mánadagur 13. juni 2016síða 11

11 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 13. juni 2016 · Nr. 67 Vilmund Jacobsen Oljuvinnufelagið hevur havt ársaðalfund. Fyri vali stóðu Magni Arge og Jostein Petersen. Teir tóku báðir við afturvali og vórðu valdir. Í nevndini eftir árs­ aðalfundin sita Magni Arge, Gunnbjørn Joensen, Anja Jacobsen, Eli Lassen og Jostein Petersen. Christian Danielsen varð afturvaldur sum tiltaks- limur. Á aðalfundinum greiddi formaðurin frá, at Olju­ vinnufelagið seinasta árið hevur arbeitt við at stað­ seta Føroyar sum ein mari­ timan tænastudepil fyri frá­landa­vinnuna og fyri alla skipaferðslu, sum siglir fram við Føroyum. –Føroyskar tænastuveit­ ingar til maritimt virksemið eru á høgum støði og stenda mát við somu tænastu í okkara grannalondum. Vit hava umvegis boringarnar í Føroyum og vitjanina hjá West Hercules prógvað, at maritima tænastavinnan í Føroyum er væl og virðiliga kappingarfør á altjóða stigi. Víst varð á, at í arbeiðnum at marknaðarføra før­ oysku veitaravinnuna er heima­síðan www.maritime- services.com gjørd. – Heimasíðan lýsir før­ oysku veitaravinnuna, deilt upp í vinnugreinar og fyritøkur. Endamálið við síðuni er, at útlendskar fyri­ tøkur lættliga kunnu finna upplýsingar um føroyska vinnu og fáa greitt innlit í, hvørji vit eru, og allar tær tænastur, sum vit kunnu veita. Oljuvinnufelagið fegnast um, at landsstýrið hevur sett pening á fíggjarlógina fyri 2016 til at marknaðarføra Føroyar sum ein maritiman tænastudepil. Seinastu tíðina hava vit havt turt og gott veður í Føroyum, og tað er rættiliga langt síðan, at tað hevur regnað nakað serligt. Tá veðrið hevur roynst so væl, og hetta samstundis er tíðin, tá arbeiðspláss leita sær út á felagstúrar, áðrenn summarfrítíðin byrjar, hava fleiri bygdir og oyggj­ar havt nógv vitjandi. Soleiðis hevur eisini verið í Nólsoy. Seinastu vikuskiftini hevur nógv fólk leitað sær út til Nólsoyar. Tey hava gingið runt í bygdini, hava vitjað søgulig støð, og tey eru eisini fleiri, sum hava verið frálíkar gongutúrar. Soleiðis var eisini sein­ asta vikuskiftið, tá hópur av ferðafólki leitaði sær út til Nólsoyar, eitt nú starvs- fólk í Eik, sum vóru frálíka gongutúrin eystan fyri á Nólsoynni. Her er rættiliga náttúru­ vakurt og stórbært. Jógvan Thomsen í Nóls­ oy, sum eigur viðheftu mynd, helt fyri á Facebook um dagarnar, at í Nólsoy var sum á ólavsøku. Myndin vísir ferðafólk, sum eru á veg umborð aftur á Ternuna eftir góðan og væleydnaðan túr í Nólsoy. vilmund@sosialurin.fo Seinasta vikuskiftið vitjaði rættiliga nógv ferðafólk í Nólsoy - ja, her var nærmast sum á ólavsøku Sunda kommuna bjóðar nú út flutningin av skúlabørnum fyri næstu tvey árini til Skúlan við Streymin og heimaftur Tvøroyrar býráð hevur samtykt roknskapin fyri 2015. Í fíggjarætlanini varð roknað við avlopi á 10,4 miljónir, men ársroknskapurin vísir eitt avlop á 16,06 miljónir - ella 5,66 miljónir krónur meira enn væntað Fleiri landa trolfisk í dag Flestu línuskip eru nýliga byrjaði túr, og tí vænta tey á Fiskamarknaði Føroya ikki, at línufiskur verður landaður fyrr enn síðst í hesi vikuni. Tá kemur væntandi eitt skip við svartkalva og eitt, sum hevur mest av toski, longu og hýsu. Restin av línuskipunum koma neyvan inn at landa hesa vikuna. - Línuskipini, sum eru til fiskiskap, eru á Rygginum og á innaru leiðum. Tvey línuskip fiska í Eysturgrønlandi og í Íslandi. Um útróður er at siga, at streymurin verður góður alla vikuna, og veðrið verður eisini gott. - Tí vænta vit, at nakað verður av útróðri. Bátarnir fáa mest av toski og hýsu, men nakrir fáa eisini nakað av hvítingi. Fríggjadagin vóru øll partrolarapørini til fiskiskap. - Vit vænta, at tvey ella trý pør koma inn at landa í dag, og síðan koma nøkur pør seinni í vikuni. Trý partrolarapør eru á gulllaksaveiði. Fríggjadagin var bara ein djúpvatnstrolari til fiskiskap, og hann landar væntandi í dag. Hesin hevur mest av svartkalva og nakað av kongafiski. - Tríggir trolbátar eru á landleiðini, og ein av hesum kemur inn at landa í dag - og hinir báðir koma seinni í vikuni. Trolbátarnir, sum fiska á landleiðini, hava mest av toski, tungu, reyðsprøku og havtasku. Fiskiskapurin hjá trolbátunum á landleiðini er á einari leið. - Tveir trolbátar eru á Íslandsrygginum, og teir koma báðir inn at landa í dag, siga tey á Fiskamarknaði Føroya. vilmund@sosialur Sum á ólavsøku - Føroyskar tænastuveitingar til maritimt virksemið eru á høgum støði og standa mát við somu tænastu í okkara grannalondum, sigur Oljuvinnufelagið sum hevur havt ársaðalfund Tænastuveitingar eru á høgum støði Rættiliga nógv ferðafólk hava seinastu dagarnar vitjað í Nólsoy Mynd: Jógvan Thomsen - Vit hava umvegis boringarnar í Føroyum og vitjanina hjá West Hercules prógvað, at maritima tænastavinnan í Føroyum er væl og virðiliga kappingarfør á altjóða stigi, sigur Oljuvinnufelagið