mánadagur 13. juni 2016síða 23

23 Mánadagur 6. januar 2014 · Nr. 2 Sosialurin Mánadagur 13. juni 2016 · Nr. 67 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen Føroyski róðrarheimurin er á gosi eftir FM-kappróðurin í Hvalvík leygardagin, har alt gekk av skriðuni og einki kom í gongd fyrr enn so seint, at tað var um tað mundið, tá róðurin heldur skuldi verið liðugur. Nú aftaná verður dúgliga peikað í allar ættir, tí ein syndari skal sjálvandi finnast! Summi geva Róðrarsambandi Føroya skyldina og onnur lokalu fyri­ reikarunum í Hvalvík, og helst er sann­ leikin, at báðir partar eiga sín lut í full­komuliga mislukkaða róðrinum leygardagin. Her er talan um røðarar, ið venja hart og alt róðrarárið forsaka tað, ungdómurin annars kann stuttleika sær við ársins ljósu tíð. Fyrimyndarligt, tí ítróttur snýr seg ikki minst um at ganga undan sum gott fyridømi – og tað er so sanniliga eisini galdandi fyri fyrireikarar… Tí eiga hvørki Róðrarsambandið ella lokalu fyrireikararnir at sleppa undan at út koma alment við bæði umbering fyri og frágreiðing um, hvat veruliga hendi í Hvalvík. Samanborið við flestu aðrar ítróttar­greinar, vit kenna til, er hetta beinleiðis pínligt! Okkurt má í øllum førum gerast, skal kappróðurin ikki gera sær fullkomuliga fyri skommum og hereftir bara eita “sokallaði tjóðarítrótturin”! Hví ikki hava nakrar flótibrýr at leggja út sum fast startmál, so eingin sum helst ivi er um, hvussu og hvar startað verður, samstundis sum eitt eftirlitisfólk kann vera upp á bátin? Ella, sum fleiri skjóta upp, kundi Róðrarsambandið vent sær til fyrireikararnar av Ódnartøkum, sum hava víst gott skil fyri, hvussu tingini skulu gerast, so tey rigga – hvørja ferð! Neyðugt er í øllum førum við einum ella øðrum konsekvensi, tí eitt stað, sum ár eftir ár ikki maktar uppgávuna, eigur at missa róðurin! Og so átti at verið umhugsað, um størri orka ikki heldur átti at verið løgd í at róð á færri støðum, har umstøðurnar veruliga eru til tað og fólk eru, sum duga at skipa fyri. Sum er, kann tað bara ganga niður á bakka hjá róðrinum, tí sjálvgjørt er væl gjørt… Einki lag og einki áralag... KLUMMAN Hilmar Jan sigur sína hugsan... Tróndur Arge Um vikuskiftið hevði Hond­ bóltssambandið aðalfund. Á skránni var millum ann­ að at finna avloysaran fyri Kristian Johansen, ið und­ an fundinum boðaði frá, at hann ikki helt fram sum for­ mað­ur. Fyrrverandi altjóða dóm­arin hevur verið for­ maður í HSF í tíggju ár. Kristian Johansen, fekk handað heiðursbræv og gullnál við fundarlok fyri sína trúgva tænastu fyri før­ oyskan ítrótt. Gunn nýggj forkvinna Bara eitt valevni var skotið upp og tað var Gunn Ellefsen, ið hevur sitið í kapp­ingarnevndini og dómara­nevndini hjá HSF seinnu árini. Hon er nú nýggj forkvinna í hondbólts­sam­ band­inum, sum hevur stórar avbjóðingar fyri framman. Landsliðsarbeiðið er av álvara skotið í gongd aftur til stóra gleði fyri hondbóltin, men tað í løtuni óvist um fíggjar­ligi stuðulin fylgir við. Rokið í ÍSF hevur ikki verið til fyrimuns fyri eitt nú hond­bóltin, flogbóltin og svimjingina, ið hóst tey fingu sítt umboð – Jón Hestoy – í nevndina, so er hann í minni­ luta. Avbjóðingin verður nú at halda fast í landsliðs­arbeið­ inum, so tað vit ikki koma í Jóhan á Plógv Hansen støð­una aftur, har okkara fremsti hondbóltsspælari av neyð velur danska landsliðið fram­um. Nevndin skipað Nú er greitt hvussu nýggja nevndin hjá HSF sær út. Gunn Ellefsen er nýggj for­ kvinna, meðan Margrið Weihe heldur fram sum vara­for­kvinna. Oyvindur Brimnes er nývaldur fyri Boga Jacobsen, ið ikki stillaði upp aftur. Umfram tað, so eru Jákup Dam og Súna Mørk vald sum nýggir varalimir. Nevnda­ limir eru Gilli Wardum, Regin Jakobsen og Oyvindur Brimnes. Aðrastaði í hond­bólt­ heim­inum hevur Kyndil fingið nýggja forkvinnu í Maibritt Johannesen, ið tek­ ur við eftir Una Arge. trondur@sosialurin.fo Hondbóltssambandið fingið nýggja forkvinnu í Gunn Ellefsen, ið tekur við eftir Kristian Johansen, ið hevur lagt frá sær GUNN SKAL LEIÐA HSF