hósdagur 2. juni 2016síða 28

FRÍGGJADAGUR 3. JUNI 2016 SOSIALURIN 63 28 TÓNLEIKASØGA JAZZURIN GRENJAÐI Í HAVNINI LONGU Í 20'UNUM Áður ókend gerðabók komin undan kavi Tað er ikki nógv, sum fólk vita um musikklívið í Havnini í tjúgunum. Tað, sum fólk kanska serliga ikki vita, var, at jazzur faktiskt varð spældur – og tað var dansimusikkur LEIVUR THOMSEN L ærarin, granskarin og skaldið John Davidsen lýsir í síni yrking »Havnar­ gentan kvøður« (Í dans) eina løtumynd, sum var vanlig í býar­lívinum í Havn í tjúgunum. Yrkingin er um eina gentu, sum fer í byin at finna sær ein »fittan mat­rós«. Ein strofa í sanginum er so­leið­ is orðað: »Mót Klubbanum seti eg mína kós, har jass-banda streing­ ir­nir grenja.« Tað, sum hann sipar til, er helst Havnar Klubba, og bólk­urin er helst Havnar Jazz Band, sum varð stovnaður í seinnu helvt av tjúgunum. Hesin bólk­urin spældi til dans í Havnar Klubba. Musikklívið í Havnini í tjúg­unum hevur verið ávirkað av trend­ini tá á døgum í USA og rest­ini av verðini, har jazzur varð spældur, sum fólk dansaðu til. Nakrir av dansistílunum kallað­ ust Charleston, Fox Trot og Timmy Tommy – og tað var full­ drøn á kassan, skal sigast, hóast tað kanska er iva­samt, hvussu bein­arbeiðið hjá dansi­fólk­inum í Havn, heimsins nalva, í veru­leik­ anum hevur verið. Gerðabók komin undan kavi Fyri at lýsa tónleikalívið í Havn í tjúg­unum er neyðugt at hyggja at, hvussu havnarfólk hava skipað seg í musikkfeløg og musikkbólkar. Eitt av hesum feløgum var horn­blástra­ felagið Ólivant, sum varð stovnað 26. novembur í 1921. Tað var ikki bara eitt felag við reglugerð, lima­gjaldi og aðalfundi, men eis­ini ein rættiligur tón­leika­ bólkur, sum spældi, ikki bara í Havn, men til øll handa til­tøk í landinum. Tað er undir­ritaða komið í hendi ein hond­skrivað gerðabók – ella »for­handlings­ protokol«, sum tað æt á goml­ um havnar­sprogi – og tær fundarfrásagnir, sum er skriv­ aðar i hesa, lýsa fyri ein part tón­ leikalívið í Havnini í tjúgunum. Eg komi í hesi grein at taka dømi úr gerðabókini, og eg endurgevi hesi orðarætt við teimum stavivillum, sum eru, havandi virðing fyri tí autentiska í frásøgnini og tí gamla »havnarsproginum«. Ólivant fundast Fyrsti niðurskrivaði aðalfundurin í gerðabókini var 1. novembur í 1922. Har stendur m.a.: »Der foretages valg af bestyrelse. Resultatet blev følgende: Julian Hansen valgtes med 8 stemmer, Johan Michelsen valgtes med 8 stemmer og Gunnar Mohr valgtes med 8 stemmer. Valg af 2 bestyrelsessuppleanter: Der valgtes som 1. suppleant Niels Jacobsen med 5 stemmer og 2. suppleant Abraham Michelsen med 4 stemmer. Mødet hævet. Undir­skriv­að »Gunnar Mohr, for­mand, Julian Hansen og A. Michelsen.«