mikudagur 20. apríl 2016síða 24

FRÍGGJADAGUR 22. APRÍL 2016 SOSIALURIN 46 24 Rógvi Odvørson hevur drigist við tunglyndi í fleiri ár. Fyri seks árum síðani, tá hann var á psykiatriskari deild í Reykjavík, settist hann við eitt klaver, ið bleiv byrjanin til fløguna, Where Is The Sun og ferðini fram móti ljósinum SIGURJÓN EINARSON U ndir listanavninum »Rökkvi« hevur fugl­ firð­ingurin, Rógvi Odvørson, latið sína fyrstu fløgu úr hondum, ið ber heit­ ið, Where Is The Sun. Rökkvi er eitt fornnorrønt orð, ið merkir tað serliga ljósið, bæði í lýsing og skýming, sum onk­urs­vegna er ímillum nátt og dag, myrkrið og ljósið. Fyri Rógva Odvørson merkir hendan glæman nógv, tá hann í sínum elek­trónisku-, synthpopp-, rokk-løgum ikki ballar nakað inn, og greiðir okkum frá einum áralangum stríði við svárum tunglyndi og sjálvmorðstonkum. Á einum sera djarvum og ærligum máta, ber hann fram sangir sínar á ein slíkan hátt, at har hómast ein vón, eitt ljós aftanfyri tað myrka, ið hevur og kanska kann níva til tíðir. Myrk løg, har vónin hómast Á útgávuni eru átta løg, harav tey fýra av teimum hevur Rógvi sam­ anskrivað við ymiskum øðrum sangskrivarum, hann hevur ella hevði havt samband við. Fløgan er ognað Alec Rea, sála, ið Rógvi hevur samanskrivað lagið »Life Goes On«. Heitið, tittulsangurin og nokk kendasta lagið á útgávuni er »Where Is The Sun«. Sangurin hev­ ur verið nakað at hoyrt í út­varp­ inum, ið sera væl lýsir huglagið á útgávuni, sum ber brá um søkjandi tekstir, har leitanin eftir vónini er í miðdeplinum. Fyrst í lagnum er tað dapurt, men síðst í lagnum eru glottar at hóma. Í sanginum »I´ll Be Me« slær sangskrivarin fast, at hann nú ikki ynskir at hava fortíðina sum eitt haft um beinið, men heldur hava fokus á framtíðina. Tað gamla er farið, og nú verður hugt frameftir. Har er ein vón, hóast alt. Hetta er gjøgnumgangandi fyri øll løgini, og tí kann tað kennast eitt sindur einstáttað fyri onkran, meðan tað fyri onnur er nakað, tey kenna til, tá løgini eru uppbygd á klassiskan hátt. Partar av fløguni rigga heilt væl. Serliga eru tað elektronisku, synth-popp løgini, ið standa sterk í ljóðmyndini, meðan tey meira rokkendu løgini standa held­ur veikari, tá røddin ikki heilt megn­ ar at standa mát við tey góðu elek­ tronisku løgini, men eins og lívið er ein ferð, kann tónleikalívið eisini kennast sum ein ferð, har Rógvi – við fyrstu útgávuni – hevur tikið síni fyrstu fet. Tónleikur sum heilivágur Vit kenna øll til tað, at tónleikur – bæði kendur og ókendur – kann vekja ymiskar kenslur í okkum. Øll hava vit havt ta uppliving, hvussu tónleikur hevur nortið okkara hjartastreingir, meðan tárini trilla niður eftir kjálkunum, og vit ikki heilt kunnu finna útav, um hetta er vegna gleði ella sorg. Ella hvussu vit fáa kensluna um alt tað stórfingna rundan um okkum ella bert tí stillu tøgnina innan í okkum fram. Tónleikur kann verða nýttur til ymisk høvir, og verður eisini nýttur til at kveikja ella linna. Megin í tónleikinum skal ikki undirmetast. Fleiri dømi eru um, at fólk við Alz­ heimer ella minnisveik fólk, ið ikki longur eru før fyri at tosa ella virka fráverandi, brádliga rakna við og endurvinna teirra kognitiva sans eina løtu, tá tey hoyra tónleik, sum tey kunnu seta í samband við minnir ella føra tey aftur til eina tíð, tá heimurin var ríkari fyri tey. Tónleikur hjálpir okkum at fara inn í okkum sjálvi, har vit kunnu varnast nýggj ting. Leikluturin hjá tónleiki kann tí eisini handla um, at hann ikki skal føra og flyta okkum út úr okkum sjálvum, men heldur soleiðis, at tónleikur skal føra okkum inn í okkum sjálvi. Sostatt hevur tónleikur ikki bert megina at fáa gamlar kenslur fram, men hann kann eisini vera viðvirkandi til vekja kenslur og hugløg, vit ikki hava følt ella kent til áður. Fyri Rógva ella Rökkva varð tað tónleikurin, sum verður nýtt­ ur sum terapi ella hjálp til sjálv­ hjálp. Men við at nýta tónleik til sjálv­hjálp, kann Rógvi eisini vera við til at hjálpa øðrum gjøgnum sín tónleik. Og tað er væl eisini hetta, lívið handlar um – at vit gleðiliga vilja ella ynskja at deila út til onnur, ið eisini kunnu fáa møguleika fyri finna troyst og áræði í tí, Rógvi hevur verið út fyri. TÓNLEIKUR TÁ TÓNLEIKUR GERST HEILIVÁGUR ★★★★★ MYND: DITTE MATHILDA JOENSEN Ummæli