mánadagur 11. apríl 2016síða 44

VINNUBLAÐIÐ HJÁ MIÐLAHÚSINUM 20 Apríl 2016 3 Árni Gregersen Vælriknar og burðadyggar føroyskar fyritøkur eru seinastu árini seldar av landinum til útlendingar at eiga. Seinasta sølan er trolvirkið Vónin, sum herfyri var selt til íslendska kappingarneytan. Vónin var ein føroysk fyritøka, sum var knýtt at føroysku fiski­vinn­uni, men sum eisini hevur ment seg í øðrum londum, har fiskivinna er ein partur av vinnubygnaðinum í land­inum. Ein av teimum, sum gjøgn­um árini hevur funnist at, at før­ oyskar góðar fyritøkur verða seldar av landinum, er Poul Hansen, advokatur og vinnu­ lívs­maður. – Eg haldi hetta er ein skeiv leið at ganga. Sjálvur haldi eg, at peningur, sum er forvunnin í Føroyum, eisini skal arbeiða í Føroyum. Ger hann ikki tað, so verður torført at fáa eitt áhuga­ vert samfelag her á landi, sigur hann. Nýggi heimurin, har globali­ser­ingin av álvara eisini rakar Føroyar, ger, at tað er torført at seta løg­frøð­iligar ella politiskar forðingar fyri, at slíkar sølur henda. – Vit noyðast sum føroyingar at broyta hugburð. Skulu vit búgva her og liva her, so mugu vit eisini hugsa okkum um. Tað gevur onga meining at selja útlendingum tær fyritøkur her í landinum, sum klára seg og spaða til landshúsarhaldið, sigur Poul Hansen. Gjøgnum árini hevur Poul Hansen verið rættuliga hvassorðaður móti teimum, sum hava selt føroyskar fyritøkur av landinum og hann hevur ikki verið bangin fyri at seta nøvn á. Seinast hevur hann í lesarabrævi funnist at Líggjas í Bø, íløgumanni, fyri at hava avreitt fleiri vælvirkandi føroyskar fyritøkur av landinum. Um Líggjas í Bø skrivar Poul Hansen: Var oddviti í Skipafelagnum í eitt manna­minni, nevndarlimur í Bakka­ frost í nógv ár m.a., tá tað var skrásett á Oslo Børs, umframt í nógvum øðrum nevndum. Í hesum tíðarskeiði var Skipa­ felagið avreitt til íslendingar, parta­ brøv í Bakkafrost seld til norðmenn, áðrenn felagið var børsskrásett og virkir við aliloyvum til útlendingar. Hetta varð gjørt saman við nøkr­ um sonevndum sjálvútnevndum »anda­ligu frelstum«.  Smb. Matt. 6,24 »kann eingin tæna tveimum harrum, tí annaðhvørt tænir hann Guði ella mammon«. Her heima sýnist tað at ganga best, um ein í fyrsta lagi tænir Mammon (um dagin) og síðani Guði (um kvøld­ið), so her mugu vit enn eina­ferð staðfesta, at »denne lov gælder ikke for Færøerne«. Eri samdur við Líggjasi í, at virðir verða/vórðu søplaði burtur, men serstakliga tá fyritøkur vórðu seld­ ar útlendingum fyri løtuvinning, við tí úrs­liti, at vinningurin skaptur í Føroy­ um og av føroyingum á hvørj­um ári, streymar út av landinum partvíst utt­ an vinningsbýtisskatt. Nevndu sølur vóru veruliga at søpla landsins virðir burtur og var einki minni enn at svíkja land og fólk, og tá Líggjas var ein partur av tí, átti hann ikki at ført seg so »alfaðirliga« fram fyri Føroyar, bert við at spilla danir og Havnina út. Síðani Poul Hansen skrivaði hetta lesarabrævið í februar, er enn eitt virki við góðum rakstri selt av land­ inum. Vónin hevur júst kunngjørt rakstr­ ar­úrslitið fyri 2015, sum meira kann les­ast um aðrastaðni í hesum blað­ num. Ikki fyri neyðini at selja Fleiri av vælriknu fyritøkunum eru seldar av landinum og í fleiri førum er talan um stóru íleggjarnar, sum hava valt at selt fyritøkurnar. Smærru eigararnir, sum kanska meira hava havt brúk fyri pengum, eru ikki tey, sum hava trýst á fyri at selja. Hinvegin sær tað út sum um tað eru íløgufeløgini, sum vilja heysta av­kastið av góða rakstrinum – uttan mun til um neyðugt hevur verið at selja til útlendingar fyri at fáa pen­ ingin inn. – Tað er avgerandi at vit fáa ein nýggjan hugburð inn. Ein hugburð um, at peningur vunnin í Føroyum av okkum føroyingum, eisini verður sett­ur at arbeiða í Føroyum. Gera vit ikki tað, so fáa vit ikki menning í hesum landinum, heldur Poul Hansen. Poul Hansen er umframt at vera advokatur eisini royndur vinnu­lívs­maður. Spurdur um, hvat kann gerast fyri at fáa meira virksemi í Føroyum vísir hann á, at tá ið MVG var innført, tá mistu vit hópin av smáum kjallara­fyri­tøkum kring landið. – Hendan undirskógin av smáum fyri­tøku hevði ómetaliga stóran týdn­ ing fyri trivnaðin og menningina, ser­ liga á bygdunum, men hetta hvarv, tá ið vit fingu MVG, sigur hann. MVG lógin sigur, at hevur tú virk­ semi, har umsetningurin er minni enn 30.000 krónur um árið, so sleppur tú undan MVG. EIN HUGBURÐSBROYTING MÁ TIL, SO VÆLRIKNAR FØROYSKAR FYRITØKUR IKKI VERÐA SELDAR AV LANDINUM, SIGUR POUL HANSEN, ADVOKATUR OG VINNULÍVSMAÐUR Poul Hansen Pengar vunnir í Føroyum eiga eisini at arbeiða her Tað er avgerandi at vit fáa ein nýggjan hugburð inn. Ein hugburð um, at peningur vunnin í Føroyum av okkum føroyingum, eisini verður settur at arbeiða í Føroyum – At Poul Michelsen, landsstýrismaður við vinnumálum, hevur gjørt nakrar broytingar, taki eg hattin av fyri. Tað vísir meira dirvið enn tað, sum undanmaður hansara vísti, sigur Poul Hansen