mikudagur 20. apríl 2016síða 26

26 HALLUR AV RANA T að loypti hvøkk á nógvar havnarborgarar í gjár, tá tjúkkur, svartur roykur legði seg yvir miðbýin. Tað gekk heldur ikki leingi áðrenn ein rúgva av myndum av tjúkka roykinum vórðu lagdar út á Facebook, og mong mundi tey vera, ið stúrdi fyri, at eldur var í einum av bygningunum í miðbýnum. Hóast tað sá ógvusligt út, so stavaði eldurin ikki frá nøkrum bygningi, men frá einum viðfestivogni hjá fyritøkuni RIB62, ið flestu føroyingar munnu kenna frá teirra skjóttgangandi bátum. Koyrdi bilin tá eldurin kyknaði Sigmund Signarsson, stjóri í RIB62, koyrdi sjálvur bilin, tá eldurin kyknaði. Hann greiðir frá, at hann var á veg aftur til Havnar, tá eldurin kyknaði. – Eg var á veg aftur frá Gomlu rætt, har vit høvdu havt onkrar túrar við bátunum. Tá eg kom koyrandi oman móti Steinatúni varnaðist eg, at ein kona peikaði eftir vogninum. Tað hugsaði eg ikki so nógv um, tí vognurin er pyntaður nýliga, so seinastu dagarnar hevur tað verið vanligt, at fólk hava hugt og peika eftir bilinum, sigur Sigmund Signarsson. – Men hendan kvinnan steðgaði ikki at peika, og í staðin byrjaði hon at renna móti bilinum og rópa. Eg rullaði so vindeyga niður og varnaðist tá sjálvur, at eldur var í vogninum. Um hetta mundi var Sigmund Signarsson staddur í Steinatúni, har ferðslan vanliga er tung um fýra tíðina. Tí mátti hann hugsa skjótt. – Eg fór beinanvegin at hugsa, um hvar eg kundi fáa fatur á vatni at sløkkja eldin við. Eg visti, at ein vatnslanga er undir Bryggjubakka, so eg tendraði VIT SIGLA AFT 26 Hóast virðir fyri 160.000 krónur fóru upp í royk í gjár, tá ein viðfestivognur hjá fyritøkuni RIB62 kolaðist upp í miðbýnum, so steðgar tað ikki virkseminum hjá fyritøkuni. Eldsbruni í Vágsbotni SOSIALURIN 46 FRÍGGJADAGUR 22. APRÍL 2016