týsdagur 14. juni 2016síða 34

SOSIALURIN JUNI 2016 10 Hallur av Rana Tá hugt verður eftir matseðlunum á før­oyskum matstovum tykist, at føroy­ ingar ikki ordiliga hava funnið eitt orð fyri máltíðina, ið onglendingar brúka um eina máltíð, ið er bæði morgunmatur og mið­málin á middegi. Kortini hevur bronsj gingið sína sigurs­ gongd gjøgnum Føroyar tey sein­astu árini, so at tað nú eru tær flestu mat­stovur­nar, ið hava okkurt slag av máltíðini á mat­ seðlinum. Tað er tó ymiskt nær mat­stov­ unum bjóða bronsj, ið vit velja at kalla tað. Nakrar matstovur bjóða tað hvønn dag og onnur bara um vikuskiftið. Ymisk er eisini hvussu nógv verður gjørt burturúr, har nakrar matstovur gera heilt nógv burturúr, og bjóða sjálvtøkuborð, meðan onnur einans bjóða ein tallerk av mati. Vit hava verið og kannað seks støð kring Føroyar fyri at kjósa Føroya besta bronsj. Her er okkara meting. TRÝ KRØV Smakkur: Heilt einfalt. Hvussu hilnast maturin, ið verður borðreiddur. Úrval: Tað er ikki heilt bíligt at keypa bronsj, so tað skal helst metta. Er nokk av mati og drekka og samsvarar vøran við prísin. Matgerð: Hvussu nógv gera tey við matin. Er tað bara keypt vøra, ið verður løgd á ein tallerk ella er tað heimagjørt? BRUNSJ, BRONSJ, BRUNCH, MORGUNMATAR­TALLERKUR ELLA OKKURT HEILT ANNAÐ Smakka Tórshavn 165 kr Matur: Sjálvtøku borð við m.a. heimabakaðum bollum, heimagjørdum pesto, hummus, músli og bønagrýta, trý sløg av osti, jogurt, vatnmelón, appilsin og heimagjørdar pannukakur. Drekka: Tvey sløg av djús, kaffi, te og vatn. Smakka bjóðar vistfrøðiligan vegetarmat, so tað sigur seg sjálvt, at hetta ikki er staðið, ið fólk fara, um tey ynskja bacon og pylsur til teirra bronsj. Men Smakka borgar altíð fyri eini góðari matuppliving, og tað merkist, at her eru fólk, ið leggja nógva orku í at veita kundunum eina góða máltíð. Men tá tað er sagt, so er munurin millum Smakka og toppskorarin hesaferð, at her er einki einstakt, ið skarar framúr. Alt er gott, men tað er einki, ið fær meg at reisa meg fleiri ferðir fyri at fáa meira av tí. Harumframt manglar onkur tyngri matur í úrvalinum. Grýtan við bønum mettar, men tað er avmarkað hvussu nógvar skálir man tímir at eta av bønum. Her eru einans smáting, ið skulu fáast upp á pláss til trý rein fimmtøl. Eitt dreymastað fyri tey, ið ynskja eina sunna og góða máltíð. Umami Tórshavn 135 kr Matur: Ein bolli, eggjawrap við skinku, grønmeti, ein kaka, skorin frukt, jogurt við músli, ostur, skinka. Drekka: Kaffi, Djús, Vatn. Eggjawrapið er hæddarpunktið við hesi máltíðini, og er ein vitnisburður um, at maturin verður so nógv betri, um eitt sindur eyka verður gjørt við hann. Tíverri livdi restin av tallerkinum ikki upp við eggjawrapið, og tyktist at vera keypt vøra, ið er einans er løgd á ein tallerk. Tað er ikki tað, at maturin smakkar illa. Men tað er lítið til av honum, og tað er bíligari at fara í nærmasta matvøruhandilin og keypa somu vøruni. Tað er spell, tí við eggjawrapinum prógvar Umami, at tey duga at gera mat. Tað telur annars upp, at kaffi og fríkstpressað djús, ið smakkaði avbera væl, var við í prísinum. Ein miðal bronsj, ið verður hálaður upp av eggjawrapinum og fríska djúsinum. Smakkur: 4 Úrval: 4 Matgerð: 5 Heild: 4,5 Smakkur: 3 Úrval: 3 Matgerð: 3 Heild: 3 Hvar er Føroya besti brunsj?