mánadagur 4. juli 2016síða 15

15 Mánadagur 6. januar 2014 · Nr. 2 Sosialurin Mánadagur 4. juli 2016 · Nr. 76 Hugskot og viðmerkingar – send sms til 225000 FÓTBÓLTUR FØROYINGUR SETTI KNÚSANDI MET Í GÖTEBORG Høvuðssøgan úr teimum stuttsøgdu kemur úr frælsa ítróttinum, har 17 ára gamli Tórur Mortensen setti knúsandi met í trístøkki í kapping í Göteborg. Sum vant er eisini fitt av fótbóltsstubbum í stuttsøgdu ítróttartíðindunum Pætur Albinus FÓTBÓLTUR Nú er klárt til hálvfinalurnar í EM-endaspælinum í Frak­ landi. Tað er greitt eftir fjórðings­finalur­nar, sum blivu spældar frá hóskvøldi til sunnu­kvøld. Fyrst vann Portugal á Póllandi eftir brots­sparks­kapping í dysti, sum endaði 1-1 í vanligu leiktíðini. Síðani skakaði Wales fót­bólts­ evropa, tá ið walisararnir sera óvæntað vunnu 3-1 ímóti Belgia. Leygar­kvøldið vann Týskland ímóti Italia eftir brots­sparks­kapping, har tað lá óvanliga illa fyri hjá skjúttunum at skjóta. Hesin dysturin endaði eisini 1-1 í vanligu leiktíðini. Síðani varð fjórðings­finalu­ umfarið rundað av í gjár­ kvøldið, tá ið íslendska fótbóltsævintýrið endaði á hesum sinni. Franska vertstjóðin var ein ov stórur biti at svølgja hjá frændum okkara fyri vestan – Frakland vann 5-2. Hálvfinalurnar í EM verða spældar mikukvøldið og hóskvøldið. Mikukvøldið hittast Portugal og Wales í Lyon, og hóskvøldið verður eitt rimmar brak, tá ið fronsku vertirnir og týsku heimsmeistararnir hittast í Marseille. Sigurin hjá Týsklandi leygarkvøldið gjørdist dýrur. Bæði Sami Khedira og Mario Gomez fóru út skaddir. Týska Kicker skrivar, at skaðin forðar Sami Khedira at luttaka í hálvfinaluni ímóti Fraklandi hóskvøldið. Eisini verður ivi sáddur um, um miðvallarin megnar at blíva klárur til eina møguliga finalu. Mario Gomez er ivasamur til hálvfinaluna hóskvøldið. Franska PSG ognaði sær spanska Unai Emery sum venjara í farnu viku, og longu nú hevur spaniólin fingið tveir nýggjar leikarar at ráða yvir. Í gjár kunngjørdi PSG, at framyvir verða Grzegorz Krychowiak, miðvallari, og Thomas Meunier, verjuleikari, leikarar hjá høvuðsstaðarfelagnum úr París. Emery og Krychowiak hava verið samstarvsfelagar í Sevilla farnu árini. Chelsea kunngjørdi í gjár, at framyvir skal 22 ára gamli Michy Batshuayi um­boða felagið. Batshuayi er belg­ isk­ur framherji, og var hann við í belgiska EM-hópinum. Hann skoraði eitt mál í hesum EM-enda­spælinum. Tað liggur til persónsleikan hjá Arsène Wenger at keypa fullkomiliga ókendar leikarar til Arsenal, og nú hevur franski venjarin endurtikið kynstrið. Um vikuskiftið gjørdist greitt, at Arsenal hevur keypt 21 ára gamla japanska framherjan, Takuma Asamo, til felagið. Leikarin verður keyptur frá japanska Sanfrecce Hiroshima. HONDBÓLTUR Lutakast til bólkaspælið hevur verið í Champions League í hondbólti, og har er greitt, at Jóhan á Plógv Hansen og felag hansara, Bjerring­bro-Silkeborg, hava stórar avbjóðingar fyri framman. Kappingar­ skipanin í hondbólti er nakað øðrvísi enn í eitt nú fótbólti. Heili átta lið eru í bólkinum hjá Jóhan á Plógv Hansen, og seks av hesum liðum koma víðari. Í bólkinum eru stórlið sum FC Barcelona, Paris Saint-Germain, SC Flensburg Handewitt og THW Kiel. FR. ÍTRÓTTUR Landsliðið í frælsum ítrótti er í hesum døgum í Göteborg og luttekur í kappingini VU Spelen. Fríggjadagin byrjaði kappingin, og hendan dagin stóð bert 13 ára gamla Elin Niclassen fyri størsta bragdinum, tá ið hon vann silvurmerki í aldursbólki sínum í spjótkasti. Tað var bara ein finsk genta, ið kastaði longri enn Elin. Leygardagin var tað 17 ára gamli Tórur Mortensen, ið stóð seg einanstandandi væl í trístøkki. Eftir fimm lop var Tórur nummar sjey, og var hægsta lop hansara 13,98 metrar. Men í sætta og avgerandi lopinum skelkaði Tórur alt og øll í svensku kappingini, tá ið hann leyp heili 14,94 metrar. Hetta sera langa lopið viðførdi eitt gull­ heiðursmerki til unglingin. Talan er eisini um føroyskt met. Øssur Debes Eiriksfoss setti met í greinini, tá ið hann leyp 14,34 metrar á oyggja­ leikum á Bermuda í 2013, men hetta metið er nú blivið bast við heili 60 sentimetrum! SVIMJING Í gjáramorgun fór eitt føroyskt ferðalið við sjey føroyskum svimjarum til Ungarn at lut­taka í kapp­ ingini EJM, sum stendur fyri Evrope­iska Junior­ meist­ara­stevnan. Føroysku svimjararnir eru hesir: Ásbjørg Hjelm, Jana Bjartalíð Thomsen, Sára Ryggshamar Nysted, Sign­ hild Dánjalsdóttir Joensen, Vár Erlingsdóttir Eidesgaard, Marius Ihlen Gardshodn og Róland Toftum. Kappingin byrjar miku­ dagin og endar sunnudagin. TENNIS Fleiri áttandapartsfinalur í siðbundnu Wimbledon- kappingini skulu avgreiðast í dag. Um vit taka tey heilt kendu, so spælir Roger Federer ímóti Steve Johnson í dag, meðan Serena Williams spælir ímóti Svetlana Kuznetsova. SÚKKLING Heimsins størsta súkkli­ kapping, Tour de France, er farin av bakkastokki. Í gjár var tað slovakiski Peter Sagan, sum vann 2. etapu. Etapan var 183 kilometrar til longdar. Hin triða etapan verður súkklað í dag. Talan verður um etapu, ið mest sum bara verður súkklað á sløttum lendi.