týsdagur 12. apríl 2016síða 25

25 Mikudagur 13. apríl 2016 · Nr. 42 Sosialurin Havnin Býarbókasavnið opið 12 tímar dagliga V ónbjørt Vang, virkandi býar­ bókavørður, sigur, at man hevur l2agt stóra orku í at hava longri upplatingartíðir, so at enn fleiri fólk fáa høvi at taka av mongu tilboðunum á Býar­bóka­ savninum. – Vit hava opið frá klokkan 9 til 21 gerandisdagar, og somuleiðis hava vit nú eisini longri opið um vikuskiftið. Tað vísir seg eisini, at vit hava eitt hækkandi tal av vitjandi. Í fjør høvdu vit eina hækking uppá 16 prosent í mun til árið frammanundan, og talið av vitjandi liggur um 140.000 fólk árliga, sigur Vónbjørt Vang. Umframt at Býarbókasavnið hev­ur víðkað um upplat­ingar­tíð­ irnar, so hevur kafein í veghæddini eisini valt at hava líka leingi opið, sum býarbókasavnið hevur opið, so man hevur altíð møguleika fyri at keypa sær ein kaffimunn, tá ið man er á býarbókasavninum. – Vit fáa eisini vitjan av fólk nógva ymsastaðnis frá. Her koma sjálvsagt mest havnarfólk, men her koma eisini nógv bygdafólk, og so hava vit rættiliga nógv ferðafólk á vitjan um summarið, serliga tá ið ferðamannaskipini liggja inni. Tey koma fyrst og fremst inn fyri at brúka okkara ókeypis internet, sigur Vónbjørt Vang. Ein orsøk til, at Býarbókasavnið hevur eina so jaliga gongd, sum man hevur í løtuni, er ivaleysts hon, at tilboðini hjá bókasavninum eru vorðin so nógv fleiri og fjøl­ broyttari. – Vit bjóða bæði lektiukafe, bóka­ring, kunningarkvøld og nógv ymiskt annað, og vit royna alla- tíðina at menna okk­ara virk­semi, sigur Vónbjørt Vang, virkandi leið­ ari á Býarbóka-savninum í Havn. Á Býarbókasavninum í Havn hava tey veruliga spílað seg út seinastu árini, og ikki minst hava tey víðkað upplatingartíðirnar, so at man í dag hevur opið 12 tímar um dagin gerandisdagar VITJIÐ BÝARBÓKASAVNIÐ! Býarbókasavnið hevur alt og meira afturat Fylgið við á www.bbs.fo Vit hava opið hvønn dag, eisini sunnudag Upplatingartíðirnar eru hesar: Mánadag-hósdag 9-21 Fríggjadag 9-18 Leygardag 10-16 Sunnudag 14-17 Spurningar • sjálvavgreiðsla • upplýsing • dvd-filmar • WiFi • bindiuppskriftir • nýggjar bøkur • blaðkafé • ljóðbøkur • lektiuhjálp lesifriður • quizbøkur • e-bøkur • tíðarrit • kaffi • eReolen • lesiringar • skrivifriður • djúphugsan • bøkur • lærdómur • forvitni • dygd fjølbroytni • samfelag • mentanarlív • framsýningar • vitan • bókmentatiltøk • óheftni • møtistað… Niels Finsens gøtu 7 • 100 Tórshavn • Tel 302030 • bbs@bbs.fo