðini, sum lótu fleiri mál inn enn ÍF í 2015 vóru niður­flytararnir báðir, FC Suðuroy og EB/Streymur. Og soleiðis sum ÍF verjur í løtuni, so er onki, ið talar fyri, at ÍF fer at lata færri enn 56 mál inn í kappingarárinum 2016. Verjuspælið er syndarligt Jógvan Martin Olsen leggur eiheldur fingrarnar ímillum, tá ið hann skal lýsa, hvussu tað gongur hjá ÍF at verja. – Verjuparturin er ein stórur trupulleiki. Verju­ spæl­ið hjá okkum er syndar­ ligt, og hetta er nakað, ið elvir til mentala stúran fyri bæði meg sum venjara og sjálvan hópin. Har er nokk at arbeiða við í verjupartinum, segði Jógvan Martin Olsen eftir dystarlok í gjár. Tað skal tó nevnast, at fortreytirnar hjá Jógvani Martini at smíða eina góða verju ikki hevur verið av teim­um bestu. Í mun til defen­siva manningarlistan, sum var á vølli í dystinum ímóti NSÍ, manglaðu bæði Jan Ellingsgaard, sum í nógv ár hevur verið av hollastu stuðus­leik­arum hja ÍF, og danski mál­verjin, Oliver Korch. Báðir dragast við skaða í løtuni. – Vit hava trupulleikar við at forma eina miðverju, og hava vit roynt ymsar saman­ setingar í fyrstu fimm um­ før­unum. Undan kappingar­ byrjan var ætlanin at brúka Poul Nolsøe Mikkelsen á pláss­inum, men higartil hevur hann verið skaddur alla kappingina. Gunnar Christiansen mátti niður til Dan­markar í sjúkraørindum, og nú er Jan Ellingsgaard so eis­ini blivin skaddur. Vit hava ikki havt hepnið at finna røttu samansetingina í verj­uni, men tað skal ikki vera nøkur undanførsla fyri, at vit lata so nógv mál inn, greiðir Jógvan Martin víðari frá. 2 HALLGRÍM G. HANSEN Átti sum so ikki nakra skuld í nøkrum máli, men undir øllum umstøðum er tað nógv at lata fýra mál inn.  2 LEIVUR JOENSEN Hevði onkur góð innlegg í fyrra hálvleiki, men í seinna hálvleiki høvdu tvey av málunum hjá sín uppruna í hansara síðu. Harafturat burdi hann ikki givið hornasparkið burtur, ið førdi til fyrsta málið hjá KÍ.  2 BOGI REINERT PETERSEN Saman við øðrum viðleikarum bleiv hann yvirspældur í samband við málini 3-0 og 4-0. Upprunaligur miðvallari, ið helst spælir í miðverjuni, tí at trot er á fólki til hetta plássið.  2 JOHN DANIEL GUÐJÓNSSON Glottar vóru í avrikinum, men stóð ikki væl plaseraður í samband við málið til 2-0 hjá KÍ. 2 ALEX JOSÉ DOS SANTOS Var við aftur eftir fráveru í dystinum frammanundan orsakað av sjúku. Defensivar trupulleikar til tíðir, og vit vita, at hann hevur meira at bjóða upp á frameftir, enn hann vísti í gjár.  3 KARL LØKIN Hevði nøkur skot á mál, ið við eitt sindur av hepni høvdu kunnað farið inn um málstrikuna. Ein av teimum betru hjá ÍF.  2 KRISTOFFUR JACOBSEN Klaksvíkingurin á ÍF-liðnum datt ímillum í stríðnum á miðvøllinum.  2 DÁNJAL PAULI Á LAKJUNI Stríddist væl, men júst sum hjá álopssinnaðu viðleikarum sínum kom ov lítið burturúr á síðsta triðinginum.  2 ANDY OLSEN Nær við at skora í fyrra hálvleiki, men eftir hetta sást lítið til hann, og varð hann útskiftur.  2 CLAYTON SOARES Tað er ongin loyna, at hann er bestur sum áleypari, men ÍF spælir bara við einum áleypara, og tað er Lawal. Fínur í fyrra hálvleiki, men væl lakari avrik í seinna hálvleiki.  3 ADESHINA LAWAL Var størsta hóttanin hjá ÍF í fyrra hálvleiki, men fánaði í størri mun burtur í seinna hálvleiki.  ARI ELLINGSGAARD Ov stutt inni at fáa eina meting. HANUS ELIASEN Ov stutt inni at fáa eina meting.  SPÆLARAMETING MÁLINI FOSSA INN HJÁ ÍF Eftir dystin ímóti KÍ í fimta umfari í Effodeildini er ÍF tað liðið, sum higartil hevur latið flest mál inn av øllum liðum í deildini. Jógvan Martin Olsen, venjari hjá ÍF, er sera bersøgin um verjupartin á liðnum, meðan venjarin hjá KÍ, Mikkjal Thomassen, sjálvandi hevur alla orsøk at frøðast eftir stórsigurin á Fløtugerði í gjár 1 til 6 FÓTBÓLTUR DYSTURIN HESA VIKUNA Tvey ár síðani seinast Undan dystinum í gjár hevði KÍ ikki vunnið á útivølli ímóti ÍF síðani 16. mars 2014, tá ið KÍ vann 3-1 á Fløtugerði. Síðani hendan dystin hava liðini spælt tríggjar dystir ímillum sín uttan KÍ sum vinnara, áðrenn norðoyingarnir smurdu fuglfirðingarnar av í gjár.