mánadagur 4. juli 2016síða 37

VIKA 27 • 4. JULI 2016 13 ÓKEYPIS LÝSINGARBLAÐ Í ár er Føroya Regatta skipað saman við stevnuni Norðurlendsk Strandamentan. Fyrstu ferð skipað varð fyri Føroya regatta við gomlu træseglskipum og bátum var í 2010. Sostatt er hetta sætta árið, at vit sigla Føroya Regatta, og skipini hava siglt runt um oyggjarnar og vitja flestu av teimum størru bygdunum í Føroyum. Í fjør vitjaði Føroya Regatta á Eiði og Sørvági. Siglt varð norðan fyri Føroyar, veðrið var gott, nógv ferðafólk vóru við, og tað var ein stórsligin sjón at síggja fuglabjørg og drangar í góðveðrinum. Bæði á Eiði og í Sørvági varð skipað fyri tiltøkum á bryggjuni og eydnaðist tað sera væl. Fyrstu fer skipað varð fyri stevnuni Norðurlendsk Strandamentan, var í Húsavík á norðurlandinum í Íslandi í 2011. Tá luttóku m.a. sluppin Johanna og skúlaskipið Dragin og eisini varð skipað fyri føroyskari framsýning og føroyskum dansi. Tað er skilligt, at tá tað kemur til norður­ lendska strandamentan, so hava vit nógv til felags við hini norðurlondini – og tað er júst tað, sum stevnan skal sýna. Í 2012 var stevnan í Ebeltoft í Danmark, 2013 í Landskrona í Svøríki, 2014 í Oslo í Noreg, 2015 í Mariehamn á Álandsoyggjunum og so í ár fyri fyrstu fer í Føroyum. Fyri børnum verður skipað fyri skattajakt umborð á skipunum, so spennandi verður, hvør finnur skattakistuna. Frá kl. 19-21 verður »opið skip«. Á dekkinum á sluppunum verður høvi at síggja menn í gomlum sjóklæðum og greiða frá og sýna fram gomul tól og fiskireiðskap frá slupptíðini. Eisini kunnu bæði børn og vaksin heysa okkurt segli upp. Umborð á skúlaskipinum »Dragin« kunnu fólk síggja tól og amboð og síggja, hvussu Dragin verður nýttur sum skúlaskip fyri næmingum í fólkaskúlanum. Eisini skal manningin á Draganum mynstra, har menn eru ílatnir í gomlum skipsbúna. Aftur í ár hava fólk møguleikan at sigla við einum av træseglskipunum í Nólsoyarfirði og ella úr Tórshavn til Vágs. Ferðaseðlar kunnu keypast á kunningarstovunum kring landið ella umborð. Vit vilja ynskja øllum eina góða og áhugaverda regatta og norðurlendska strandastevnu. – í Tórshavn 7. juli og í Vági 8. – 10. juli Vælkomin á Føroya Regatta og á Norður­ lendsku Stranda­ mentanar­stevnu 2016 TEMA