týsdagur 7. juni 2016síða 8

Mikudagur 8. juni 2016 · Nr. 65 8 Sosialurin Hugskot og viðmerkingar – send sms til 225000 Áki Bertholdsen – Hetta er burtur úr vón og viti, og hetta skulu vit gera nakað við! Býráðslimir í Havn stað­ festa, at landið ger grovan mis­mun á teimum, sum vilja seta búgv í Havnini, og so teim­um, sum vilja seta búgv á bygd. Og hesin mismunurin verð­ur varðeittur, eisini tá ið tú fert í grøvina. – Veruleikin er, at landið merg­sýgur tey, sum vilja búset­ast í Havnini, og tað er burtur úr vón og viti, gjørdi Tróndur Sigurðsson, for­maður í Byggi- og Býar­ skipanar­nevndini hjá Tórs­ havnar Býráð, greitt á sein­ asta býráðsfundi í Havn. Tórshavnar Býráð er í ferð við at útvega fleiri grund­stykki, bæði í Havnini og í Kolla­firði. Men í sambandi við roynd­ir­nar at útvega meiri byggi­lendi, eru býráðslimir í Havn­ini serstakliga mis­ nøgdir við, at hvørja ferð, Tórs­havnar Kommuna skal keypa almenna jørð frá Búnaðar­stovuni til byggi­ lendi, kostar tað nógv meiri enn tá ið aðrar kommunur kring landið keypa almenna jørð til byggilendi, ella til onn­ur endamál. Tá ið landið skal selja jørð til byggilendi, ella onnur enda­mál, er prísurin ásettur eftir, hvar í landinum, jørðin er. Sosatt er jørðin nógv bílig­ ast á útoyggj og aftur­fyri er hon nógv dýrast í Havnini, sam­stundis sum at hon er næst­dýrast í Kirkjubø, á Velbastað, rundan um Kald­ baks­fjørð og rundaum Kolla­ fjørð. Og sum tað sæst á talvuni er á síðunum, er prísmunurin rættiliga stórur. Tað sæst eisini á talvuni, at tað er nógv dýrari hjá Tórs­havnar Kommunu at út­vega sær lendi, enn tað er í fleiri økjum, sum Havnin er í størstu kapping við. Eitt nú liggja plássini rund­an um Skálafjørð í øki trý og fýra, og tað eru bara Glyvrar, sum eru í øki tvey. Tað sama er í Klaksvík, har tað bara er Klaksvíkin sjálv, og Ánirnar, sum liggja í bólki tvey, annars liggja hini plássini í øki fýra. Sam­stund­ is eru bæði Fugla­fjørður og Eystur­komm­una í øki trý, og kunnu sostatt útvega sær almenna jørð, munandi bílig­ ari enn Tórshavnar Komm­ una kann. Vilja ikki rinda okursprís Men hetta vilja býráðslimir í Havn ikki longur góðtaka. Tað var Sjúrður Olsen, sum festi í kjakið, tá ið hann gjørdi greitt, at tað kann ikki góð­takast, at Tórshavnar Komm­una skal rinda okurs­ prís fyri landsjørð, har onnur kunnu keypa landsjørð nógv bíligari. – Vit gremja okk­um mang­ an um, at grund­stykk­ini í Havn eru so dýr, men tað er einki at siga til, tá ið vit noyð­ ast at rinda landinum okurs­ prís fyri lendið. – Øll, sum búgva í Føroy­ um, eiga at verða javn­tsett, antin vit so búgva í Havn, í Klaksvík, ella onkra aðra­ staðni, helt hann fyri. – Hetta er ein skipan, Tórs­havnar Býráð má og skal taka upp við tí endamáli at fáa hana broytta, sigur Sjúrður Olsen. Ilskast í langa tíð Serliga bersøgin var Tróndur Sigurðsson, sum heldur, at tað er burtur úr vón og viti, sum tað almenna merg­sýgur barna­familjur í Havn og mjólkar Tórshavnar Komm­ unu. Hann vísir á, at tað er ikki bara til byggilendi, at Tórs­ havnar Kommuna noyðist at rinda okursprís. – Tað er eisini tá ið fólk fara í grøvina, at vit verða merg­sogin, tí vit rinda eis­ini okurs­prís fyri lendi til kirkju­ garðar. – Spurningurin er, hvat endamálið er hjá Búnaðar­ grunn­inum at ríka seg upp av at selja almenna jørð til byggi­lendi, kirkjugarðar, og onn­ur almannagagnlig enda­ mál, spyr hann. – Hvat ger Búnaðar­grunn­ urin við allar pengarnar, spyr Tróndur Sigurðsson. Men umframt at rinda okurs­prís, taka málini eis­ini ómetaliga langa tíð at av­ greiða, frá tí at vit søkja um lendi, til vit fáa tað. – Tað almenna tekur nógv meiri pengar fyri jørð frá Tórshavnar Kommunu, enn frá nakrari aðrari kommunu. Men tað er tí at landsins myndug­leikar, púra tilvitað gera mismun á fólki, alt eftir um tey búgva í Havn, ella um tey búgva aðrastaðni. Tróndur Sigurðsson sigur, at akkurát tann upphæddin, Tórshavnar Kommuna noyð­ ist at rinda meiri fyri at fáa fatur á byggilendi, enn aðrar komm­unur gera, sum er at­ voldin til, at grund­stykk­ini í Havn verða eina tonn ov dýr. Hann heldur rætt og slætt, at kommunan eigur at fáa rúm­ari ræsir at ráða yvir teirri jørð, sum er innanfyri komm­unu­mark. Líkist ongum Eisini Annfinn Brekkstein ilsk­ast inn á støðuna. Men hann heldur sam­ stundis, at tað kann ikki bera til, at tað skulu vera einir tveir, tríggir bøndur, sum skulu vera avgerandi fyri, um Havn­in kann mennast ella ikki. – Tað er harmiligt, at jarð­ ar­brúkið kemur so langt inn í Havnina, at vit ikki kunnu fáa hendur á lendi til eitt grund­stykki, ella ein vatn­ brunn, uttan at sam­ráð­ast við Búnaðar­stov­una um tað, sigur hann. – Tað líkist púra svarta ong­um, tí sum kommuna Landið ger grovan mismun á teimum, sum vilja búgva í Havnini og teimum, sum vilja búgva á bygd ...og tey sum fara í grøvina Býráðslimir í Havn fara ikki heilt skeivir, tá ið teir føra fram, at Búnaðar­ grunn­urin er væl bjálv­ aður. Seinastu roknskapurin vísir, at grunnurin eigur 18,7 milliónir krónur í reið­um peningi, men har­ um­framt eiga teir fyri 179,4 milliónir krónur í virðis­brøvum, sum kunnu seljast. Harafturat hevur grunn­urin so fyri 96,7 millión­ir í áogn, sum eru út­lán, onnur áogn og ognir í fyri­bils varðveitslu. Sostatt hevur Búnaðar­ grunnurin fyri tilsamans 294,8 milliónir krónur í ogn. Hinvegin er skuldin lítil og eingin, bara 25,7 milliónir krónur. Eiga 294,8 milliónir MERGSÚGVA BARNA- FAMILJUR MISMUNUR Tað kann ikki bera til, at tað skulu vera einir tveir, tríggir bøndur, sum skulu vera avgerandi fyri, um Havnin kann mennast ella ikki