mánadagur 23. mai 2016síða 23

23 Mánadagur 6. januar 2014 · Nr. 2 Sosialurin Mánadagur 23. mai 2016 · Nr. 58 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Neli Heldarskarð Pætur E. Jensen Tað er ongin, sum dugur betri at skeldast innanhýsis enn føroyingar. Tað síggja vit dag og dagliga í øllum, sum gongur fyri seg her á landið. Tað er als ikki bara ósunt, tí samskifti er eisini vegurin fram. Í samband við ósemjuna í ÍSF, so skal eg ikki velja síðu. Tað er sum vanligt ”andstøðan”, ið er meiri sinna at tosa enn ”samgongan” og soleiðis hevur eisini verið hesaferð. Tað var eisini næstan lemjandi tøgn, tá andstøðan gav ilt av sær á aðalfundinum hjá ÍSF, men kanska tey 13 í samgonguni við vilja ikki ynsktu at øsa upp ein stemning. Ná, men nokk um tað. Tað kann eisini ljóða sum, at eg nú fari at stuðla andstøðuni, men soleiðis skal tað ikki skiljast. Eg vil bara vísa á, at í gjár átti Jóhan á Plógv Hansen sín stóra lut í, at Bjerringb-Silkeborg vann seg í DM finaluna í donskum hondbólti. Føroyski vongurin hevur valt at spæla fyri Danmark og eg skilji hann so hjartaliga væl. Føroyskur landsliðshondbóltur var at kalla ikki til, og tá ber illa til at lasta ein so góðan og seriøsan hondbóltsspælara fyri at velja ein møguleika, ið gevur honum størri møguleikar í framtíðini. Eg skilji, at vit her í Føroyum halda at Jóhan á Plógv Hansen skal velja við hjartanum, men tað er mark fyri hvat vit kunnu forlanga av einum øðrum persóni, tá vit ikki megna at skapa nakrar sum helst umstøður fyri viðkomandi. Tá vit nú deila pengar út, so tað er av stórum týdningin at eitt nú hondbólturin fær nokk til at kunna luttaka í EM undankappingum og landsliðsvirksemi sum heild. Eg veit ikki um tað bara er ÍSF, men landið og stóru fyritøkurnar, sum mugu traðka til. Hetta kundu vit sagt um fleiri ítróttargreinar og í hvørjum føri haldi eg við ítróttinum. Vit halda her í Føroyum, at vit bara kunnu forlanga av øðrum, at tey skulu brúka alt sítt lív til ítrótt, so vit kunnu verða stolt og errin av teimum. Vit hava ikki ein gongd ein miðnásskúla, ið stuðlar undir ítróttarfólki, so tey kunnu liva dreymin fult út her á landinum. Her í lívinum fært tú ikki tað tú forlangar ella spyr um. Tú fær tað tú hevur uppiborið – og hondbóltsføroyar hava ikki uppiborið Jóhan á Plógv Hansen. Lat nú vera við at gera sama feilin eina ferð afturat! ÍSF og føroyskur ítróttur KLUMMAN Tróndur sigur sína hugsan... ■ Havi hoyrt, at effo- liðið hjá B36 skal til Dana cup :-) (Víkinga fjeppari) Besta sms'ið í Triða Hálvleiki hjá Rás2: Neli Heldarskarð Gongdin hjá danska Svendborg hevur verið stak ring í seinastuni. Liðið hevur bert vunnið ein út av teimum seinastu sjey í triðbestu, donsku deildini, 2. division, og hetta merkir, at felagið úr Fyn nú er í stórum niðurflytingarvanda. Inntil nú hevur fyrr­ verandi, føroyski lands­liðs­ leikarin, Julian Johnsson, verið venjari hjá Svendborg. Felagið hevur kunngjørt, at føroyingurin hevur mist venjarastarv sítt. – Eg vil fegin takka leikarunum, felagnum og øll tey rundanum fyri eina góða, men tó til tíðir harða tíð í felagnum. Beint nú eri eg argur og vónbrotin, tí at eg hevði eina sterka trúgv uppá, at vit kundu klára at yvirliva í deildini, júst sum vit gjørdu í fjør. Tó virði eg avgerðina hjá felagnum, og eg vóni, at Svendborg klárar at yvirliva í deildini aftur í ár. Hjartað mítt bankar framvegis fyri felagnum, sigur Julian Johnsson við danska bold.dk. Í sínari tíð sum føroyskur landsliðsspælari spældi Julian Johnsson 62 dystir. Hallur útvístur Seinasta umfar er spælt næstbestu fótbóltsdeildini í Danmark. Greitt er, at hvørki Vendsyssel ella Vejle flyta upp. Vendsyssel tók á heima­ vølli ímóti HB Køge. Hendan dysti tapti Vendsyssel 0-1, og tíverri átti føroyski Hallur Hansson avgjørt sín lut í hesum ósigri. Eftir 60 minuttir fekk Hallur Hansson sítt seinna gula kort fyri kjaftaslit, og heilt galið gekk tað eftir 81 minuttir, tá ið HB Køge skoraði einsamalla málið í dystinum. Brandur Hendriksson Olsen og René Shaki Joensen ikki vóru við vegna skaða. Ungi Meinhard Olsen sat tó á bonkinum hjá Vendsyssel allan dystin. Dysturin hjá Viljormi Davidsen og Vejle bleiv spældur á heimavølli ímóti Lyngby. Talan gjørdist um sanna málveitslu, ið tíverri fyri Viljorm og liðfelagarnar endaði við tapi áljóðandi 3-4. Bæði Vejle og Vendsyssel endaðu á 53 stigum eftir 32 dystir. Hetta rakk til eitt fjórða pláss til Vejle, ið hevur betri málúrtøku enn Vendsyssel, og eitt fimta pláss til teir fýra føroyingarnar hjá Vendsyssel. Sjey stig vóru upp til AC Horsens, ið endaði á triða plássi, sum viðførir uppflyting. neli@sosialurin.fo Sverri Jacobsen lærari og ítróttarmaður, er deyður, 71 ára gamal. Sverri Jacobsen hevur verið sjúkur seinastta árið. Sverri Jacobsen var lærari í mong ár, men var helst best kendur í almenninginum, sum ítróttarmaður. Fyrst og fremst var tað sum hondbólsleikari í Kyndli og á landslinum, men næstan líka nógv í fótbólti. Hann spældi flestu árini við HB og var á tí liðnum, sum kappaðist við 66-liðið í KÍ. Í 1979 0g 1980 spældi hann tó nakrar dystir fyri NSÍ. Sverri Jacobsen var við at finna fleiri meistaraheitir við HB. Tað sama gjørdi seg gald­andi í hondbólti. Hann vann feliri FM við Kyndli og hann var við, tá ið føroyskur hondbóltur fór í altjóða hond­bólts­kappingar. Hann var við til C-HM í Portugal í 1976 og spældi til C-HM hevði verið í Føroyum í 1980. Sverri jacobsen var ítróttar­maður burtur­av og royndi seg eisini í fleiri øðrum ítróttar­greinum JULIAN JOHNSSON UPPSAGDUR – HALLUR HANSSON ÚTVÍSTUR Hetta bleiv eitt keðiligt vikuskiftið fyri føroyski útisetarnar í fótbólti. Julian Johnsson bleiv uppsagdur í Svendborg, meðan Hallur Hansson bleiv útvístur í tapið, ið merkir at Vendsyssel ikki verður at síggja í Superlinguni komandi ár SVERRI JACOBSEN FARIN