mánadagur 13. juni 2016síða 20

Mánadagur 13. juni 2016 · Nr. 67 20 Sosialurin Hugskot og viðmerkingar – send sms til 225000 Neli Heldarskarð Við sigrinum ímóti Víkingi í gjár er KÍ heili fýra stig frammanfyri áðurnevnda liði, sum er nummar tvey í Effo­deildini. Ikki vóru tað nógv, sum spáddu gull og grønar skógir fyri KÍ undan kappingar­árs­byrjan, men eftir 14 umfør ber ikki til at staðfesta annað enn, at KÍ líkist tí mest upplagda kandidat­inum til ein føroya­ meist­ara. Í tráð við, at tað hevur gingið somikið væl hjá KÍ sein­astu tíðina, hevur fót­ bólts­fepurin í Klaksvík rakt nýggjar hæddir. Í gjár var stúgvandi fult av fólki við Djúpumýru, har tey ídn­ astu viðhaldsfólkini sungu og róptu á sínar menn allan dystin á tamb – eisini eini 20 minuttir áðrenn dystar­ byrjan. Hóast ringt er at meta um presisa áskoðaratalið, so vildi dómaraseðilin frá dyst­inum vera við, at 2000 áskoð­arar vóru og hugdu, og tað er nokk ikki heilt av leið! KÍ-framherjarnir avgjørdu Stóra opinberingin hjá KÍ í hesum kappingarárinum hev­ur verið bert 19 ára gamli Jóannes Bjartalíð, sum nú hevur skorað heili 12 mál í hes­um kappingarárinum. Har­við trýstir hann vanliga topp­skjúttan í Effodeildini, Klæmint Andrasson Olsen, í stríðnum um toppskorara­ heiðurin.  Bara tríggir minuttir vóru farnir, tá ið Bjartalíð slóð fyrsta seymin í líkkistuna hjá Víkingi. Fyrst skeyt Páll Klettskarð á stongina, áðr­ enn sami maður fekk fatur á bóltinum aftur og serveraði hann á einum silvurfati fyri heit­asta manninum í Effo­deildini, sum við sínum vanda­mikla vinstra beini legði KÍ á odda 1-0. Sum heild var greiður mun­ur á liðunum í fyrra hálvleiki. Víkingur er eitt lið við nógvum kropsliga sterk­ um leikarum, men teir megn­ aðu ikki at standa KÍ-liðnum kurl, ið hevur enn sterkari leikarar til taks. KÍ vann flestu nærdystirnar og skapti eina rúgvu av møguleikum. Páll Klettskarð, Jonas Flindt, David Langgaard og sami Jóannes Bjartalíð høvdu allir møgu­leikar at økja um leiðsl­ una, men í tveimum førum varð bólturin bjargaður á mál­strikuni, ella rakti bólt­ urin bara ikki málið. Eftir 43 minuttir brast tó aftur fyri nev í Klaksvík, tá ið Páll Klettskarð eftir horna­ sparks­innleggi frá Bjartalíð skallaði bóltin í mál til 2-0.  Tað hevur gingið ótrúliga væl í hond hjá fremstu monn­ unum hjá KÍ, sum løgdu upp og skoraðu hvør sítt mál í gjár. Tilsamans hava teir skor­að 22 av 27 málunum hjá KÍ í Effodeildini í ár. Javnari seinni hálvleikur KÍ dyrgdi ikki á sama hátt eftir fleiri málum í seinna hálvleiki, og hetta førdi við sær, at Víkingur kom fram á vøllin. Talan var um ein rætt­ iliga javnan seinna hálvleik, har bæði liðini høvdu kunn­ að komið á máltalvuna. Um hugt verður eftir teim­um fimm aftastu hjá KÍ, sum spældu í gjár, so eru talan um menn, ið allir eru væl fyri kropsliga og stórir í vøkstri. Hetta er eitt upp­ lagt vápn at gagnnýta til deyð­bólts­støður, og tað var ser­liga har, at KÍ gjørdist vanda­mikið í gjár. Bæði við horna­spørkum og langum inn­køstum. Í seinna hálvleiki hevði KÍ ikki so nógv at bjóða upp á í álopsstøðu afturat sínum vandamiklu deyð­bólt­um. Víkingur kom sterkari út til seinna hálvleik enn til fyrra, og nú byrjaðu víkingar­nir eisini at geva aftur í mongu nærdystunum. Eina løtu í seinna hálvleiki broytt­ist fótbóltsvøllurin til vígvøll, har eldur kom í fleiri av leik­arunum, sum veruliga fóru til stálið. Dómarin í gjár, Alex Troleis, legði tó eina harða linju, og bert tvey gul kort blivu givin. Seinastu 20 minuttirnar eydn­aðist tað Víkingi at leggja trýst á KÍ, og nú komu stóru málmøguleikarnir eis­ ini. Bæði Sølvi Vatnhamar og Hans Pauli Samuelsen áttu at skorað upp á teir stóru kjansir, ið teir fingu, men inn fór bólturin ikki, og harvið vann KÍ 2-0.  Eitt gott føroya­ meistaraboð Aðrastaðni á síðuni sæst, at Mikkjal Thomassen ikki vil siga, at málið hjá KÍ er at vinna FM í ár. Við teimum avrikum, ið klaksvíkingarnir hava lagt eftir sær í hesum kappingarárinum, er tó ringt at lata vera við at trúgva uppá, at KÍ kann fara allan vegin í ár. Breiddin í hópinum er góð, har venjarin hevur fleiri spælskipanir at velja ímill­ um. Fyri tað mesta hevur KÍ, júst sum onnur lið, spælt við fýra monnum í verjuni, men í seinastu trim­um dystunum hevur KÍ stillað upp við trimum mið­verjum og tveimum vong­bakk­um. Hetta hevur úrslitað í trim­ um tryggum og knús­andi sigrum ímóti ávíkavist NSÍ (tvær ferðir) og Víkingi. Eisini er KÍ-verjan tøtt sum tunnan. Onki mál er latið inn í seinastu fimm lands­kappingar­dystunum hjá KÍ, og tað vitnar um eitt lið, ið er væl skipað frá aftasta til fremsta mann. Fleiri lið í Effodeildini hava tann trupulleika, at út­lendingar­nir ikki gera nóg stóran mun. Hetta er tó ikki ein trupulleiki í KÍ, har serb­isku Ahmed Mujdragic og Semir Hadzibulic, ameri­ kanski Mayowa Alli og danski liðskiparin, Jonas Flindt Rasmussen, allir spæla so­mikið væl, at ongin kann finn­ast at lutfalsliga stóru løn­ini, sum fylgir við, tá ið før­oysk feløg styrkja sær um hópin við útlendingum. 4 KRISTIAN JOENSEN Kom meistarliga væl út til deyðbóltar allan dystin á tamb. Hevði eisini tvær góðar bjargingar í seinna hálvleiki, tá ið Sølvi Vatnhamar royndi seg. 4 SØRMUNDUR KALSØ Hevur ongantíð spælt so væl, sum hann ger nú. Hevði nógv góð, lang innkøst og vann eina rúgvu av nærdystum. Var eisini vandamikil frammi á vøllinum við sínum innleggum og defensivt var onki at seta fingurin á. 4 JONAS FLINDT RASMUSSEN Átti lut í fyrsta málinum, tá ið hann vann luftbólt ímóti Erlingi Jacobsen. Annars stóð liðskiparin sterkur í miðverjuni, har hann vann nógvar bóltar. 3 AHMED MUJDRAGIC Serbiski miðverjin hevur spælt seg væl upp síðani trilvandi kappingar­ársbyrjanina. Serliga góður við høvdinum í gjár.  4 MAYOWA ALLI Er óhugnaliga sterkur krops­ liga. Dugdi í nógvum førum væl at gagnnýta kropsligu styrkina, og eisini kom hann fyri nógvum í seinna hálvleiki. 4 JÁKUP B. ANDREASEN Hóast hann bert er 18 ára gamal, so smæðist hann ikki burtur at taka lut í nærdystunum – sum gjørdust nógvir í tali í gjár. Sann­førandi avrik, har grótharði miðvallarin vann nógvar bóltar og spældi væl víðari. 3 SEMIR HADZIBULIC Serbiski miðvallarin hevur víst seg at verið ein sannur fong­ ur. Í gjár kom góði bólt­førleikin ofta til sjóndar, og gloymdi ei­heldur at taka lut í mongu nær­dystunum. Telur tó niður, at hann í dystar­enda misti bóltin óneyðuga, ið førdi til stóran møguleika til Víking. 4 DAVID LANGGAARD Hevur sligið seg fastan á besta liðið. Gott avrik, har hann legði upp til onkrar góðar kjansir. Eisini stóð hann væl í verjustøðu á plássinum sum vinstri vongverji. 4 HJALGRÍM ELTTØR Hevur funnið sín annan ung­dóm, sum onkur tók til í gjár. Spælir væl, og er hann helst tann leikarin, ið rennur allar mest á KÍ- liðnum. Ein sannur arbeiðshestur. 5 JÓANNES BJARTALÍÐ Hevur sett høgt støði í sein­astu dystunum, og hóast ikki eyð­ sýndur allan dystin á tamb, so gjørdist hann so sera avgerandi við máli og einum upp­leggi. Alt, hann nertir við, verður til gull. 4 PÁLL KLETTSKARÐ Arbeiðir væl í álopinum, og sum týdningarmest er, so kemur hann fram til kjansirnar. Skoraði eitt mál í gjár, men við meira hepni og neyvleika hevði hann kunnað skorað eitt ella tvey afturat. HEÐIN KLAKSTEIN Ov stutt inni at fáa eina meting TÓRUR JUSTESEN Ov stutt inni at fáa eina meting NIELS PAULI DANIELSEN  Ov stutt inni at fáa eina meting SPÆLARAMETING KÍ er ikki til at steðga í løtuni. Serliga á heimavøllinum við Djúpumýru er liðið einaráðandi, og hetta slapp Víkingur at kenna sviðan av í gjár. Enn einaferð var tað vandamikla álopsparið hjá KÍ, ið avgjørdi dystin til fyrimuns fyri klaksvíkingar 1 til 6 FÓTBÓLTUR DYSTURIN HESA VIKUNA 509 MINUTTIR So nógvar minuttir hevur KÍ hildið málið reint í landskappingini (um ongin yvirtíð verður íroknað). Hesir 509 minuttirnir fevna um fimm dystir og 59 minuttir. Seinasta málið ímóti KÍ varð skorað hin 1. mai, tá ið Kristian Anton Andreasen legði B68 á odda 1-0 í Klaksvík. KÍ vann hendan dystin 4-1, og síðani hevur liðið ikki latið eitt einasta mál inn í landskappingini. MEISTARA- VÓNIRNAR BLÓMA Í KLAKSVÍK