mánadagur 23. mai 2016síða 12

Mánadagur 23. mai 2016 · Nr. 58 12 Sosialurin Hugskot og viðmerkingar – send sms til 225000 STUTTSØGD TÍÐINDI FØROYINGUR NÆRKAST OL Tað kann vera, at Pál Joensen fær ein landsmann við sær til OL í Rio í summar. Rógvarin, Sverri Sandberg Nielsen, smurdi alla mótstøðuna av í Luzern um vikuskiftið. Eisini onnur føroysk ítróttarfólk hava gjørt um seg uttanlands hetta vikuskiftið – her eru tey stuttsøgdu ítróttartíðindi Pætur Albinus FÓTBÓLTUR Heini Vatnsdal og Finnur Justinussen vóru báðir við frá byrjan, tá ið Fremad Amager hetta vikuskiftið var á vitjan hjá Brabrand í uppflytingarspælinum í triðbestu deildini. Dysturin endaði við 1-1-javnleiki, men Fremad Amager liggur framvegis væl fyri í mun til uppflyting til næstbestu deildina. Teir eru nummar tvey, trý stig røttu megin uppflytingarstrikuna. Viljormur Davidsen og Vejle flyta ikki upp í Superliguna. Tað er greitt, nú Vejle í gjár tapti 4-3 ímóti Lyngby, sum longu hevur tryggjað sær uppflyting. Viljormur Davidsen spældi allan dystin á vinstra bakki. Føroyingarnir í Vendsyssel FF sleppa eiheldur upp í Superliguna, eftir at teir í gjár taptu 1-0 á heimavølli ímóti HB Køge. Hallur Hansson fekk óhepnan leiklut og varð vístur av vølli í 60. minutti, áðrenn teir úr Køge fingu sigursmálið smáar tíggju minuttir áðrenn leiklok. Brandur Hendriksson var ikki við vegna skaða. Julian Johnsson hevur fingið sekkin sum venjari í Svend­borg, sum spælir í trið­bestu donsku deildini. Orsøkin er, at liðið einans hevur vunnið ein av teimum seinastu sjey dystunum, og at tað nú er í stórum n i ð u r ­f l y t i n g a r ­v a n d a . Kvinnuliðið hjá ÍF Føroyum hevur fyri fyrstu ferð í søguni spælt seg víðari í donsku steypa­kappingini. Tær hittu Herlev IF úr Sjællandsseriuni, sum er ein deild hægri enn Køben­ havner­serian, har ÍF Føroyar spælir, men hóast hetta, so vunnu tær føroysku 3-2. Málini skutu Monika Sumberg, Rakul Johannesen og Ása Klakstein. Í kvøld kl.21.00 skal Gunnar Nielsen spæla ímóti sínum gamla íslendska felagi, tá ið hann og teir úr FH Hafnarfirði fara á vitjan hjá Stjarnan. Megna Gunnar og teir at vinna hendan dystin, so taka teir odda­ sessin frá júst Stjarnan. Tað mátti bæði longd leiktíð og brotssparkskapping til, áðrenn týski steypa­ vinnarin varð funnin leygarkvøldið. Dysturin ímillum Bayern München og Borussia Dortmund endaði málleysur, men í brotssparkskappingini var Bayern München og hevur harvið vunnið greipuna. Hetta var seinasti dysturin hjá Pep Guardiola, sum nú skal venja Manchester City Eisini í italsku steypa­ kappingini endaði tað við mál­leysum javnleiki, har AC Milan og Juventus hittust. Í longdu leiktíðini var Alvaro Morata tó á blettinum og avgjørdi finaluna til fyri­ muns fyri Juventus, sum harvið endurvinnur steypa­ kappingina og eisini kann kalla seg greipuvinnara. Við einum harðvunnum 2-0-sigri á Sevilla, kann FC Barcelona nú eisini kalla seg steypavinnara í Spania. Copa del Rey- finalan endaði annars við 0-0-javnleiki, men í longdu leiktíðini syrgdu Jordi Alba og Neymar fyri sigrinum. Dysturin var hart spældur, og dómarin gav ikki færri enn 13 gul kort og trý reyð. Hóast Francesco Totti ikki hevur fingið eins nógva leiktíð sum hann plagar í Roma í ár, so er hann í ferð við at leingja sáttmálan við felagið. Tað váttar venjarin hjá teimum, Luciano Spalletti. 39 ára gamli Totti hevur spælt 601 dystir í Seriu A, allar við Roma. Tað røkist fyri, at José Mourinho verður nýggjur venjari hjá Manchester United. Hóast Louis van Gaal megnaði at vinna FA Cup við felagnum í ár, so tykist tað ikki at hava vera nóg mikið, og nú skrivar BBC, at tað einans ganga fáir dagar áðrenn sáttmálin partanna millum verður a l m a n n a ­ku n n g j ø r d u r. FIMLEIKUR Team Alda hjá Havnar Fimleikafelag hevur um viku­skiftið luttikið í Nordic Cup í Helsingør. Tær megnaðu at vinna seg í finaluna, har tær gjørdust nummar trý og samanlagt fingu eitt fjórða pláss í kappingini. FLOGBÓLTUR Í kvøld fer HM/EM-undan­ kappingin hjá kvinnum av bakkastokki í høllini á Hálsi í Havn. Í kvøld klokkan 20 leika Føroyar og Írland, týskvøldið klokkan 20 leika Føroyar og Liktinstein, og miku­kvøldið klokkan 18.30 leika Føroyar og Kýpros, sum verður mett at verða sterkasta mótstøðuliðið. Jóan Petur av Stongunum, lands­liðs­venjari, sigur í samrøðu við Rás2, at málið er at gerast nummar tvey í bólkinum. Megna tær tað, so sleppa tær víðari til næsta umfar í EM-undan­ kappingini. Skuldi tað eydnast at vunnið fyrsta plássið, so spæla tær seg víðari til næsta umfar í H M - u n d a n k a p p i n g i n i . FR. ÍTRÓTTUR Ársins fyrsta TF-stórkapping hevur verið á Tórsbreyt um viku­skiftið, og her vórðu tvey nýggj føroysk met sett. Fyrsta metið átti Rebekka Fuglø, sum á 1.000m kutaði eitt sekund av sínum egna føroyska meti. Nýggja metið eitur nú 2.53,68. Á 100m-teininum gjørdi Margit Weihe Fríðmunds­ dóttir ein ordans vørr, tá ið hon rann hendan kenda sprint-teinin upp á 13,54 sekund. Hetta er besta føroyska tíð við el-tíðtøku, og javnsett við metið hjá Elini Rasmussen heilt afturi frá 1994. Við hondsteðgaðari tíð skulu 24/100 sekund leggjast afturat, og eftir hetta roknistykkið eiga tær nú báðar tvær metið. HONDBÓLTUR Hørður Trygvason og Brandur Halgirsson, eru saman við U16-liðnum hjá SG Flensburg-Handewitt tætt við at spæla seg í finaluna um týska meistaraheitið. Fyrra hálvfinalan ímóti SG Kronau/Östringen varð vunnin 29-20. Hørður fekk nakrar løtur í málinum, meðan Brandur var ímillum bestu leikararnar á vøllinum. Jóhan á Plógv Hansen og Bjerringbro-Silkeborg eru í DM-finaluni. Tað er greitt, eftir at teir í gjár vunnu 31-28 í seinnu hálvfinaluni á útivølli ímóti verandi meistarun­um úr KIF Kolding Købehavn. Jóhan skeyt seks mál. Fyrra finalan verður mikukvøldið, og tá er mótstøðuliðið Team Tvis Holstebro. RÓGVING Sverri Sandberg Nielsen nærkast OL í Rio. Tað ger hann eftir at hann vant burturúr mót­støðu­ monnunum í innleiðandi OL-kvalifikatiónini í Luzern í gjár. Hann var hálvtfjórða sekund frammanfyri næst­ besta rógvaran, sum var úr Ungarn. Sverri róði teir 200m upp á 6.53.65. Tveir teir fremstu rógvararnir úr hvørjum riðli halda fram í kappingini.