mánadagur 18. apríl 2016síða 34

VIKA 16 • 18. APRÍL 2016 10 ÓKEYPIS LÝSINGARBLAÐ TEMA Suðuroy Vilmund Jacobsen K ristin Michelsen, borgarstjóri í Tvøroyrar kommunu, fegnast um tær byggiverkætlanir, sum í løtuni fara fram í kommununi. – Vit fáa í næstum størsta ment­ anar­hús í landinum, sum verður liðugt í nærmastu framtíð. Tá nógv byggi­virksemi er, soleiðis sum støðan er í løtuni, kann tað vera trupult at fáa nóg mikið av handverkarum, og soleiðis hevur eisini verið á Drelnesi. Men, vit gleða okkum ómetaliga nógv til hesa verkætlan, sum vit síggja bæði stórar og ókendar møguleikar í. Borgarstjórin vísir á, at av íløguni í mentanarhúsið á Drelnesi eru 40 miljónir krónur komnar uttan eftir, og henda byggiverkætlan hevur havt nógvar ringvirkningar í Suðuroynni. Delta og Varðin – Vit fegnast um, at Delta Seafood á Tvøroyri byggir út, og um dagarnir er nýggi bygningurin reistur. Delta hevur eisini virksemi á TG Seafood í Hvalba, umframt at felagið er partur av stóra uppsjóvarvirkinum á Tvøroyri, har ein spennandi surimi-verkætlan í næstum sær dagsins ljós. Kristin Michelsen vísir á, at eftir at landingarmiðstøðin úti á Tvøroyri læt aftur, og hesin bygningur nú skal rúma surimi-verkætlanini hjá Varðanum Pelagic, kemur nýggi bygningurin hjá Delta Seafood eisini at hýsa einari nýggjari landingarmiðstøð, har eisini útróðrarmenn í Suðuroy kunnu koma við síni fiski. – Vit hava skilt, at bygningurin, sum Delta Seafood nú byggir, bæði kemur at rúma landingarmiðstøð og høl­um og útgerð til upptiðning av fryst­um fiski. Soleiðis, sum leiðslan á Delta Sea­ food hevur sagt, kemur nýggja upp- tiðningarskipanin eisini at effek-tivisera virksemi á virkinum á Tvøroyri. Vinnulív er krumptappur Borgarstjórin í Tvøroyrar kommunu ivast onga løtu í tí velduga týdningi, sum vinnulívið í kommununi hevur fyri alla Suðuroynna sum heild. – Tað er eingin loyna, at tað er trupult at halda upp á íbúgvaratalið í teimum økjum í Føroyum, sum ikki hava landafast til meginøkið, og hetta merkja vit so sanniliga eisini í Suðuroy. Ikki minst tí er tað virksemi, sum Varðin Pelagic og onnur hava skapt og hvønn dag skapa, so ógvuliga av­ gerandi fyri trivnaðin hjá arbeiðandi fólkinum og fyri inntøkugrundarlagið hjá kommunum. Tímalønt og fastlønt Kristin Michelsen ásannar, at tá tú hevur eitt uppsjóvarvirki í økinum, verður tað altíð soleiðis, at virksemið á virkinum verður heft at, nær upp­ sjóvarfiskurin verður veiddur. – Virksemið verður tí eisini árs­ tíðar­bundið, og soleiðis er tað bara í slíkum vinnum. Hinvegin er nógv at gera og tey, sum arbeiða á virkinum tjena góðar pengar, tá virksemið er í hæddini. Borgarstjórin vísir á, at á einum so framkomnum virki sum Varðanum Pelagic, eru eisini nógv vælútbúgvin fólk, eitt nú innan maskin- og el, og – Sjálvandi er tað spell, at fólkatalið í kommununum í Suðuroy sum heild er minkandi, men eins og aðrastaðni í Føroyum og í útjaðarum í øðrum londum við, síggja vit somu fyribrigdi, sigur Kristin Michelsen, borgarstjóri í Tvøroyrar kommunu Nógv byggi­virk­ semi í Tvøroyrar kommunu – Vit gleða okkum ómetaliga nógv til hesa verkætlan, sum vit síggja bæði stórar og ókendar møguleikar í, sigur borgarstjórin Mynd: Birgir W. Høgnesen