hósdagur 7. juli 2016síða 4

FRÍGGJADAGUR 8. JULI 2016 SOSIALURIN 78 4 BIRGITH LASSEN E in mikumorgun í apríl koyrdi Karolina Dan­ ielsen runt millum Lands­ sjúkrahúsið, Blákross- heimið og Heilbrigdi við soni sínum, sum er rúsevnismisnýtari. Sonurin var komin so mikið langt av kós, at Karolina Danielsen óttaðist fyri lívi hansara. Men í eini roynd at leita sær eftir hjálp, rendi hon seg í fleiri forðingar og noyddist í síðsta enda at taka sonin við sær heim aftur, meðan hon bíðaði eftir fyrsta flogfarinum sum fór av landinum. ”Eg svav einki hesar dagarnar, tí eg var so ótrygg og bangin fyri lívinum hjá soni mínum. Til síðst hevði eg einki annað val enn at fara av landinum, tí Landssjúkrahúsið vildi ikki innleggja hann”, fortelur Karolina Danielsen. VikuskiftisSosialurin spyr hesa ferð, hví sonurin ikki fekk ta hjálp í Føroyum, sum hann bað um. Vit spyrja eisini, hvør hevur ábyrgdina av at rinda viðgerð í útlandinum, tá einki viðgerðartilboð er í Føroyum. Neyðarrópið frá soninum Ein mikumorgun í apríl varð Karolina Danielsen uppringd av soni sínum. Hann greiddi frá, at hann hevði verið í sera umfatandi rúsevnismisnýtslu, og at hann nú hevði ógvuligar ringar abstinensir, tí hann í tveir dagar hevði hildið sær frá rúsevnum. Av fríum vilja og uttan læknaliga hjálp hevði hann roynt at hildið seg vekk. Ikki tí hann manglaði pengar, men tí hann vildi sleppa burturúr síni drúgva og umfatandi misnýtslu. Hann bað mammu sína hjálpa sær. Mamman hevur hoyrt søgur um misnýtarar, sum eru deyðir, tí teir royna at sleppa úr misnýtslu uttan læknahjálp. – Valið var antin at koyra til Havnar eftir honum ella at lata hann brúka sínar síðstu pengar upp á fleiri rúsevni, fortelur Karolina Danielsen, sum í fleiri dagar óttaðist at sonurin fór at doyggja. Hon koyrdi beint av Streym­ nesi eftir soninum og á veg suður til Havnar ringdi hon á Landssjúkrahúsið og fyrireikaði tey upp á, at hon var á veg. Í eini læknarapport, sum varð skrivað nakrar dagar seinni, stend­ ur skrivað, at støðan hjá soninum var sera ring: Hann sveittaði illa, pulsurin var høgur og vektin var alt ov lág fyri ein vaksnan mann. Men á Landssjúkrahúsinum, fekk sonurin onga hjálp. – Vit møttu upp í læknavaktini, og tann, sum tók í móti okkum, sá beinavegin, at støðan hjá soni mínum var øgiliga ring. Hon ringdi á psykiatrisku deild og bað um at fáa hann innlagdan til avrúsing, fortelur Karolina Danielsen. Hon er mamma at 26 ára gamla Mortan Johanessen, sum í fleiri ár hevur verið misnýtari av sterkum Men svarið frá psykiatrisku deild var, at tey kundu ikki taka hann inn. Hví Mortan Johannesen ikki slapp inn á psykiatrisku deild, greiddi eingin frá, og hóast starvsfólk í læknavaktini ringdi upp aftur til psykiatrisku deild, var eingin hjálp at fáa har. Hjá læknavaktini fekk Mortan Johannesen heilivág til at klára náttina, og fór síðan heim aftur við mammu síni. Hvørki hesa náttina ella náttina eftir fekk mamman sovið, tí hon var bangin fyri, hvat kundi henda soninum. Dagin eftir fóru mamman og sonurin á Blákrossheimið og í Heilbrigdi at biða um hjálp, men hóast tey har eru von at taka sær av misnýtarum, metti ein til­knýttur lækni saman við sjúkra­røktar­ frøðingi, at Mortan Johannesen var í alt ov ringum standi til at vera á viðgerðar­stovninum. – Rúsevnini, sum hann hevði tikið, vóru so mikið sterk, at vit hava ikki kompetansu til at taka okkum av tí. Høvdu vit tikið hann inn her, er tað ikki vist, at hann hevði yvirlivað, fortelur Árni Rein, leiðari á Heilbrigdi. Hann kundi doyð Leiðarin á Heilbrigdi minnist týði­ liga dagin, tá Karolina Daniel­sen kom inn við soni sínum. – Sonurin var so illa fyri, at hann fór at doyggja, um Heilsuverkið ikki á onkran hátt veitti honum hjálp. Men tað gjørdu tey ikki, og eg ráddi tí mammuni til at taka eina drastiska avgerð. Hon hevði einki annað val, um sonur hennara skuldi yvirliva, fortelur Árni Rein, leiðarin á Heilbrigdi, sum hevur arbeitt við misnýtarum í 30 ár. – Hetta er fyrstu ferð, at ein brúkari hjá okkum hevur verið í so ringum standi, at vit ikki tordu at taka hann inn, sigur hann. TEY RÆÐAST FØROYAR HVÍ FEKK MORTAN IKKI HJÁLP? Karolina Danielsen fór fyrr í ár við soninum til Danmarkar á avvenjingarheim, tí eingin hjálp var at fáa í Føroyum. ”Vóru vit ikki farin niður, var hann deyður vikuna eftir”, sigur mamman, sum nú heftir fyri stóra rokning frá avvenjingarheiminum í Danmark. Mamman spyr, hví føroyska heilsuverkið ikki vil rinda rokningina, tá tey ikki vóru før fyri at veita hjálp her heima Sosialurini hevur fingið avrit av samskiftinum millum Karolinu Danielsen og Almannaverkið og LS