týsdagur 14. juni 2016síða 22

Mikudagur 15. juni 2016 · Nr. 68 22 Sosialurin Hugskot og viðmerkingar – send sms til 225000 Jóannes Hansen Seinnu hálvfinalurnar í kappingini um løgmanssteypið vera í kvøld. Tað verður í tveimum upp­ gerðum í Eysturoy, at tað verður avgjørt, hvørji liðini verða, sum leygarkvøldið 27. august skulu dystast í finaluni. Klokkan 18.30 hittast NSÍ og KÍ við Løkin í Runavík, og klokkan 19 verður grannauppgerð í Sarpugerði millum Víking og Skála. Í fyrru hálvfinaluni vann KÍ 4-1 á heimavølli ímóti NSÍ, sum legði seg framum við máli, ið Pól Jóhannus Justinussen setti í netið við stútara, eftir at Árni Frederiksberg hevði lagt horna innfyri. Ta løtuna sá tað út til, at talan kundi verða um avgerandi mál, tí mál á útivølli eru avgerandi, um tað eftir báðar hálvfinalurnar stendur á jøvnum. So fór málmaskinan hjá klaks­ víkingum av álvara at snurra: Semir Hadzibulic javnaði, undan steðginum skoraði Jóannes Bjarta­ líð tvær ferðir, og tíðliga í seinna hálvleiki skoraði Páll A. Klettskarð til 4-1. At KÍ leiðslan eftir fyrru hálv­ finaluna er so trivalig ber við sær, at KÍ er risa favorittur í kvøld at spæla seg í finaluna. Tað eru eisini onnur viðurskifti, sum tala fyri, at tað í kvøld skal ganga so nógv øðrvísi hjá bæði KÍ og NSÍ, enn tað hevur gjørt seinastu ferðirnar, um NSÍ skal megna at spæla seg í finaluna: Síðani fyrru hálvfinaluna hava liðini spælt landskappingardyst í Klaksvík, sum heimaliðið vann 4-0. Síðsta sunnudag vann KÍ 2-0 á heimavølli ímóti Víkingi, meðan NSÍ tapti 3-1 á útivølli ímóti TB. Einki mál er skorað ímóti KÍ, síðani Pól Jóhannus Justinussen legði NSÍ framum í áttanda minutti í fyrru hálvfinaluni. Tað vil siga, at KÍ hevur í steypakappingini og landskappingini spælt í 262 minuttir, uttan at tað hevur eydnast mótsstøðuliðunum at fáa bóltin í málið aftanfyri framúr væl upplagda Kristian Joensen. Í sama tíðarskeiðið hevur NSÍ – umframt í steypadystinum ímóti KÍ, tá ið fýra mál fóru ígjøgnum – latið sjey mál fara ígjøgnum í tveimum landskappingardystum – 0-4 ímóti KÍ og 1-3 ímóti TB. Harvið verður talan um uppgerð millum eitt lið á aldukambinum og eitt í dalinum: – Vit ásanna, at tað hevur ikki gingið so væl hjá okkum seinastu ferðirnar. Takið er nú at venda gongdini, sigur NSÍ venjarin Anders Gerber, sum umframt hálvfinaluna í kvøld eigur grannauppgerð og stevnudyst á heimavølli leygar­ kvøldið ímóti Víkingi at hugsa um. – Landskappingardystin fara vit ikki at savna okkum um, fyrr enn dysturin ímóti KÍ er liðugur. Nú hava vit fokus á at avrika so væl, sum vit megna í hálvfinaluni, sigur NSÍ venjarin. Dreymurin nærri enn veruleikin Í Klaksvík er fótbóltslagið so gott, sum tað ikki hevur verið í seytjan ár. Tað sæst eitt nú aftur í so stórum áskoðarafjøldum, sum tað ikki hava verið at sæð í Klaksvík í nógv ár. Einki er at ivast í, at tey vera mong, sum í kvøld fara undir Leirvíksfjørð og út til Runavíkar. Í 1999 vann KÍ bæði steypa­ kappingina og landskappingina. Síðani tá hevur besta liðið einki gull og skreyt vunnið. Málið var undan kappingar­ byrjan at vinna atgongumerki til europeisku kappingarnar næsta summar. Í landskappingini hevur liðið vunnið fulla úrtøku sjey ferðir á rað. Tað ber oddasess og leiðslu upp á fýra stig niður til næsta avbjóðaran við sær. Harvið er tað ikki undarligt, um tað er gulldeymur og ikki bara gulldreymur í viðhaldsfjøldini. Venjarin vil tó ikki siga, at KÍ er favorittur: – Vit halda okkum til málið, sum undan kappingarbyrjan varð sett, og tað er at vinna rættin at spæla europeiskan fótbólt næsta kappingarár, sigur Mikkjal Thomassen. Europeisku atgongumerkini kunnu longu verða veruleiki 27. august, um tað eydnast í kvøld at halda NSÍ frá stórsigri, og um tað eydnast at vinna steypafinaluna. Stiga­talvan sigur, at tað í lands­ kappingini eru átta stig aftur til fjórða plássið, sum NSÍ í løtuni er á. Tí ber til at siga, at dreymurin í løtuni sær út til at vera nærri veru­ leikanum, enn veruleikin er, sum teir í Klaksvík siga seg at halda seg til! Royndir og ágrýtni Hin hálvfinalan verður í Sarpu­ gerði, har Skála verður gestur hjá Víkingi, sum hevur vunnið steypa­ kaqppingina fýra tær seinastu ferðirnar. Víkingur vann fyrru hálv­ finaluna á Skála 1-0. Mið­verjin Erling Jacobsen skoraði sera týdningar­mikla málið á úti­vølli, tá ið tað bara restaðu tveir minuttir. Síðani fyrru hálvfinaluna hevur Víkingur í landskappingini vunnið 1-0 á heimavølli ímóti HB og tapt 2-0 í Klaksvík. Skála hevur staðið seg væl seinastu vikurnar. Eftir tepra heimatapið í fyrru hálvfinaluni hevur Skála megnað 1-1 í Gundadali ímóti FM vinnarunum í B36 og vunnið 1-0 á heimavølli ímóti AB. Skála hevur ongantíð verið í steypafinaluni, meðan Víkingur hevur vunnið fýra tær seinastu finalurnar. Vónin livir millum víkingarnar um, at tað skal eydnast at vinna fimtu steypafinaluna á rað og harvið at leggja seg upp á síðuna á HB, sum eigur metið við fimm finalusigrum á rað – 1978-1982. Kann verða søguligt Um KÍ í kvøld megnar tað, sum gongdin seinastu tíðina leggur upp til, so verður talan um søguliga finalu leygarkvøldið 27. august. KÍ hevur ongantíð hitt Víking í steypafinaluni, og KÍ hevur ongan­ tíð hitt Skála í steypafinaluni. GÍ og KÍ hittust í steypafinaluni í 1990. Tá vann KÍ 6-1. NSÍ-KÍ: Eiler Rasmussen kl. 18.30. Víkingur-Skála: Lars Müller kl. 19.00. joannes@sosialurin.fo DREYMARNIR FARA FRAM UM VERULEIKAN Upptakt FÓTBÓLTUR Nógv talar fyri, at talan verður um søguliga finalu í kappingini um løgmanssteypið FÓTBÓLTUR