týsdagur 14. juni 2016síða 23

23 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 15. juni 2016 · Nr. 68 Tróndur Arge Fyrstu dagarnar í EM 2016 hava verið merktir av nógvum saman­ brestum millum fót­bólts­áskoðar­ ar. Serliga galið hevur verið í suður­franska býnum Marseille, har russiskir, enskir og lokalir áskoðarar gjørdu um seg fleiri ferðir í døgunum rundan um dystin millum Russland og Ongland. Nú hevur tað fingið avleiðingar fyri serliga Russland, ið skal verða vertur fyri HM endaspælinum um tvey ár. Gult kort til Russland Áður hevur UEFA ávaraði bæði londini um, at um tey ikki fáa tamarhald á teirra áskoðarum, so kann tað enda við, at londini verða tveitt úr EM, og í dag boðar UEFA frá, at tey hava givið gula kort til Russland. Um nakar av teirra áskoðarum heldur fram við at fremja harðskap undir dystunum, so verður russiska bjørnin tveitt úr EM. Avgerðin er tikin í kjalar­vørrin­ um av bardaganum á áskoðara­ plássunum aftaná dystin móti Onglandi, tá ljóta síðan av fót­ bólti veruliga gjørdist sjónlig tá dómarin floytaði av. Alt fyri eitt herjaðu russiskir áskoðarar á ensku áskoðararnir, ið royndu at taka til rýmingar. Millum teir ensku áskoðararnir vóru børn og kvinnur. Umframt at hótta við at tveit Russland úr, hevur UEFA handað russiska fót­bólts­sambandin­um eina bót á áleið 1,1 millión krónur. Nýtt slag av hooligans Her í Føroyum kenna vit kanska best til ensku hooligans, umframt rákið í Danmark og Svøríki, har tað javnan kemur ilt millum áskoðararnar hjá ymiskum liðnum. Úr Onglandi kenna vit hooligans frá serliga 70 unum og 80 unum, tá tað framvegis var lutfaldsliga bíligt at fara til fótbólt. Feløg sum West Ham og Millwall eru tiltikin fyri sínar harðrendu áskoðarar frá tá í tíðini, men við Hillsborough van­ lukkuni og eftirfylgjandi Taylor frágreiðingini, bleiv hooligans­ um­hvørvið aldrin tað sama aftur. Økt eftirlit, øktir atgongu­ merkja­prísir og broyttur hug­ burður hava gjørt serliga Premier League fótbólt til nakað heilt annað. Hinvegin, so tykist hooligans­ rákið í Russlandi blóma. Talan er sam­bært altjóða miðlum, sum grava í rákinum, um eitt heilt nýtt slag av hooligans. Talan er í fleiri førum um ungar menn, sum ikki á sama hátt sita og drekka øl og uppføra seg býtt. Her er talan um vælvandar ungar menn, sum fara til dyst við tí endamáli at berjast. Teir eru væl skipaðir, gjara kønir í boksing ella øðrum líknandi slagi av ítótti, og hava vanligt arbeiði heima í Russlandi. Tað er eisini ein av orsøkunum, at teir so lætt eru slopnir til Frakland, tí teir eru ikki bólkaðir sum hooligans. Teir hava pengar og gott arbeiði. – Flestu av teimum venja boksing ella mixed martial arts, liva eitt sunt lív og drekka ikki, sigur Andrei Malosolov, russikur tíðindamaður við BBC. Í Russlandi eru tíðindini móttikin við blandaðum kenslum. Summi haldi hetta er ræðuligt og fordøma tað, meðan aðrir politikkarar hava enntá róst ófriðakroppunum, sum rættir menn. EM í vanda? Í hesum døgum, tá øll hava eitt myndatól upp á sær, so er skjótt at tíðindini koma kring allan heimin, og tí er kanska eisini vert at hava tað í huga. Til aðrar dystir hevur atburðurin millum viðhaldsfólkini verið avbera góður. Mánadagin sást myndir av svenskum og írskum viðhaldsfólkunum hond í hond. ”Gula kortið” til Russland skal helst ikki skiljast sum, at Russland verður útihýst uttan víðari. Tað stendur í ávaringini, at treytaði dómurin um útihýsing bara verður gjøgnumførdur, um russiskir áskoðarar gera um seg inni á leikvøllinum aftur. Tí røkist lítið fyri, at Russland verður útihýst og at EM er í vanda. Hinvegin, so er tað ótrúliga óheppið at tað skal seta so stóran dám á EM endaspælið. trondur@sosialurin.fo EM-FÓTBÓLTUR UEFA hevur givið Russland eina greiða ávaring í samband við, at russiskir hooligans hava gjørt um seg í Fraklandi. Eina ferð afturat, so verður Russland tveitt úr EM eru boðini UEFA HÓTTIR RUSSLAND VIÐ ÚTILOKAN FÓTBÓLTUR