mikudagur 20. apríl 2016síða 10

FRÍGGJADAGUR 22. APRÍL 2016 SOSIALURIN 46 10 TEMA Skattamálið hjá Eik Hóast ein vika er farin síðani tá, eru so at siga ongar reaktiónir komnar úr Eik ella TF Holding. Vit hava vent okk­um óteljandi ferðir til Eik og TF Holding, men enn hevur eingin vilja svarað okk­ ara spurningum. Tað, sum Eik Banki hevur kunnað okkum um í hesum máli, er fyrst og fremst eitt tíðinda­skriv, har Torben Nielsen, nevndarformaður í Eik og Súni Schwartz Jacobsen, forstjóri í Eik og TF Holding, greiddu frá hví teir halda, at Eik hevur rætt til skatta­frá­dráttin á 90 milliónir krónur. Men framvegis er ikki greitt frá, hví Eik ikki sendi viðkomandi lyklaupp­lýs­ingar víðari til Taks, tá ið man vendi sær til skatta­myndug­ leikan í 2013, tí nevndar­limir og grannskoð­arar mettu tað neyðugt. Ávaringarnar frá nevndar­ limum og grannskoðarum vóru ikki fáar í tali. Danska KPMG, føroyska Spekt og Jørn Astrup Hansen ávaraðu um, at tey ikki mettu tað rætt, at Eik dróg tær 90 milliónir­nar frá í skatti. Týsdagin kom so ein rætt­ leiðing til miðlarnar, sum Súni Schwartz var avsendari av. Í har stóð, at miðlarnir góvu eina skeiva fatan av tí, sum KPMG, danska grann­ skoðara­felagið, hevði sagt á fundi í 2013. Men mikudagin var rætt­ leiðingin tikin burtur. Og framvegis eru ein ør­ grynna av ósvaraðum spurn­ ing­um. Vit vildu í dag fegin spurt Súna Schwartz Jacobsen, hví hann tók rættleiðingina aftur. Vit vildu eisini spurt, hví støðan hjá grannskoðar­ unum ikki var send við í skriv­ið til Taks. Hví skrivið, sum ásetti, at tað ikki er loyvt at draga tap frá gamla bank­ anum frá í nýggja bankanum, ikki var hjálagt í skrivi til Taks. Og hví málið varð tikið uppaftur fyrst í hesum ár­ inum, tá ið Taks í 2015 segði gott fyri at draga tapið frá. Hví vendi Eik sær so aftur til Taks? Í temasíðunum hesa­ferð kanst tú lesa um, hvussu hóttanir fuku um fundar­ borðið hjá Eik, tá ið funnist var at ætlanini at draga tapið frá í skatti. Samstundis sum skatta­ málið er til viðgerðar fyri aðru ferð í Taks, fer eisini ein innan­hýsis valdsdystur fram í TF Holding. Aðalfundur er hóskvøldið og frontarnir eru drignir hvassliga upp í hesum stríð­num, sum kanska fer at avgerða, hvussu TF Holding sær út komandi tíðina. TF Holding, okkara størsta fíggingar­samtak er eisini til við­gerðar í temasíðunum í dag. Gott Vikuskiftið! Í síðstu viku varpaði Vikuskiftis Sosialurin ljós á nógv umrødda skattamálið hjá Eik Barbara Holm Redaktørur á Vikuskiftis Sosialinum Spurningarnir hópa seg upp BARBARA HOLM »Eg kann ikki tiga longur. Eg eri bangin fyri, at hetta ikki fær av­ leið­ingar«. Soleiðis sigur ein av fleiri var­ skógvarum, sum Sosialurin hevur samstarvað við, fyri at finna fram til júst hvat hendi í tí sokallaða skatta­málinum hjá Eik. Í januar í ár gjørdist greitt fyri Føroya fólki, at okkurt var áfatt í Eik, tá ið Jørn Astrup Hansen trekti seg úr nevndini í Eik, tí hann ikki kundi góðtaka, at leiðslan í Eik hevði roynt at trekkja eina hálva milliard frá í skatti – svarandi til ein skatta­frádrátt á 90 milli- ónir. Síðani hevur Taks tikið málið til viðgerðar aftur, og nú bíða vit øll eftir, at Taks skal finna fram til, hvussu hetta málið vendir. Men Sosialurin hevur fingið inn­lit í skjøl, sum geva eina sera greiða ábending um, at Eik hevur roynt at lumpað Taks, og soleiðis til­tuskað sær 90 milliónir krónur í skatta­ frá­drátti. Alt málið og tey nevndu skjøl­ini, kunnu lesast í Vikuskiftis Sosial­inum frá í síðstu viku. Drógu tapið frá Tá gamli Eik banki kollsilgdi við­ førdi tað, at Fíggjarligum Støðu­ festi varð álagt sambært lóg at bjarga bankanum, so at før­oyska fólki ikki skuldi merkja stór­vegis sviða av bankakreppuni. Fíggjar­ ligt Støðufesti varð stovnað til enda­málið – eitt felag, sum bankar í danska ríkinum og danski stats­ kassin rindaðu til, so at Fíggjarligt Støðu­festi hevði pening til at bjarga bankunum, sum fóru á heys­in. Og tað gjørdi Fíggjarligt Støðu­ festi fyri kollsilgda Eik banka frá 1. – 14. oktober 2010. Eitt tap á áleið hálva milliard var tað, sum Fíggjar­ ligt Støðufesti sum garant­ur hefti fyri. Tá TF Holdning síðani keyp­ir nýstovnaða Eik Banka Før­oy­ar P/F frá Fíggjarligum Støðu­festi á vári 2011, verður eitt skjal handað teimum, sum Fíggjar­ligt Støðu­ festi saman við grann­skoð­arum í Danmark og Føroyum og í sam­ starvi við skattamyndug­leikar­nar í Dan­mark, hevur gjørt til kunningar til allar møguligar keyparar av nýggja bankanum. Har stendur Fleiri lyklaupplýsingar vórðu hildnir aftur, tá ið Eik banki í 2013 vendi sær til Taks, fyri at spyrja um, hvussu eitt tap á 90 milliónir kundir dragast frá í skatti – eitt tap, sum bankin longu hevði ført í sjálvuppgávuna fyri 2010/11 Eik vendi sær tá til Taks, tí nevndarlimir og grannskoðarar mettu ikki tað var lógligt. Taks segði gott fyri frádráttinum, men avgerðin varð tikin útfrá ófullfíggjaðum upplýsingum um málið. Í 2016 endaði málið aftur hjá Taks, tí grannskoðanin vildi ikki góðtaka ætlaða frádráttin, hóast Taks hevði blástemplað ætlanina. Skjølini tala greitt og týðiliga, og illa ber til at síggja aðrar samanhangir enn, at leiðslan í Eik helt upplýsingum aftur í samskifti við Taks, sum ivaleyst hava avgerandi týdning í málinum HETTA SNÝR SKATTA- MÁLIÐ SEG UM