mánadagur 23. mai 2016síða 33

VIKA 21 • 23. MAI 2016 9 MIÐLAHÚSIÐ ÓKEYPIS LÝSINGARBLAÐ Leikarafelag Føroya: DAGARNIR 2016 Fimm dagar við tí besta av norðurlendska sjónleikapallinum Í døgunum 24. – 28. mai fáa føroyingar eitt serstakt høvi at uppliva tað allarbesta av norðurlendskum sjónleik, tá 16 viðurkendir og virðisløntir leikir av pallum í Reykjavík, Stock­holm, Oslo, Helsinki, Keypmannahavn og aðrastaðni í Evropa verða sýndir í Føroyum. Sjónleikafestivalurin DAGARNIR 2016, ella Nordic Performing Arts Days, er størsta sjón­ leika­tiltak sum higartil hevur verið í Føroyum. Heili 100 leikarar og leiklistafólk úr 16 leik­ bólkum framføra 21 sýningar á 11 pallum teir 5 dagarnar, festivalurin varir. Skráin er sera fjølbroytt og vendir sær til bæði børn og vaksin við øllum frá finskum splatt­ara­porno, svenskum klovnasorgarleiki, Álendsk­um sjómannaleiki, heimasýningum av Eitt dukku­heim til enduruppseting av væl um­ tóktu føroysku leikunum Jørðin er eitrað og Veitsl­uni. DAGARNIR 2016 eru sostatt ein forkunnugur møguleiki at ogna sær bæði klassiskar, frekar, stuttligar, syrgiligar og óvæntaðar sjónleika­upp­ livingar. Orðaleyst splattaraporno, klovnarí, heima­sjónleikur og føroyskir krígsveteranar Leikbólkurin Takomo Theatre, ið bæði vann heið­ urin fyri besta leik og besta leikara í Finnlandi í 2014, vitjar við leikinum Dark Side of The Mime. Ein leikur sum tekur teg á bóli við sínum freka skemti, men sum tú samstundis eisini fert at elska. Takomo Theatre mælir til, at tú bjóð­ ar tínum vinfólkum, familjuni, grannanum og kanska serliga tínum argasta fígginda við til hesa framførslu. »Skammleyst, vágið og einastandandi stutt­ ligt! Dark Side of The Mime er tann besta og mest groteska komedian, tú nakrantíð fert at uppliva«. – ummælari frá Edinburgh Fringe Svenski leikbólkurin The Miracle Nuts fram­ førir hugtakandi familjuleikin Flugo!, ið bygg­ir á upplivingar hjá trimum klovnum í Za’atharis­ leguni í Jordan – fyribilsheimið hjá hundr-að­ túsund sýriskum børnum, ungum og gomlum, sum flýggja undan einum ógvusligum kríggi. »Akrobatisk farsa sum lyftir klovnarí á sítt hægsta professionella stig.« – Västerbotten Kuriren Kendi klassikarin Eitt Dukkuheim, eftir Henrik Ibsen. er ein tann mest spældi leikurin í øllum heiminum. Við hesi uppsetingini hjá donsku Fix & Foxy og Teatergrad vitja vit føroysk heim í Nólsoy og Hvalvík, har áskoðarin verður boðin innar í stovuna til heimasjónleik. Júst so sum Ibsen sjálvur vildi, at sjónleikur skuldi vera: Sum veruliga lívið, við veruligum menniskjum við veru­ligum trupulleikum í veruligum heimum. Tey sum ikki sóu áskoðara- og ummælara­ rósta leikin Jørðin er eitrað á Tjóðpallinum í vár, fáa nú aftur møguleikan. Jørðin er eitrað er ein nýskrivaður føroyskur leikur, ið byggir á sam­røður við veteranar og avvarandi umframt jour­nalistiskt og vísindaligt tilfar. Hann er leik­ stjórnaður av Maritu S. Dalsgaard. Av um-mæl­ arunum framúr væl móttikin, lýstur sum ein politiskur leikur og eitt nýbrot innan føroyskan sjónleik tá ið hann varð frumsýndur á Tjóðpalli Føroya í mars 2016. »Tjóðpallurin sýnir ikki ein leik, ið er meinlíkur Hollywood-drama. Tjóðpallurin sýnir ein við­ kom­andi, føroyskan leik um føroyskar hermenn, sum tú ikki kanst skilja. Leikurin kemur ikki við loysnum upp á kríggj, men gevur tær í hægstu grad nakað at hugsa um og at skammast av.« – Røddin í KvF DAGARNIR 2016 eru fyriskipaðir av Leikarafelag Føroya í tøttum samstarvi við Norðurlandahúsið og Tjóðpall Føroya, har flestu sýningarnar vera. Men spælt verður, sum sagt eisini aðrastaðni á forkunnugum og óvæntaðum støðum, mill­ um annað á granskarasetrinum Inova, har ís­ lendingar pallseta eina IKEA ferðaskrivstovu og ein leikur er skipaður sum ein gongutúrur í Havn. DAGARNIR 2016 eru stuðlaðir av m.ø. A.P. Møller Fondinum, Kulturkontakt Nord og Nordisk Kulturfond. Harumframt hevur Faroe Ship stuðlað við flutningi av rúgvusmiklu pall­ myndunum til leikirnar. Leygardagur 28. mai 2016 14.00 Økið letur upp Djóraframsýning Framsýning av ymiskari útgerð Sølutiltøk (matur og drekka) Fiskibrunnur Hoppiborgir Karrusell - mekaniskur tarvur 15.00 Tyrlan kemur á vitjan 16-18 Ponyríðing (inni um ikki viðrar) 18.00 Stór ríði og rossaframsýning á ríðibreytini. (gonguløg, rossasløg og greðingar) Økið letur aftur Sunnudagur 29. mai 2016 14.00 Økið letur upp Djóraframsýning Framsýningar av ymiskari útgerð Sølutiltøk (matur og drekka) Fiskibrunnur Hoppiborgir - Karusell Mekaniskur tarvur 15-17 Brandstigabilurin frá Tórshavnar sløkkiliðið á økinum 16-18 Ponyríðing (inni um ikki viðrar) 18.00 Stór ríði og rossaframsýning á ríði- breytini. (gonguløg, rossasløg og greðingar) Økið letur aftur