mikudagur 20. apríl 2016síða 27

FRÍGGJADAGUR 22. APRÍL 2016 SOSIALURIN 46 27 FRÍGGJADAGUR 22. APRÍL 2016 SOSIALURIN 46 UR Í MORGIN ávaringarljósini, trýsti á speedaran og helt floytuni niðri, meðan eg koyrdi oman eftir Tórsgøtu og út á undir Bryggjubakka, sigur Sigmund Signarsson og heldur fram. – Komin oman har, leyp eg út eftir slanguni, meðan nakrar vinmenn loystu bilin frá vogninum og fluttu hann, so ikki eldur eisini kom í sjálvan bilin. Sløkkiliðið fekk eina frá­boðan um, at eldur var í einum bili í mið­ býnum klokkan 16.17, og var fyrsti bil­urin í Vágsbotni stutt aftaná, sambært átaksleiðaranum hjá sløkkiliðnum. Tað kann Sigmund Signarsson taka undir við. Hann metir nevniliga, at sløkkiliðið var á staðnum einans nakrar fáar minuttir eftir, at hann sjálvur var har. – Tá eg kom oman í Vágsbotn var eldurin so stórur, at ein slanga hjálpti ikki serliga nógv. Tíbetur var sløkkiliðið á staðnum einans nakrar fáar minuttir eftir, at eg sjálvur kom á staðið, greiðir Sigmund Signarsson frá. Eldur í gassovn Løgreglan hevur í dag gjørt kanningar av vogninum hjá RIB62 fyri at staðfesta, hvat orsøkin var til eldsbrunan. Tey meta, at ein gassovnur í vogninum var orsøkin til eldsbrunan. – Tað er torført at meta um hvat orsøkin var, men okkara kanningar benda á, at tað var ein tendraður gassovnur, ið elvdi til eldsbrunan. – Ovnurin stóð á hjólum inni í vogninum, so okkara meting er, at tá bilurin fór frá Gomlu rætt, hevur vognurin liva so nógv, at gassovnurin er farin á rull. Har hevur hann antin trillað inn í okkurt, ið eldur so er komi í, ella hevur hann likið gass, upplýsir løgreglan. Stórur skaði Tað er ikki meira enn ein vika síðani, at vognurin hjá RIB 62 varð pyntaður av nýggjum, so at hann var klárur til at taka móti ferðafólkum í summar. Stjórin dylur heldur ikki fyri, at talan er um eina óhepna byrjan upp á summarið. – Hetta er skelkandi, men vit eru glað fyri, at eingin mannaskaði stóðst av eldinum, tí hetta hendi mitt í býnum. Men hetta er ikki tað, ið vit hava brúk fyri nú tá summarið stendur fyri durum. Tað er keðiligt, tí um summarið brúka vit vanliga orkuna til at sigla túrar, men nú mugu vit eisini hugsa um hetta. Sigmund Signarsson metir, at talan er um einar 160.000 krónur, ið fóru fyri skeyti í eldsbrunanum. – Eini 60-70 draktir og 60- 70 vestar eru kolaðir upp í eldinum, umframt vognurin, ið varð pyntaður fyri sjey døgum síðani. Spurningurin er, nær vit fáa alt hetta upp aftur at standa. Draktirnar og vestarnir høvdu eitt virði á umleið 100.000 krónur, meðan vognurin hevði eitt virði á 60.000 krónur. Ein hjálpandi hond frá kappingarneytum Tá Miðlahúsið tosaði við Sigmund Signarsson í gjár, visti hann ikki hvussu tað bleiv við teimum túrum, ið ætlanin var sigla næstu vikurnar, men í dag kundi hann upplýsa, at við hjálp frá góðum fólki, so verður eingin túrur avlýstur. – Vit sigla aftur í morgin. Vit hava fingið eina hjálpandi hond frá okkara kappingarneytum, ið lána okkum vestar og draktir, so vit fáa siglt túrarnar. Harumframt hava vit eisini fingið góða hjálp og stuðul frá vinum og kenningum, so virksemi steðgar ikki, sigur Sigmund Signarsson at enda. HALLUR@SOSIALURIN.FO