mánadagur 4. juli 2016síða 23

23 Mánadagur 6. januar 2014 · Nr. 2 Sosialurin Mánadagur 4. juli 2016 · Nr. 76 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen Tey allarflestu munnu hava tað soleiðis, at tey onkrastaðni hava eitt bleytt punkt, tá tað kemur til teirra, eingin væntar sær nakað av. Øll kenna søguna um Dávid ímóti Goliat, har lítli drongurin fekk koppað risanum. Og er tað nakað, ið av álvara kann vekja ein áhuga, tú frammanundan ikki hevði, so er tað, tá onkur “underdog” ger ein vørr og fær eitt úrslit, fáur ella eingin hevði roknað við. At síggja onkran stríðast við hjartanum uttan á bringuni, elska vit øll! Soleiðis hevur tað eisini verið í hesum EM-endaspælinum í fótbólti, sum í veruleikanum hevur havt tvær slíkar søgur koyrandi í senn, tí bæði Ísland og Wales hava megnað so nógv meira, enn nakar hevði roknað við. Bara tað, at Ísland megnaði at spæla seg til endaspælið við millum annað at vinna bæði úti og heima á Hollandi, fyri síðani at vera fyrsta liðið úr bólkinum, sum fekk atgongumerki til EM, er í sjálvum sær ein ivaleysa stór og stuttlig søga, ið okkum øllum dámar. Men tað, sum síðani er hent í Fraklandi, har Ísland ikki tapti ein dyst fyrr enn í fjórðingsfinaluni ímóti fronsku vertunum, sum við sínum heimsstjørnum teljast millum avgjørdu favorittarnar at vinna EM hesaferð, er ein sonn sólskinssøga. Alt Europa – og óivað meira við – kennir nú til Ísland og veit, at her er talan um eitt fólk og eina tjóð, ið er gjørd úr serligum tilfari. Ikki minst hevur tað verið stuttligt, at føroyingar hava verið so ídnir at stuðla Íslandi og hildið við grannum okkara fyri vestan! Nú endaði so helvtin av hesum serliga EM-ævintýrinum, tí íslendingar í gjárkvøldið ikki rukku longur. Men meðan vit framvegis fagna teimum og teir kunnu gleða seg til at koma heimaftur til Íslands, kunnu vit, sum liggja mitt ímillum, halda fram við hinari helvtini av ævintýrinum, tí enn hava vit Wales við í kappingini. Eisini her er talan um eina lítla tjóð, eingin hevði væntað sær nakað av, men sum veruliga hevur víst, at tað ber til at røkka langt. Ímóti Ronaldo og hinum “diddunum” hjá Portugal hevur Wales óivað eisini ein veruligan møguleika at vinna seg heilt í finaluna, tí portugisar hava enn ikki vunnið ein erligan dyst í allari kappingini, men hava klárað seg við javnleikum, longdari leiktíð og brotssparkskapping. Hinvegin hevur Wales vunnið fimm dystir og tapt ein, so vit kunnu hava eina veruliga vón um, at tað enn kann ganga rætta vegin hjá grannum okkara fyri sunnan, nú grannar okkara fyri vestan eru úti. Pob lwc, Cymru! Frá Íslandi til Wales KLUMMAN Hilmar Jan sigur sína hugsan... Tróndur Arge Viljormur Davidsen hevur avgjørt at leingja sáttmálan við Vejle, sum spælir í næst bestu deildini í Danmark. Hóast liðið enn manglar bæði spælarar og venjara, so hava nýggi eigarin og ítróttarstjórin sannført vinstra bakkin á landsliðnum um, at Vejle er rætta staðið. Tað sjálvt um onnur feløg vóru eftir honum. Viljormur Davidsen og familjan eru økt í talið, og talan er um ein nýggjan kapitul, tí nú er hann ein av leiðandi spælarunum í felagnum, men hann og familjan halda fram at búgva og spæla í Vejle. Ikki sæð fyrr í donskum fótbólti Viljormur Davidsen skifti til Vejle í 2013. Eitt felag, sum hevur verið rakt av fíggjarligum trupulleikum og órógvi ta tíðina. Nýggjur eigari er Andrew Zolotko, og saman við ítróttarstjóranum, Steen Thychosen, hava teir sannført føroyska landsliðsspælaran at halda fram. – Eg fekk eitt gott prát, har teir fortaldu hvat fyri planir teir høvdu við mær. Tað helt eg vera so spennandi, at eg gjarna vildi verða ein partur av tí, sigur Viljormur Davidsen, sum hevði tilboð aðrastaðni frá. Leiðslan í felagnum hevur fortalt føroyska lands­liðs­ spæl­aranum, at felagið skal byggjast upp á ein nýggjan hátt, sum ikki er sæð áður í donskum fótbólti. Tað sær hann sum eina spennandi avbjóðing, heldur enn nakað at ræðast. – Tað er ein stór útskifting í hópinum, men eg eri tann einasti, sum vanliga spælur fast, ið fekk forlongt. Tað eri eg stoltur av, og spentur uppá tvey tey komandi árini. Tað hevur ikki rædd meg, sigur Viljormur Davidsen. – Eg hevði nøkur onnur tilboð frá donskum og út­ lendskum feløgunum, men eg sá meg best í Vejle. Vit sum familja trívast gott í Vejle, sigur vinstri bakkurin, ið bleiv pápi aftur í vikuni. – Hendan vikan kundi ikki verið betri. Eg og sonurin eru so stoltir av mammuni, og forelskaðir í litlu prinsessuni, fortelur Viljormur Davidsen brosandi. Óvist hvat málið er Orsaka av støðuni uttan spælarar og venjara, er torført at seta eitt mál fyri komandi kappingarár. – Málið er sjálvandi at vera í toppinum, men tá vit ikki hava fingið nýggjan venjara, og allar spælararnar upp á pláss, so er ringt at siga hvat málið er beint nú, sigur Viljormur Davidsen. Vejle endaði á fimta plássi í næst bestu deildini í Danmark. trondur@sosialurin.fo Viljormur Davidsen hevur gjørt nýggjan tvey ára sátmála við Velje og bleiv aftur pápi í farnu viku. Ein stór vika, sum leggur upp til ein nýggjan kapitul, men í somu bólk FANTASTISK VIKA FYRI VILJORM