mánadagur 11. apríl 2016síða 23

23 Mánadagur 6. januar 2014 · Nr. 2 Sosialurin Mánadagur 11. apríl 2016 · Nr. 41 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Neli Heldarskarð Pætur E. Jensen Vit, sum arbeiða á in.fo, Sosialinum, og á Rás2 kundu fegnast um tilrættaleggingina av 5. um­ far­inum av effodeildini farna vikuskiftið. Vit fingu høvið at senda út okkara dugnaliga kamera­ mann, Jóhan Thomsen í Klaksvík til tveir dystir í effodeildini, tí lagt var soleiðis til rættis, at Skála og HB spældu á Skála leygardagin. Sunnudagin fingu vit høvið at siga frá tveimum dystum í effo­deildini á Rás2, hóast Hilmar Jan Hansen var við U20 manslandsliðnum í hondbólti niðri í Sveis fyri at siga frá teimum trimum EM-undan­ kappingar­dystum, sum føroyska liðið spældi ímóti Montenegro, Makedonia og Sveis. Rás2 kundi siga frá tveimum dystum í effodeildini við sama frásøgumanni sunnudagin , tí B36 og TB spældu á ovara vølli í Gundadali klokkan 15, og AB og Víkingur spældu klokkan 17.15 úti í Vika á Argjum. Høvdu allir fimm dystirnir verða leiktir klokkan 15 sunnudagin, so hevði Jóhan Thomsen bara kunnað havt frálíkar upptøkur frá einum, og ikki tveimum dystum í effodeildini. Og Tróndur Arge hevði bert havt møguleikan at sagt frá einum dysti í effodeildini, og ikki tveimum, sum høvið var til ígjár. Tað, at ikki allir dystirnir liggja sum í teimum sokallaðu »góðu«, gomlu døgunum, nevnliga sunnudag klokkan 15 gevur effo­deildini væl størri eksponering. Eksponerings­klaverið fer ikki at spæla so væl sunnudagin 17. apríl. Tá verða allir dystirnir leiktir sama dag, og somu klokkutíð. Júst, sum í teimum »góðu«, gomlu døgunum. Nú fáa vit fimm umfør á rað í effo­deildini, har allir dystirnir verða leiktir sama dag, og eftir tí, sum skilst nøkulunda somu klokku­tíðir. Viðgangast skal, at hetta skapar eitt ávist spenningstempo, tá fimm dystir eru í senn, men hvussu góð eru slík, symetrisk umfør, um effodeildardystirnir skulu eksponerast, sum myndatema, radiofrásagnir, kykmyndaupptøkur, »livescore« á in.fo, og sum greinar? Tey eru ikki góð yvirhøvur. Hesi symetrisku umførini, har allir fimm dystirnir verða trunkaðir saman, og spældir í senn gevur minimala eksponering í teimum ymisku miðl­ unum. Seinast fimm eystur­oyar­lið vóru í bestu fót­bólts­deildini var við stórari eydnu roynt at spæla fríggjakvølds- og mánakvøldsdystir inni í Eysturoynni. Einstakir dystir, sum ikki skuldu kappast við aðrar effodeildardystir um eksponering. Dystir við nógvum áskoðarum, og ofta við góðum spæli og intensiteti. Tá tað var so væleydnað at hava fríggja­kvølds- og mána­ kvøldsdystir í effodeildini, tá fimm eysturoyarlið vóru í effodeildini seinast, hví ikki endur­taka succés´ina? Annars eitt stórt herða­klapp til U20 mans­lands­liðið í hondbólti, sum stóð seg væl stórar partar dystunum ímóti Montenegro og Makedonia, men samstundis eitt sindur beiskt, tá ein veit, at við neyvleika kundi talan verið um fýra stig, og luttøku í einum EM-endaspæli, og ikki, sum tað bleiv eittans stig, og eitt triðja pláss. Annars heppin planlegging frá evropeiska hond­ bólts­sambandinum, sum hevði lagt EM-undan­ kappingar­dystirnar hjá U20 mans­lands­lið­num í hond­bólti soleiðis, at Hilmar Jan Hansen kundi siga frá hesum trimum dystum á Rás2 uttan at krossa dystarfrásagnirnar hjá Tróndi Arge í effo­ deildini sunnudagin. Takk fyri EHF! Nú koma fimm umfør, sum í »góðu« gomlu døgunum KLUMMAN Heri sigur sína hugsan... ■ Argjamenn stríddust sum víkingar og víkingarnir vóru argir ( AB - Víkingur ) Besta sms'ið í Triða Hálvleiki hjá Rás2: Tróndur Arge Sofía Purkhús er vald til árs­ins flogbóltsspælara í bestu donsku deildini. Før­ oyski landsliðsspælarin, sum hevur sín uppvøkstur í Mjølni, spælir í dag við Amager VK. Í løtuni spæla tær um triðja plássið í DM. Sjálv er Sofía Purkhús ov­far­ in av, at hon er vald til ársins spæl­ara. – Tá eg skuldi upp til hand­an­ina av ársins kanti, skuldi eg verða standandi uppi saman við restini av spæl­ar­unum. Tá tey so søgdu, at eg eisini var blivin árs­ins spælari, tordi eg ikki at trúgva, at eg hevði hoyrt rætt, greiðir Sofía Purkhús frá. Sjálvt um Sofía Purkhús er tann spælarin, sum hevur vunnið sínum liði flest stig í landskappingini, so rodnaði hon, tá hon skuldi taka móti heiðrinum. – Eg stóð bara og bíðaði – og rodnaði – til hinar byrjaðu at prika meg og biða meg fara upp. Eg veit heldur ikki ordiliga hví, eg fekk heiðurin fram um so øgiliga nógvar aðr­ar góðar spælarar, sigur Sofía Purkhús. Skilji tað ikki Sofía Purkhús skilur ikki, at hon er vald til ársins spælara. – Eg havi fingið rættiliga nógvar hevingar í ár, faktiskt mest av øllum áleyparum í landinum, og tí havi eg sjálv­ andi eisini havt upp­lagdan møgu­leika at vinna flest stig. Men eg hevði so slett ikki væntað, at blíva kosin til nakað í ár, og so slett ikki ársins spælara, sigur før­ oyski landsliðsspælarin. – Kanska fólk halda tað vera stuttligt at síggja eitt nýtt andlit á ársins liði í stað­in fyri, at tað altíð eru tey somu sum vinna. Nú eri eg sjálv­andi ordiliga glað og stolt, men skilji tað ikki ordi­liga. Og eg eri eisini heilt rørd yvir, hvussu nógv øll í Føroyum hava gjørt burtur­ úr tí, sigur Sofía Purkhús. Vilja hava bronsu Sofía Purkhús, sum spælir við Amager VK, fekk heili 41 prosent av atkvøðunum, með­an nummar tvey fekk minni enn helmingin av tí. Um­framt Sofíu Purkhús, so spælir systir hennara, Elisabeth Purkhús, Eina Kalsø og Jastrið Jacobsen við Amager VK. – Vit høvdu sett okkum fyri at liggja millum fýra tey bestu í deildini í ár, og tí mál­ inum rukku vit, sjálvt um vit kanska í veruleikanum hildu tað vera eitt sindur opti­mist­ iskt. Nú vóna vit sjálvandi eis­ini at vinna tann seinna bronsu­dystin, so vit liggja mill­um trý tey bestu ístaðin, greiðir Sofía Purkhús frá. – Vit hava mist nakrar spæl­arar gjøgnum árið, men tað hevur kanska í veru­leik­ anum bara givið okkum rest­ ini betri møguleika at menn­ ast og taka størri ábyrgd á liðnum. Vit hava eisini havt eitt sera gott samanhald og hava kempað hart sum eitt lið hvønn dyst í ár, sigur før­ oyski landsliðsspælarin. Nervar og trýst Føroyska flogbóltslandsliðið skal í síðst í maj spæla HM/ EM undankapping fyri smá­ tjóðir í Føroyum. – Næsta stig er nú at koma heim at spæla við lands­liðnum, og tað gleði eg meg ordiliga nógv til. Sjálvt um eg heilt erligt eisini havi rætt­iliga nógvar nervar, tá eg føli, at tað nú liggur eitt trýst á mær at liva upp til heitið, sum árins spælari í Danmark, sigur Sofía Purkhús. trondur@sosialurin.fo Sofía Purkhús trúði ikki tí hon hoyrdi, tá hon fekk at vita, at hon var vald til ársins spælara í Danmark SOFÍA RODNAÐI Sofía Purkhús er vald til ársins spæl­ara í Danmark