mánadagur 4. juli 2016síða 44

VIKA 27 • 4. JULI 2016 20 ÓKEYPIS LÝSINGARBLAÐ TEMA Føroya Regatta 2016 Næsta ár vitja vit Leirvík og Sand Næsta ár verður Føroya Regatta í døgunum frá fríggjadegi 7. juli til sunnudagin 9. juli. Skipini sigla suður á Sand, har skipini leggja at bryggju kl. 19. Leygarmorgunin 9. juli verður siglt norður til Tórshavn, har skipini liggja við bryggju í uml. 2-3 tímar. Síðani verður siglt norður til Leirvíkar, har Eysturkommuna er vertur fyri regattaðini. Bæði á Sandi og í Leirvík verður skipað fyri tiltøkum á bryggjuni við kappingum, tónleiki, sangi og dansi. Uttanlandstúrar hjá seglskipunum U mfrant at sigla útferðir og regattasigling um summarið, so hava fleiri av seglskipumum eisini gjørt ferðir uttanlanda næstan hvørt summar. Allastaðni har sluppirnar koma vekja tær áhuga, tí fólk vilja síggja hesi skip, sum eru millum elstu sigl­ andi skip í heiminum. Til dømis tá West­ward Ho var á Sjómannadegnum í Reykja­vík í fjør, vóru fleiri túsund fólk umborð fyri at síggja hesa gomlu vøkru skútu, sum er so snøgg bæði innan­borða og uttanborða. Vit kunnu siga, at sluppirnar eru góð umboð fyri okkara oyggjar uttanlanda, tí sum okkara siglandi arvur umboða tær eina farna tíð, og tað er onki minni enn eitt bragd, at okkum eydnaðist at varðveita tær til komandi ættarlið. Í ár skuldi Westward Ho eftir ætlan gera ein túr í juni, men av tí at skiparin gjørdist sjúkur, mátti ferðin avlýsast. Møguliga verður ein túrur gjørdur seinni í ár. Jóhanna og Thorshavn fóru ein túr til Hetlands í sonnum illveðri. Veður­menninir høvdu spátt ringt veður, men veðrið gjørdist upp aftur verri, rættiligur stormur, tá skipini nærkaðust Hetlandi. Tíbetur spældi alt væl av og eingin skaði hendi. Skúlaskipið Dragin skal ein túr til Skotlands. Siglt verður av Vági, tá Regattastevnan har er liðug. 10 mans vera við skipinum. Ætlanin er at vitja Wick, sum er vinarbýur hjá Klaksvík. Allarhelst verður eisini vitjað í Orknoyum og Hetlandi, um viðrar. Skúlaskipið Dragin umboðar eina heilt aðra tíð. Dragin er ein gamal snurruvásbátur, bygdur í Keyp­manna­ havn í 1945 og er sostatt 70 ára gamal. Tað var hetta skipaslagið, sum kom til Føroyar beint eftir 2. Ver­ aldar­bardaga og sum seinni loysti sluppirnar av. Tað komu heilt nógvir slíkir 30-tonsarar til Føroyar beint aftan á kríggið. Teir royndu mest við Føroyar og ofta undir Íslandi um summarið. Dragin varð umbygdur til segl/skúlaskip í 2003