fríggjadagur 3. september 2004síða 2

2 Nr. 167 - 3. september 2004 Nr. 167 - 3. september 2004 3 Fríggjakvøldið skuldi Elton John Jam verða á skránni á Platform, men bólkurin fær ikki spælt vegna sjúku Ætlanin var, at nýggi før- oyski kopibólkurin Elton John Jam skuldi spæla á Platform fríggjakvøldið. Men hetta verður av ong- um, tí ein av tónleikarunum í bólkinum er sjúkur, og so fá teir ikki spælt. Elton John Jam hevur havt tvær framførslu áður, og tær eydnaðust báðar sera væl. Sangarin Kim Hansen hevur Elton John sum eina av sínum stóru fyrimynd- um, og hann er eisini ein framúr tulkari av sangum hjá Elton John. Nú hava hann og restin av manning- ini í Showmenn vant sangir hjá Elton John, sum teir kunnu spæla, sum vóru tað teirra egnu sangir. Talan er um góðar og kendar sangir hjá tí frálíka bretska tónasmiðinum, men fólk mugu bíða eitt sindur fyri at hoyra teir spæla aftur. Av tí at Elton John Jam ikki kann spæla verður diskotek á Platform fríggja- kvøldið. Leygarkvøldið verður tó møguleiki at hoyra live tónleik, tí tá fer ein bólkur við Kim Hansen á odda at spæla til dans. Elton John Jam avlýst Kim Hansen verður at hoyra á Platform leygarkvøldið Á tingsins røðarapalli mikudagin segði Annita á Fríðriks- mørk, løgtings- kvinna, at hon ikki ivast í, at Fólkaflokk- urin, við at leggja loftmiðlarnar saman, hevur gjørt álvara av sínum hóttanum um, at bókin Skjót jour- nalistin skuldi fáa av- leiðingar fyri Sjón- varp Føroya SAMANLEGGING Solby A. Eliasen solby@sosialurin.fo – Eg ivist ikki í, at fólka- flokkurin bert hevur bíðað eftir tí røttu løtuni at gera tað, sum teir ynsktu at gera, sigur løgtingskvinnan hjá Tjóðveldisflokkinum. Hon vísir á, at Óli Breckman undir seinasta valstríði segði, at bókin, Skót jour- nalistin, skuldi fáa av- leiðingar fyri sjónvarpið. Annita er heldur ikki í iva um, at samanleggingin av stovnunum er íkomin beint nú, tí at Sjónvarp Føroya ikki hevur verið so vælumtókt, orsakað av ætlanunum um at samsenda við TV2. Løgtingskvinnan heldur tað somuleiðis vera undar- ligt, at sjónvarpsstjórin ikki slapp upp í part til nakað sum helst viðvíkjandi samanleggingini. – Eisini er tað løgið, at landsstýrismaðurin mest sum yvir nátt kom við hesi ætlanini, uttan at nakar hevði hoyrt orð um tað áðrenn, heldur hon. Samstundis vísir hon á, at landsstýrismaðurin enn ongar veruligar grundgev- ingar hevur givið fyri samanleggingini – ei held- ur fyri hví sjónvarpsstjórin ikki fekk nakran sum helst leiklut í hesi ætlan. Tískil ivast løgtings- kvinnan hjá Tjóðveldis- flokkinum onga løtu í, at Fólkaflokkurin harvið hev- ur framt sína hóttan fyrr í ár í verki. Fylgissveinagrindin heldur beina kós norðureysturyvir. Hon er farin lagt út um føroyska sjómarkið GRINDIN Fylgisveinagrindin, sum var ein túr á sandinum í Sandavági tann 25 august, hevur hesa góðu vikuna, síðan sendara vórðu settir á nakrar av hvalunum, lagt nógvar fjórðingar afturum. Rættiliga nógvar. Tað eru longu nakrir dagar síðan, hon fór úr føroyskum sjóøki, og er nú á veg norðureystur yvir og tykist ætla sær nærkast norsku strondini. Fylgisveinamyndirnar vísa, at hon er farin eystur um stóra dýpið í Norska Havinum og er á veg inn aftur móti grynri vatni norsku megin. ej Grind for østen Samanlegging av loftmiðlum: Fólkaflokk- urin fremur hóttan í verki Nútímans útbúgving TÍÐINDASKRIV FRÁ SKEIÐSDEPLINUM Eftir- og viðariútbúgving á Føroya Handilsskúla og Tekniska skúla í Torshavn Nú ber aftur til at tekna seg til vælumtóktu GLÚ út- búgvingina, sum Skeið- sdepilin bjóðar fram. GLÚ, sum stendur fyri Grund- leggjandi Leiðaraútbúgving er ein eftirútbúgving í leiðslu. Útbúgvingin vendir sær til allar verandi og kom- andi leiðarar, sum ynskja sær eina holla leiðslufakliga grundútbúgving. Høvuðs- denturin í útbúgvingini ligg- ur á tí, sum kann kallast millumleiðaraøkið. Grundleggjandi Leiðara- útbúgvingin er eitt svar uppá tær ovurstóru avbjóð- ingar, sum ein broyttur ar- beiðsmarknaður hevur sett til leiðsluyrki. Tað at leiða eina fyritøku setir í dag heilt øðrvísi krøv til leiðsl- una enn fyri bert fáum árum síðani. Fleiri orsøkir eru til, at arbeiðsmarknaðurin er broyttur. Eitt nú er útbúgv- ingarmynstrið broytt, so- leiðis at fólk í dag leggja størri dent á støðugt at menna seg fakliga, enn tey áður hava gjørt. Eisini fram- leiðslumynstrið er broytt almikið seinastu árini, fyrst og fremst orsaka av KT og alheimsgerð. Vanlig vøru- framleiðsla minkar støðugt í okkara parti av heiminum. Í staðin fyri at framleiða vørur fara fyritøkur á okkara leiðum meira og meira yvir til at framleiða og selja vitan. Hendan broyting ávirkar allan arbeiðsmarknaðin, eisini tann partin, sum framvegis fæst við vøruframleiðslu. Broytti arbeiðsmarknað- urin hevur við sær, at ein heilt øðrvísi kapping hevur tikið seg upp um tey dugna- ligastu starvsfólkini. Sum nevnt krevja alt fleiri fólk í dag møguleika til støðugt at menna seg fakliga. Hetta er neyðugt hjá tí einstaka, skal hann ikki siglast afturút í skjótu tøkniligu menning- ini, sum vit uppliva í dag. Kappingin um dugnaligastu starvsfólkini kann tískil ikki vinnast bert við at bjóða eina høga løn. Tær fyritøkur, sum standa seg væl í kappingini um dugnalig starvsfólk, eru hinvegin tær, sum megna at sameina menningartørvin hjá tí einstaka starvsfólkin- um við menningartørvin hjá fyritøkuni. Einstaka starvsfólki verður soleiðis ein íløga hjá fyritøkuni, sum støðugt má røkjast fyri at løna seg. Hetta er tað, sum nútímans leiðsla snýr seg um. Við GLÚ bjóðar Skeiðs- depilin fram eina útbúgv- ing, sum er gjørd við tí fyri eyga at geva luttakarunum ein grundleggjandi førleika í nútímans leiðslu. Út- búgvingin byggir á ta leiðslufilosofiina, sum nevnist Human Ressource Management ella HRM. Hetta er ein filosofi, sum leggur dent á, at fyritøkan fær fulla nyttu burturúr teimum førleikum, sum einstaka starvsfólki hevur. Hetta skal koma bæði starvsfólki og fyritøku til góða. Avgerandi fyri at hetta skal eydnast, er ein dygdargóð og málrætta leiðsla. Ein slík leiðsla fæst best um leiðarar á øllum stigum í fyritøkuni fáa í minsta lagi eina grundút- búgving í leiðslu. Og tað er hesa grundútbúgving, sum Skeiðsdepilin nú, fyri triðju ferð, bjóðar fram. GLÚ byrjar aftur í okto- ber og til ber at tekna seg til útbúgvingina longu nú á Skeiðsdeplinum. Undirvís- ingin er skipað sum dag- skeið, tilsamans 12 dagar í eitt hálvt ár. Fyritøkur og stovnar, sum ynskja nærri kunning um útbúgvingina, kunnu venda sær til Skeiðs- depilin, sum bjóðar sær til at skipa fyri kunnandi til- tøkum úti hjá fyritøkunum og stovnunum sjálvum. Einstaklingar eru sjálvandi eisini vælkomnir at venda sær til Skeiðsdepilin, um teir ynskja at vit meira um GLÚ. Á heimasíðuni www.skeidsdepilin.fo er innihaldslýsing og tíðar- skeið, sama fæst eisini við at ringja tel. 318813. Nýggi faldarin hjá Skeiðsdeplinum við út- búgving og skeiðum fyri 2004/2005 kann bíleggjast á heimasíðuni www.skeids- depilin.fo ella við at ringja tel. 318813. STUÐULSFELAGIÐ "DRAGIN" Um viðrar, verður árliga fiskikappingin í Norð- oyggjum leygardagin 11. september. Næsta vikuskiftið verður ein rættiliga góð streym- loysa, og tí hevur Stuðuls- felagið fyri skúlaskipið M/S Dragin avgjørt at skipa fyri tí árligu fiskikapping- ini, sum eer fyri allar Norðoyggjar. so er bert at vóna at veðrið verður til vildar. Vinnarar seinasta ár: Í fjør var tað báturin "Saga" við Eskild Hansen og Jó- annes Joensen, sum vóru bestir, og fingu teir steyp til ognar eins og ferðasteyp. Næstbestur bátur var "Fliðan" við Elmar og Palla Simonsen í Hvannasundi, og triðbestur var "Jenny" við Per Jensen og Richard Johannesen. Luttøkutreytir Frá kl. 7.30 fáa allir bátar, sum fara av Vánni í Klaksvík, luttøkuskjøl um- borð á "Draganum". Lut- takarar á Borðoyavík og Árnafirði fáa eisini lut- tøkuskjal umborð á "Drag- anum", men í Hvannasundi og Norðdepli fæst luttøku- skjalið við Frostvirkið, og á viðareiði fæst tað niðri á Eiðsvík. Luttøkugjaldið er 20 kr. pr. mann. Ikki loyvt at fara einsamallur Av trygdarávum er ikki loyvt at fara einsamallur, tað skulu minst tveir mans við hvørjum báti. Bátarnir kunnu fara frá landi kl. 8, og tað eer bert loyvt at nýta snøri, snellu ella tráðu sum veiðureiðskap. Tað er ikki loyvt at fiska við aliring- arnar. Seiður telur ikki við í vektini. allir bátar skulu verða aftur á landi í sein- asta lagi kl. 17. Fiskauppboðssøla Kl. 18 verður fiskaupp- boðssøla, har fólk kunnu keypa sær at kóka. Fiskurin verður lagdur upp og vig- aður við bátabrúgvarnar við Nólsoyar Pálls gøtu. Frá kl. 18-19 verður fiskaupp- boðssøla við bátabrúgvar- nar, so har verða góðir møguleikar hjá fólki at keypa sær nakrar greipur av smáfiski til at hanga upp. Teir, sum hava luttikið í fiskikappingini, fáa kaffi og pannikøkur umborð á "Draganum". Besti báturin Tann bátur, sum hevur stórstu veiðu pr. mann, veerður vinnari og fáa teir ferðasteyp. Manningarnar á trimum teimum bestu bát- unum fáa steyp til ognar. Eisini verður steyp latið til tann, sum hevur fingið tann stórsta fiskin. Steypini til fiskikapping- ina hevur Norðoya Spari- kassi givið. Nú er at rigga til Fyrireikararnir vóna, at nógvir mans nú fara at rigga til, so vit fáa eina spennandi fiskikapping. Í Klaksvík liggja nógvir bátar við bátabrúgvarnar, og her er ein góður kjansur hjá monnum at fara á flot og fáa ein hugnaligan dag saman - og spennandi verður hvørjir verða fiskikongar í ár. Fiskikappingardansur í Skálanum kl. 11' Til fiskikappingardansin í ár spæla "Julianne-boys", sum eru kendir um alt landið fyri teirra frálíka góða dansitónleik. Fyri- reikararnir heita á fólk um at koma í dans áðrenn mið- nátt, tí so fáa tey meira burturúr, og dansistemning- urin verður betri. Tekning til dansin á tlf. 456661 og 456282. Peningurin frá fiskikapp- ingini og dansinum fer óskerdur til skúlaskipið Dragin. Hvør fjøl á flot leygardagin C M Y K 3 2 team85 Tel 340340 www.televarp.fo Her fæst vitan og undirhald ... Mánaðargjald fyri Canal+ pakkan, við 4 rásum 219,- Canal+ pakkin er ein ískoytispakki Mánaðargjald fyri reyða pakkan, við 13 rásum 209,- REYÐI Mánaðargjald fyri gula pakkan, við 9 rásum 129,- GULI ÆLABOGIN Mánaðargjald fyri Ælabogan, við 24 rásum269,- BLÁI Mánaðargjald fyri bláa pakkan, við 18 rásum 169,- Kortleigugjald: Haldarakort kostar kr. 150,- um hálvárið. Gjaldið verður kravt fyrstu ferð, goldið verður fyri ráspakkan, og síðan hvønn 6. mánaða. * Hesar rásir skiftast um at senda (Timeshare) * Hesar rásir skiftast um at senda (Timeshare) * Hesar rásir skiftast um at senda (Timeshare) Áhugaverdar sendingar fyri kvinnur SAS LIGAN Hoyr góðan føroyskan tónleik á Rás 1 hjá Televarpinum!