mánadagur 20. juni 2016síða 14

Mánadagur 20. juni 2016 · Nr. 70 14 Sosialurin Hugskot og viðmerkingar – send sms til 225000 STUTTSØGD TÍÐINDI NÚ FÆR ÓFRIÐURIN AVLEIÐINGAR ganevndin hjá UEFA kemur í dag væntandi til eina niðurstøðu um hvat skal henda við ófriðarkroppunum til EM í Fraklandi. Stuttsøgdu ítróttartíðindini eru framvegis merkt av EM-fepuri, men kagar sjálvsagt eisini til aðrar ítróttargreinar Pætur Albinus FÓTBÓLTUR Christian Holst hevur nú spælt sín síðsta fótbóltsdyst á hægsta støði. Hetta hendi leygardagin, tá ið hann í ársins seinasta dysti slapp at byrja inni hjá Fremad Amager, sum var á vitjan hjá AB. Bæði liðini høvdu longu tryggjað sær uppflyting í næstbestu deildina, so tað hevði ikki tann stóra týdningin, at AB vann 6-4 í einari sannari málveitslu. Christian Holst skeyt eitt mál upp á brotsspark. Eisini Heini Vatnsdal byrjaði inni. Greiðu oddaliðini í 1. deild hjá kvinnum, KÍ og EBS/ Skála, hittust í gjár við Djúpumýru í Klaksvík. Birna Tummasardóttir syrgdi fyri at gestirnir vóru á odda 1-0 í hálvleikinum, men stutt inn í seinna hálvleik javnaði málrevurin hjá KÍ, Rannvá Andreasen, til 1-1, sum eisini gjørdist endaliga úrslitið. Úrslitið hevur við sær, at KÍ og EBS/Skála framvegis eru stavn um stavn í oddinum við 32 stigum. KÍ hevur tó væl betri málúrtøku. KÍ og EBS/Skála skulu spæla tvær ferðir afturat ímóti hvørjum øðrum hetta kappingarárið, og tað verða hesir báðir dystirnir, ið fara at avgera hvar FM-heitið endar. Brandur Hendriksson kann vænta sær harða kapping um pláss á miðvøllinum í FCK næsta kappingarár. Danska felagið boðar nevniliga frá, at tað hevur skrivað fýra ára sáttmála við Jan Gregus, sum í løtuni er til EM saman við slovakiska landsliðnum. Hann er 25 ára gamal, spælir á sentrala mið­ vøllinum og skiftir úr heim­ lands­felagnum Jablonec. Hinvegin er líkt til, at liðskiparin á miðvøllinum hjá FCK, Thomas Delaney, er ávegis úr felagnum. 24 ára gamli Delaney hevur sagt, at hann ikki ynskir at leingja sáttmálan við barn­dóms­felagið. Eitt ár er eftir av sáttmálanum, og tískil roynir FCK nú at fáa pengar burturúr honum umvegis eina sølu. Tað hevur áður verið áhugi fyri honum, eitt nú úr Hollandi. Copa America er nú komið somikið væl áleiðis, at klárt er til hálvfinalurnar. Mikudagin spæla USA og Argentina, og dagin eftir hittast Kolumbia og Kili. Serliga Kili útmerkaði seg í fjórðingsfinalunum, tá ið teir vunnu heili 7-0 ímóti Meksiko. Eduardo Vargas skeyt fýra mál. Orsøkin til ófriðin í EM-dyst­ in­um ímillum Kroat­ia og Kekkia, har kroatisk­ir áskoðarar kastaðu kanón­ sløg inn á vøllin, sigst vera, at nøkur víðgongd viðhaldsfólk vildu vísa sína ónøgd við kroatiska fót­bólts­ sambandið. Tey eru misnøgd við leiðsluna, har tey meta at eitt nú Zdravko Mamic og Davor Suker standa fyri rotinskapi og taka ímóti mutri. Ein av teimum mongu, sum hevur fortalt hesa søguna, er fyrrverandi kroatiski landsliðsvenjarin, Slaven Bilic. UEFA hevur úr at gera eftir ófriðin ímillum áskoð­ar­ ar í EM-endaspælinum. Evrope­iska fót­bólts­sam­ gongan sigur, at tað nú verða førdar sakir ímóti Kroatia, Ungarn og Portugal. Ungarskir áskoð­ar­ar skaptu rumbul eftir 1-1-javn­leikin ímóti Íslandi, meðan Portu­ gal eisini skal svara fyri seg, eftir at ein fjeppari rann inn á vøllin at taka »selfie« saman við Ronaldo. Aganevndin hjá UEFA væntast at koma til niður­ støður í dag, mánadagin. Jamie Vardy verður lagdur undir skurð eftir at EM-endaspælið er av. Tað váttar hann fyri The Telegraph. Hann hevur tað mesta av kappingarárinum við gipsi á høgru hond, og orsøkin er tann, at hann hevur tvey stór brot í handliðnum. Skaðin hendi í einum dysti ímóti Aston Villa fyrst í farna kappingarári. Eftir skurðviðgerðina má hann halda ein steðg í tríggjar vikur frá fótbólti. Hann sigur, at hetta ikki fer at ávirka fyrireikingarnar til komandi kappingarár. Nolito, sum hevur spælt væl á spanska landsliðnum hetta EM-endaspælið, er ávegis úr Celta Vigo. 29 ára gamli vongleikarin kann keypast leysur fyri 135 milliónir krónur, og Celta Vigo- forsetin, Carlos Mouriño, sigur seg vænta, at felagið má selja hann. West Ham og FC Barcelona sigast at vera áhugaði at keypa hann. Lucas Moura er ávegis til Liverpool. Sky Sports skrivar, at brasilski PSG-leikarin hevur verið í samráðingum við enska felagið, og at tað ikki restar nógv í, áðrenn hann skrivar undir. 23 ára gamli Lucas Moura skeyt síðsta kappingarár 13 mál í 32 dystum fyri PSG. FC Barcelona er tætt við at keypa 22 ára gamla verjuleikaran hjá Lyon, Samuel Umiti, fyri 225 milliónir krónur úr Olympique Lyon. Tað vita Mundo Deportivo, Sport og Radio Catalunya at siga. Franski verjuleikarin, sum ikki er við í EM, skal fylla verjupartin í FC Barcelona, eftir at felagið fyri stuttum hevur selt Dani Alves til Juventus og Marc Bartra til Dortmund. FR. ÍTRÓTT Altjóða samgongan fyri frælsan ítrótt, IAAF, hevur valt at útihýsa øllum russiskum íðkarum frá altjóða kappingum vegna stóra dopinggølu, har avvarðandi russiskir myndug­leikar sambært teimum ikki gera nóg mikið fyri at steðga doping. Hetta inni­ber, at teir ikki sleppa við til OL í Rio de Janeiro í summar. Tó kunnu einstakir íðkarar møguliga sleppa við kortini – alt, teir skulu gera, er at prógva, at teir ikki eru dopaðir. Teir sleppa tó ikki at umboða Russland, men verða skrásettir sum uttanveltaðir. 34 ára gamla Yelena Isinbayeva, sum vann OL-gull í stangar­lopi í 2004 og 2008, sigur við BBC, at hon ætlar sær at draga IAAF fyri mannarættinda­dóm­ stólin. Hon metir tað vera brot á mannarættindini, at allir russisku íðkararnir verða skorðnir yvir ein kamb og úti­hýstir. - Vit eru ákærd fyri nakað, ið vit ikki hava gjørt. Eg fari ikki at tiga. Eg fari at taka stig ímóti hesum. Eg fari í manna­rættinda­ dóm­stólin, sigur hon. HONDBÓLTUR Tummas Pauli Hanusarson kemur heim aftur til Føroya at spæla við barn­dóms­ felagnum, Kyndli, næsta kappingar­ár. Tað skrivar Kyndil á heimasíðu sínari, har eisini verður upplýst, at tveir av profilunum, David Edvardsen og Hørður Fannar Sigtórsson, hava longt um sátt­málan. Tummas Pauli Hanusarson hevur seinastu árini spælt í Danmark, har hann hevur verið ein av berandi kreftunum á liðnum hjá ÍF Føroyum. KAPPKOYR. Grand Prix-kapping í formil 1 var leygardagin í Aserbadjan, har Nico Rosberg (Mercedes) var fullkomiliga yvirlegin og var á odda byrjan til enda. Honum á baki komu Sebastian Vettel (Ferrari) og Sergio Perez (Force India). Danski Kevin Magnussen (Renault) bleiv nummar 14 og fekk einki stig. Í samlaðu støðuni økti Nico Rosberg um munin niður til liðfelagan, Lewis Hamilton. Rosberg hevur 141, meðan Hamilton hevur 117. Árliga Le Mans-kapp­koyr­ ing­in, har koyrt verður í 24 tímar út í eitt, varð koyrd hetta viku­skiftið, og ársins útgáva man vera ein av teimum, sum sjáldan verður gloymd. Toyota var á odda í 23 tímar og 55 minuttir, tá ið bilurin á um­fari 383 út av 384 steðgaði upp. Kazuki Nakajima, sum koyrdi Toyota-bilin hesa løtuna, segði um­vegis sam­ skiftis­tólini, at bilurin misti orkuna, og stutt eftir stóð hann heilt stillur. Toyota- toymið kundi ikki gera annað enn at síggja Porsche strúka framvið og vinna Le Mans. SÚKKLING Torkil Veyhe, sum súkklar við Team WeBike-CK Aarhus í Danmark, luttók um viku­ skiftið í A-kapping í Kolding. Á teininum, sum var 135 kilometrar langur, kom Torkil á mál við tíðini 3:15:34. Tað rakk til eitt áttanda pláss. Hann var enn einaferð bestur á sínum liði, sum tó sama dag eisini hevði ein hóp út­sendan til kappingina Oberösterreich Rundfahrt í Eystur­ríki. – Tað er valla nakar ivi um, at Torkil Veyhe er tann av­gjørt stinnasti súkklarin í danska A-klassanum. Um eg so taki pessimistisku brillurnar á, so kann eg ikki ímynda mær eitt landslið uttan hann, segði ein av ítróttarstjórunum hjá Team WeBike-CK Aarhus, Michael Berling, í síðstu viku. Tað, hann sipar til, er, at Torkil Veyhe burdi verið úttikin til danska landsliðið, sum fer at luttaka í Post Danmark Rundt í døgunum 27. til 31. juli.