mánadagur 6. juni 2016síða 52

VIKA 23 l 6. JUNI 2015 Ókeypis lýsingarblað 4 Vilmund Jacobsen Tey, sum hava verið á Sørvágs Country-& Bluesfestivali vita, at hetta tiltak er nakað heilt fyri seg. Tiltakið er skipað soleiðis, sum sørvingar halda, at tað eigur at vera - við nógvum og góðum tónleiki, ymiskum tiltøkum fyri børnum og vaksnum, matarstaði, stovu, barrum og sølubúðum kring um í hugnaligu countrygøtuni niðast í bygdini. Tann nógvi live-tónleikurin verður at hoyra fríggjakvøldið og leygar­ kvøldið til langt út á náttina, og her verða bæði føroyskar og útlendskar tón­leika­kreftir og framførslur, soleiðis sum greitt verður frá aðrastaðni í blaðnum í dag. Tveir pallar Tveir pallar verða á festivaløkinum – stóri pallur og lítli pallur – og haraftrat bjóða sørvingar landskendar DJ í Wild West, festivalbúff í Klondyke og nýggja skálan, West Saloon, við barr og live-tónleiki. Nógv ymiskt verður til børnini, og á sjálvum festivalinum eru barnatitøkini á fótbóltsvøllinum. Longu hósdagin 9. juni klokkan 17 verður Bassa-tiltak og gyklarin, Ásbjørn, sum fer at gylka fyri børnunum saman við Bassa, og her koma børn eisini at syngja. Kirkja og truckar Sunnudagin 12. juni klokkan 11 verður festivalgudstænasta við Ingu Dam, og her fer Evi Tausen eisini at syngja. Sunnudagin millum klokkan 13 og 17 verður eisini trucker-festivalur á bryggjuni í Sørvági. Sørvingar skipa country-og bluesfestivalin upp á sín egna máta, og her er veruliga nakað á skránni fyri alla familjuna – frá tí yngsta til tann elsta Hugnaligt og festligt í Sørvági