týsdagur 24. mai 2016síða 30

Mikudagur 25. mai 2016 · Nr. 59 30 Sosialurin Hugskot og viðmerkingar – send sms til 225000 Jóannes Hansen Sunnudagin fer ÍF at spæla á Argjum. Tá verður Jákup Mikkelsen á ÍF beinkinum saman við Símuni Eliasen. Í Fuglafirði eru teir fult og heilt savnaðir um hesa av­bjóð­ingina, sum hevur stóran týdning. Fríggjakvøldið verður tað bara Símun Eliasen, sum fer at taka sær av síðstu venj­ ing­ini undan ferðini suður í høvuðs­staðnum sunnudagin og eftir nýggju brúnni út á Argir. Jákup Mikkelsen fer fríggja­morgunin til Dan­ mark­ar. Ørindini eru at hitta gomlu liðfelagarnar í Herfølge, sum hann í dag fyri sekstan árum síðani vann danska meistaraheitið í fót­ bólti saman við. 25. mai í 2000 var tað greitt, sum var eins óvæntað og tað var, at Leicester fyri stuttum tryggjaði sær enska meistaraheitið í fót­bólti. Herfølge, sum undan kapp­ ingar­byrjan varð roknað at vera upplagt evni at flyta nið­ur, vann við Jákupi Mikkelsen millum stólpar­ nar, meistaraheitið. Henda dagin vóru Jákup Mikkelsen og liðfelagarnir í Silkeborg. Úrslitið var 1-1. Tá ið gamla stórfelagið AB sama dag vann 2-0 ímóti Brøndby, ið var argasti avbjóðarin hjá Herfølge, so var størsta sensa­tiónin nakrantíð í donsk­um fótbólti veruleiki. Jákup Mikkelsen og lið­ felagarnir høvdu vunnið DM, og harvið hevði ein før­ oyskur fótbóltsspælari fyri fyrstu ferð nakrantíð vunnið meistaraheitið í fótbólti uttan­fyri Føroyar. Eingin ivaðist í, at før­ oyski Jákup Mikkelsen átti stóran leiklut í, at Herfølge vann DM. Jákup varð kosin at vera besti spælarin í Herfølge hetta árið. Tí er tað ikki undarligt, at Jákup er ógvuliga væl umtóktur í Herfølge, har hann gavst í 2001. Hittast aftur fríggjakvøldið Fyri trimum árum síðani vóru DM vinnararnir í 2000 saman aftur, men tá var Jákup Mikkelsen ikki saman við teimum. – Ta ferðina lá tað ikki fyri hjá mær. Vit hava ein bólk á facebook, har vit hava møguleika at fylgja við í, hvat vit takast við, men eg havi ongantíð verið saman við fyrrverandi lið­feløg­unum aftur. Nú er nakað síð­ani, at tað varð avgjørt, at liðið skuldi hittast aftur fríggja­ dagin 27. mai, og tá gjørdi eg av, at hesaferð skuldi eg taka lut. Tá avgerðin varð tikin, var eg hjálparvenjari í Fugla­ firði. Danmarkar ferðin ber við sær, at eg ikki veri við til venj­ingina fríggjakvøldið, men tað er ikki nakar trupul­ leiki, tí Símun Eliasen tekur sær av tí. Hvat fert tú til Dan­mark­ ar til? – Umframt at vera við í sosialum felagsskapi saman við fyrrverandi liðfeløg­ unum, so er fótbóltsdystur á skránni fríggjakvøldið. Hann verður ímóti teimum, sum um tað mundið, tá ið vit vunnu DM, spældu við Køge. Síðani eru tey bæði fót­bólts­feløgini, sum tá vóru í kommununi í Køge – Herfølge Boldklub og Køge Bold­klub – vorðin til eitt felag. Tað heldur til á Køge stadion, og tað verður har, at dysturin verður. Eftir dystar­lok eru vit bjóðaðir til døgurða, so tað verður hugna­ligt. Eg havi ikki verið aftur á Herfølge stadion. Dyst­ur­in verður ikki har, men eg gangi út frá, at vit fara at vitja á Herfølge stadion. Í Herfølge og Køge verður gjørt nógv burtur úr, og tað verður sagt at lyfta til­takið, at Jákup Mikkelsen kem­ur úr Føroyum at vera saman við liðfeløgunum. Sam­ stund­is verður mint á, at før­ oyski landsliðsmálverjin átti rættiliga stóran lut í, at tað, sum ikki varð roknað við skuldi bera til, kortini var veruleiki. Hvussu minnist tú hesar dagarnar fyri sekstan árum síðani? – Tað var ein dreymur, sum varð veruleiki, og síð­ ani hevur tað verið sum ein dreymur at hyggja aftur á. Eingin roknaði við okk­um. Tá ið vit vunnu fyrstu dystir­ nar og løgdu okkum á odda í kappingini varð mest tosað um, hvussu leingi vit fóru at halda, og nær tað fór at ganga hinvegin. Vit høvdu fokus á ein­støku avbjóðingunum, vit arbeiddu øgiliga nógv, hug­burð­urin var framúr, og vit fegnaðust, tá ið tað varð greitt, at vit ikki fóru at flyta niður soleiðis, sum tað annars varð spátt. Moralurin var góður, og venjarin, John Faxe Jensen, var øgiligur inn­ pískari. Sjálvsálitið vaks, og so endaði tað soleiðis í dag fyri sekstan árum síðani, sum tað gjørdi, minnist Jákup Mikkelsen aftur á. FÓTBÓLTUR DM hetjurnar frá 2000 fara fríggjakvøldið at spæla á Køge stadion JÁKUP Á VEG AFTUR TIL HERFØLGE DM 2000 Fyrrverandi landsliðsmálverjin, Jákup Mikkelsen, vann danska meistaraheiti við Herfølge í 2000 Savnsmynd: Álvur Haraldsen